مشكلة في عربية ريجاتا 88 نوفا

السلام عليكم ورحمة الله وبركاتة

اولا اود ان اشكر هذا المنتدي العظيم علي كل المجهودات الرائعة لمساعدة اصحاب السيارات


بالنسبة للمشكلة بتاعتي
انا عربيتي كنت ماشي بيها ووقفت فجأة (نوعها ريجاتا نوفا 88 )فبصيت اول حاجة علي البنزين
زودت بنزين للعربية وجربت اشغل مارش واشوف الطرمبة بطلع بنزين ولا لأ
مفيش بنزين طلع من الطرمبة وبعدين غيرت الطرمبة ونفس المشكلة
انا دلوقتي مش عارف المشكلة فين
انا كنت بشفت البنزين بفمي من الطرمبة بيطلع سهل ولو فكيت خرطوم البنزين اللي جاي من التانك من الطرمبة بيجيب بنزين

ياريت تساعدوني انا جديد في العربيات وجزاكم الله خيرا
:b4_611::b4_611::b4_611:

وعليكم السلام ورحمة الله
يعنى المارش بيدور عادي ؟ ومفيش اي مشكلة ف البطارية ؟
طيب غيرت الطرمبة قبل شفطك للبنزين ولا بعد ؟؟
هل غيرت فلتر البنزين ؟ الفلتر ممكن يكون مسدود غيرة
لو متأكد ان طرمبة البنزين شغالة تمام ومفهوش اي مشكلة وبيطلع بنزين ويلمى الفلتر
يبقى كربراتير عايز يتظبط .. الاول حضرتك هات فلتر جديد روسى وركبة .. هيكون فاضى طبعا تمام ؟
جرب تدور وانت بتضغط بنزين .. دور 3 مرات وانت بتكارك بنزين .. بعد كدة انزل بص ع الفلتر
المفروض يكون ربعة اتملى بنزين على الاقل .. لو متملاش يبقى طرمبة بنزين مش شغالة - اما
لو اتملى الفلتر وفية بنزين يبقى العيب مش فى الطرمبة .. والعيب هيكون فى الكربراتير
اما كاوتشة مكنة الفكيوم يأما البكات .. خلي حد يفك البكات ينفضفها اكيد مسدودة .. وجرب تدور كدة بعد متنضف البكات
وتتأكد ان الثغرات او الفتحات بتاعتها غير مسدودة .. متقلقش المشاكل دى كلها عديت علينا كتير قبل كدة .. وتبقى تطمنا وتقولنا عملت اية

انا جربت الطرمبة بإدي وشغالة وبطلع بنزين ولما بركبها علي الموتور مبتلعش بنزين
انا كان عندي سؤال
هو العمود اللي بيشغل الطرمبة متوصل بعمود الرنك عن طريق سير الكاتينة ولا سير لوحدة ولا عن طريق التروس
اصلي خايف ليكون وهل لو كان السير دة اتقطع ممكن يكون تشغيلي للمارش والسير مقطوع يكسر حاجة تانية في الموتور ؟؟

اقتباس:

---

المشاركة الأصلية كتبت بواسطة romeokhalil

انا جربت الطرمبة بإدي وشغالة وبطلع بنزين ولما بركبها علي الموتور مبتلعش بنزين
انا كان عندي سؤال
هو العمود اللي بيشغل الطرمبة متوصل بعمود الرنك عن طريق سير الكاتينة ولا سير لوحدة ولا عن طريق التروس
اصلي خايف ليكون وهل لو كان السير دة اتقطع ممكن يكون تشغيلي للمارش والسير مقطوع يكسر حاجة تانية في الموتور ؟؟

---

طرمبة البنزين مش شغالة على سير متقلقش .. والطرمبة كدة ضعيفة جداَ
المطلوب من حضرتك دلوقت طرمبة بنزين جديدة + تغيير الصباع
واهم حاجة الصباع يجي اطول ثنة لانة هو اللى بيظبط الطرمبة .. هتلاقى الصباع اللى عندك ثنة متاكل اكيد
بعد كدة دور العربية هدور وتمشى بأذن الله

انا وديت العربية امبارح للميكانيكي وطلع ان سير الكاتينة منحول غيرتة واشتغلت العربية لحد انهاردة الصبح وانا في الطريق العربية وقفت لما فتحت الكبوت لقيت سير الدينمو مرخي خالص
ممكن اعرف هو المفروض سير الكاتينة وسير الدينمو بيتغيرو كل اد اية لا انا مشكلتي بقت في السيور دلوقتي
وهل لو نزلت انهاردة الحرفيين ممكن الاقي حد فاتح اجيب من عندة السور

اقتباس:

---

المشاركة الأصلية كتبت بواسطة romeokhalil

انا وديت العربية امبارح للميكانيكي وطلع ان سير الكاتينة منحول غيرتة واشتغلت العربية لحد انهاردة الصبح وانا في الطريق العربية وقفت لما فتحت الكبوت لقيت سير الدينمو مرخي خالص
ممكن اعرف هو المفروض سير الكاتينة وسير الدينمو بيتغيرو كل اد اية لا انا مشكلتي بقت في السيور دلوقتي
وهل لو نزلت انهاردة الحرفيين ممكن الاقي حد فاتح اجيب من عندة السور

---

انهاردة الاحد مش هتلاقى حد فاتح .. انما لو فعلا محتاج السير بشكل ضروري جدا
عندى سير ممكن تاخدة وتركبة .. ولو مش عارف تركبة ممكن اركبة لحضرتك كمان . بس لازم تتعود ف البداية
انك تستغنها عنها فى حالة الاعطال لا قدر الله .. كان الافضل تغيير كل السيور مرة واحدة علشان تنساها
بالنسبة للعمر الافتراضى للسيور .. فأحنا هنفترض 10 الالاف ك تقريبا .. ودة بيرجع لحالة السيور وصنعها .
السيور بتقعد اكتر من كدة على فكرة .. بس احنا علشان شكوكنا فى بلد الصنع فالافضل كل 10 الالاف كيلو
علماَ ان سعرها بسيط .. سير كاتينة ايطالى اصلي 45 ج + 10 ج سير دينمو = 55 ج

لو محتاج تركب سير انهاردة قولي اركب لك واحد عندى