الموضوع: فيديو | هجوم الجيش على الفلول و البلطجيه

المشاركة الأصلية كتبت بواسطة tamatemo

لو فصصنا الموضوع بالراحة

هل احنا نحترم القانون ؟

لا - يبقي مفيش حوار بينا نهائي
نعم - يبقي ليه الناس ما احترمتش مواعيد الحظر اللي هيا 3 ساعات عمي وليه الناس ما سمحتش للجيش انه يشوف هويات اللي لابسين لبس عسكري علشان لو مش عسكريين يبقي يتحاكموا بانتحال صفة ظابط جيش


هل احنا عاوزين ديموقراطية؟

لا - يبقي عملنا الثورة ليه؟ نروح نرجع مبارك احسن
نعم - يبقي ليه اللي صوتوا بلا في الاستفتاء خارجين علينا كل فترة ان اللي قالوا نعم ضيعوا البلد وانهم هما مخلصين البلاد والعباد من كل الشرور وياخذوهم من الظلمات للنور؟؟؟!!!

ليه مش بتحترم الاغلبية؟ حتي لو كانت جاهلة - كتير جهلة واميين بيفهموا اكتر من دكاترة ومهندسين

فين الازمة؟؟
1- خرق مواعيدج حظر التجوال
2-التظاهر والاعتصام في اوقات العمل
3- تعطيل حركة المرور
4-اغلاق محلات وشركات
5-انشقاق عسكريين عن الجيش "ان كانوا عسكريين" واهانة رمز الجيش علانيه "شوفو عقوبة اللي بيعمل كدا في امريكا وانجلترا وتعالوا نتكلم"


ايه الحل للازمة اللي حصلت ؟؟؟؟
* ان الناس كانت مشيت قبل مواعيد حظر التجوال
بس مش اكتر ولا اقل


اما السفسطة حول مجلس رئاسي مدني فهوا التفاف علي ارادة الشعب ونتيجة التصويت في الاستفتاء

فهي حيلة من حيل خدوهم بالصوت
كام واحد صوتهم عالي وعاملين دوشة فقط لا غير

واكبر مثال علي كدا
شوية الارجوزات اللي كانوا بيشتموا في الجيش في مؤتمر نقابة الصحفيين
واكيد عملوا الحركة السنيمائية علشان كانت الجزيرة بتصور ليس الا


اخوتي الاعزاء
انتم ابطال من ورق ومتاجرين بالشعارات وبالصوت العالي
احترموا ارادة الشعب واحترموا اختيار الاغلبية المتخلفة الجاهلة الغير مستنيرة الخائفة اللي نعم كان لو اخضر مريح ونعم بتدخل الجنه
ونعم بتعمل استقرار
احترموهم

وبدل ما تتكلموا علي الجيش

اتشتطروا علي الحكومة اللي لسة الاسعار مولعة
ولو كان واحد فيكم فاتح بيت كان عرف انا اقصد ايه

تحياتي لحضرتك