الموضوع: للاستفادة لعمر اطول للماتور واجزاء تشغيلوا

فعلا كلامك مضبوط واحب اضيف انه يفضل عند كل غيار زيت النظر الي الطبه ورؤيه الشوائب الملتقطه عليها وطبعا ده يساعد في معرفه حاله الماكينه وكميه ونوعيه الشوائب يحدد اذا كان يوجد تأكل او لا في الماكينه وشكرا علي الموضوع المفيد

المشاركة الأصلية كتبت بواسطة hondaaaa

طبعا الموضوع مهم لاى ماتور سواء سيارة او بيك واعتقد انة للبيك اهم لان مواتير البيك مندمجة مع الفتيس ...يعنى الماتور والفتيس فى البيك بياخد من نفس الزيت باختلاف العربيات زيت الماتور لوحدة وزيت الفتيس لوحدة ..ودا يمكن بياثر على عمر ماتور الموتوسيكل اكتر خصوصا ال بيهمل غيار الزيت لانة كسره الشوائب بتكون اعلى فى ماتور الموتوسيكل بسبب احتكاك تروس الفتيس واحتكاك ورق الدبرياج ...الموضوع باختصار يتعلق بـــــ(( طبه الزيت )) وللاسف كتير من شركات الموتوسيكلات بتنزل طبة الزيت من غير مغناطيس للاتقاط الشوائب المعدانية فى الزيت مع انها مهمه جدااا لسببين اهم من بعض 1- التقاط الشوائب العائمة فى الزيت الا ممكن تدخل فى طلمبة الزيت او السبيكة وتقل عمرها 2_ ممكن لاى سبب من الاسبب ترس ترس جر داخل الماتور ينكسر منه قطعة صغيرة بسبب تغيير غلط على سرعة عالية ..فلو القطعة الصغيرة دخلت بيت التروس كلها هتخربها لكن المغناطيس فى الوقت دا هيلتقطها ...كتير هيسال طب هنعمل اية ..اولا لم تيجى تغير زيت حط الطبة على اى قطعة حديد شوف فيها مغناطيس ولا لا...لو ملقتش فيها ممكن تروح لاى واحد بيبيع قطع غيار وتيجب منة نفس الطبة بس بمغناطيس بس لازم تتاكد انها نفس السن ونفس الطول علشان متخربش مكان الطبه وهتلقى موتوسيكلات كتير فيها الموضوع دا والطبة غلبا بتبقى مقاسات استندر يعنى مش كتير مختلفة عن بعض ..

طب ماعلى ايه كل ده فى فكرة احسن بكتير
تفك الجزء الاسفل من الكرتير وتنضفه من الشوائب ال بيبقى متركب فيه الطبه

المشاركة الأصلية كتبت بواسطة KHALED2010

طب ماعلى ايه كل ده فى فكرة احسن بكتير
تفك الجزء الاسفل من الكرتير وتنضفه من الشوائب ال بيبقى متركب فيه الطبه

الفكره ياناصح انه المغناطيس بيعمل عمليه تنقيه فوريه للزيت من الشوائب المعدنيه والتي تعتبر هي الاخطر علي المحرك وحط خط تحت كلمه فوريه بمعني انه الزيت بينضف في نفس الوقت او خلال دوره الزيت ولكن فك الكارتير عند تغيير الزيت هيكون ايه فايدته وبعدين فكرتك دي ابسط واسهل ولا المغناطيس الي في الطبه اسهل ومتنساش موضوع الجوان الي هتضطر تغيره مع كل فك للكارتيره ولا انته بس بتجادل لمجرد المجادله وخلاص

طبعا استاذ هوندا معلومات قيمة بس ليا تعليق ده الموتوسيكل الصينى ليه مغناطيس فى طبة الزيت حسب ما شوفتها عند محل تغيير الزيت ممكن يبقى فيه بايك طبته من غير مغناطيس