ما هو تقييمك لوكيل أودي و مراكز الخدمه

**Islam_galal** · 15-04-2008 12:25 PM

أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس

برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)

**zozza** · 17-11-2008 01:15 PM

مفيش حد يا جماعة يقولنا اخبار توكيل اودي في مصر ايه
و هل يا ترى ناس محترمين عملائهم ولا ايه النظام

**sitos** · 03-08-2009 01:59 AM

انا شايف ان التقيم لنسبة سئ جدا كتير جدا مع اني انا مهندس في التوكيل ومشاكله بتتعد على الصوابع وبتتحل في اسرع وقت اكيد في ظلم في النتيجه ده !!!!!!

**mantoros** · 27-09-2009 10:22 PM

فين توكيل اودي و صيانته؟
و يا تري لو حبيت اعمل فحص شامل لتقييم سيارة مستعملة ممكن؟ و يتكلف كام؟

شكرا

**Ahmad Allawy** · 26-10-2009 11:38 AM

التوكيل مكانه في العبور..
و اكيد مش هتلاقي حد كتير اتعامل معاهم.. عشان عدد الناس اللي معاهم عربيات اودي في مصر كلها مش كتير.. و اللي لسة بيتعامل مع التوكيل اصلا هتلاقيه عدد قليل قوي.. و اللي بيدخل علي نايل موتورز منهم اقل و اقل..

تاني حاجة.. كويس ان في مهندس من التوكيل معانا هنا..
كويس يا هندسة.. يا ريت تخليك معانا بقي ومتابعنا..

نيجي بقي للرد علي الدكتور شامل..
الصيانة في العبور.. و مواعيدهم كل يوم 9-4:30
بيتكلف بالنسبة للعربيات a4 علي سبيل المثال بيتكلف حوالي 220 جنيه. و بيكشف علي كل حاجة..موتور و عفشة و شاسيه و تكييف و كل شيء..