الموضوع: ما هو تقييمك لوكيل بيجو و مراكز الخدمه

تقييمى لتوكيل بيجو؟

رحتلهم عدة مرات باشتكى من وجود مشكلة فى فرامل عربيتى البيجو 301 و قالولى كل شئ تمام التمام, و لما سألت الناس هنا على نايل موتورز بتاريخ 9/1/2015 قالولى معندهمش المشكلة دى فى فرامل عربيتهم

http://www.nilemotors.net/Nile/454918-301.html


و كانت النتيجة إنى عملت حادثة كادت تودى بحياتى لإن حصل خلل فى أداء الفرامل مما أدى لإنحراف العربية و عدم عمل الفرامل بعد كدا لما نجحت فى لم العربية, و ده بتاريخ 10/2/2015 و التوكيل رافض يتحمل مسؤلية خطأه, و فوق كدا المهندسين بيغيروا فى شهادتهم بخصوص بيانات كمبيوتر العربية (زى إن جهاز الإيه بى إس سجل سرعة العربية 45 كيلو قبل التوقف عن العمل) وصولاً لكلام منهم إن بيانات كمبيوتر العربية ممكن تكون إتمسحت, و دلوقتى أنا فى إنتظار لجنة حماية المستهلك و تحديد ميعاد لعرض العربية على لجنة فنية:

http://www.nilemotors.net/Nile/459295-301.html

السلام عليكم
محتاج نصيحتكم فى كام توكيل بيجو فى اسكندريه وايه افضلهم ... قبل ما اشترى العربيه اساسا (بيجو 308 الجديده ولسه فى مرحله الاختيار بينها و بين سيارات اخرى ).. ﻷن موضوع التوكيل ده بيفرق معايا جامد خاصه ان استعمالى للعربيه كتير .. بعمل حوالى 25000 كم فى السنه فبحتاج صيانات كتير ... ومش فاضى ان كل صيانه اسافر من اسكندريه علشان اعملها فى القاهره ...

متشكر مقدما

مركز خدمة أبو رواش زي الزفت....

رحتلهم بمشكلة تنتيش و برجلة في بيجو 206 كل اللي عملوه إنهم غيروا البوجيهات و فلتر الهوا و فلتر البنزين (أنا مهندس و عارف إن الخاجات دي مالهاش دعوة). العربية فضلت زي ما هي و رجعت تنتش تاني على بعد 500 متر من التوكيل. ده معناه الآتي:

1. محدش عمل test drive للعربية لا قبل التصليح ولا بعد التصليح.

2. فكيت البوجيهات اللي المركز ركبهالي، لقيت 3 منهم بوجيهات صيني و الرابع ياباني، و الأنيل إن شكلها مستعمل!!!.

3. طلعت برجلة العربية جاية من إم الصباع الكاوتش اللي ماسك بوجيه رقم 4 مملح، و بالتالي بيهرب كهربا. اللي هو أساساً كان المفروض ياخدوا بالهم منه و هم بيغيروا البوجيهات.

السلام عليكم أخوكم محمد وانا اسف هسأل سؤال بعيد عن الموضوع معي سياره بيجو 308 sw عامله 77 الف كيلو جميع الصيانات في التوكيل حتي 70 الف في مشكله في شاشة البيانات الصبح مقطعه جامد جدا لا يري منها اي شي اما باليل تعمل بكفائه وصاحب السياره قال لي بسبب الشمس ممكن حد يفيدنا بحل هل محتاجه تتغير وبكام مع جزيل الشكر لكم

المشاركة الأصلية كتبت بواسطة densfog

السلام عليكم
محتاج نصيحتكم فى كام توكيل بيجو فى اسكندريه وايه افضلهم ... قبل ما اشترى العربيه اساسا (بيجو 308 الجديده ولسه فى مرحله الاختيار بينها و بين سيارات اخرى ).. ﻷن موضوع التوكيل ده بيفرق معايا جامد خاصه ان استعمالى للعربيه كتير .. بعمل حوالى 25000 كم فى السنه فبحتاج صيانات كتير ... ومش فاضى ان كل صيانه اسافر من اسكندريه علشان اعملها فى القاهره ...

متشكر مقدما

بالمثل