مركز خدمه نادى السكه الحديد
و الله أنا عندى خبره سيءه مع مركز خدمه نادى السكه الحديد فى بيجو 406 كان فى ايرور ظاهر عن حاجه فى الجير بوكس و رحت و دفعت حوالى 700 جنيه فى الهوا و الراجل هناك قالى لازم نحل الفيتيس و نشيك على فلتر الزيت و حتى ما عرفش يعمل ريسيت للإيرور و كان ضعيف فى تعامله مع البرنامج الخاص على اللابتوب و مع ذلك أخدوا تمن (فحص كمبيوتر) أى كلام و خلاص. المهم غيروا سينسور كده و برده الإيرور ما راحش فا طبعا خليتوا يشيل السينسور تانى.
المهم وديتها لبتوع غمرة و ظبطوها و طلع إن السينسور ده فعلا محتاج تغيير بس إخوانا فى السكه الحديد يا إما ما عرفوش يعايروه صح يا إما الباشمهندس صاحبنا ما عرفش يريسيت الإيرور و فى كل الحالات التجربه كانت سيئه.
اسوأ سمكرة ودهان بيجو ابو رواش
انا رحت مركز ابو رواش، عشان محدش يقول عليا متحامل عليهم هوريكم بالصور شغل توكيل الزبالة والمدعو بيجو
خبطة في الباب اليمين وده منظرها بعد السمكرة والدوكو ، توكيل توكيل يعني
الحتة دي كان الصاج باين عند الكسر اللي في المعجون ده وقعد عملها قدامي بقطنة وانا بستلم، لان السمكرة اصلا مش مضبوطة بس ده مش هيبان في الصورة
http://i45.tinypic.com/2iuaxz4.jpg
وطالعلي المهندس فلان يقولي انا خبرة تلاتين سنة، انا جابوني من شركة مش عارف ايه بالاسم، انا اللي اقوله لشركة التامين لازم يمشي، وانا وانا وانا وصدعني نص ساعة، ويقولي لازم تستلم العربية شوف وقول رايك.. وانا واقف البوية كانت مسيلة في الباب اليمين ورا اللي مفيهوش خبطة اصلا وقعدوا يعملوها وانا واقف، ودي للاسف مصورتهاش
الالذ من كدة انهم رشوا حاجات كلهاش دعوة، الخبطة في الباب اليمين ورا والصورة دي عند الفانوس
ولما وريتهاله قاللي لما تيجي الصيانة الجاية هنشوف
http://i45.tinypic.com/1534bat.jpg
لسة مكتشف حاجة جميلة وانا بغسل العربية، ركبوا الشبكة من غير تثبيت من تحت على اساس ان الزبون مش هيبص
http://i46.tinypic.com/2mhv4gi.jpg
http://i48.tinypic.com/zyiwlj.jpg
سمكرة ودوكو ، يعني لا محتاجين كمبيوترات ولا تكنولوجيا ويطلعلي المنظر الزبالة ده من صنايعية ومهندسين مهملين وناس معندهاش ضمير،
والله انا قلت احذر الناس من انها تتعامل هناك، وانا حمار و ستين حمار اني معملتهاش عند ناس برة التوكيل انا عارفهم ومجربهم كويس، ولو حصل ان حد من التوكيل مهتم اصلا وعايز يكلمني انا موافق مع اني متأكد ان ده مش هيحصل. والفواتير موجودة واللي عايز يهتم ابقى ابعتهاله،،