مهزله علي الزراعي - عمرنا ما هنتقدم كده
النهارده وانا جي من كفرالدوار باتجاه الأسكندريه كان في حادث بسبب اليوترن الكتيير اللي اتعملو عافيه في اسبوع الثوره
وطبعا الطريق في اتجاه الاسكندريه واقف بسبب الحادث وطبعا البشوات اللي معندهمش صبر قررو انهم يدخلو من اليوترن اللي قبليه في الأتجاه التاني ويمشو عكسي لكنهم ممشو في اليمين وسابو بقيت الطريق للناس اللي جايا في اتجاه القاهره لالالالالالالالالالالالال الا دوول خدو ال 3 حارات في وشهم وغبائهم عماهم عن ان في بشر اكيد هتيجي في وشهم
بصراحه انا مرضتش اخش عكسي وخصوصا ان سمعت واحد من اللي جاي في الاتجاه التاني بيقول الطريق بقي سالك
الناس اللي دخلت عكسي دي ملاكي علي اجره علي نقل وفضلت ماشي وبتفرج علي الطريق اللي بقي واقف تماما والناحيه اللي فيها الحادثه سلكت
وحصل اللي كان لازم يحصل وهو التقاء الطرفين (المعاكس مع اللي ماشي في اتجاه القاهره) ومبقاش في اي مكان الناس تمشي منه يعني Deadlock
والناس بقت عماله تدير من النص والطريق اصلا مقفول من الناحيتين حواليهم
بس لقيت تقريبا مقدم وكام واحد شرطه واقف بقي عند نقطه الصدام مابين الطرفين
بصراحه دمي اتحرق من المنظر لانه كان يحزن بجد ويدل علي مدي تخلف الناس اللي دخلت عكسي