الموضوع: ما هو تقييمك لوكيل ستروين و مراكز الخدمه

أريد فقط أن أعرف المشاركة السابقة لمشاركتي في هذا الموضوع ، ماهي ماهيتها وإلى ماذا ترمز ، أعتقد انها غير ذات صلة بموضوع تقييم التوكيل ، أرجو من الإدارة حذفها.

انا شايف ان الموضوع مهم جدا

وواضح ان المجموعه كليها بتستعمل استيراد او بتشتري من نافع أ, أمير وجوزيف

استاذ اسلام بعدالتحية
التقييم شيى جميل ومفيد للسادة الاعضاء ولكن التقييم يجب ان يكون مبنى على اسس منها على سبيل المثال لا الحصر:-
1-لباقة وحسن استقبال مسؤلى الخدمة
2-استماع وفهم مسؤل الخدمة لطلباتك وشكواك
3-رضاك عن الشرح المقدم لتكلفة صيانة او اصلاح سيارة سيادتك
4-رضاك عن توافر قطع الغيار
5-رضاك عن اسعار المصنعيات
6-رضاك عن اسعار قطع الغيار
7-استلام سيارتك فى الوقت المحدد من قبل مسؤل الخدمة
8-رضا سيادتك عن الشرح المقدم لتكلفة الاصلاح (هتدفع فلوس فى اية؟)
9-رضاك عن الاعمال التى تمت بسيارتك
10-رضاك عن نظافة سيارتك من الداخل والخارج بعد انتهاء الاصلاح
زى ما سعادتك شايف ان الموضوع كبير وصعب انك تحكم على الموضوع كلة باختيار واحد

انا معايا اكسارا 2 و اتعاملت مع ميكانيكيه و كهربائيه مش عايزه اتكلم عليهم و لكن الحمد لله اخر مركز صيانه اتعاملت معاه بعد ما لفيت كتير و ضحكو عليه كتييييييييييير عرفت مركز اسمه ....... بالصدفه و بجد ربنا يباركلهم و يفضلو بنفس المستوى و احسن و المركز بيشتغل في الستروين و البيجو و انواع اخرى كلها حديسه و مدير المركز مهندس محترم اوي, بيعملو لكل عربيه فايل للمتابعه و اسعارهم حلوه جدآ لأنهم شباب و عايزين يسبتو وجودهم و يربو زبون حتى بعد ما خلصت شغلي عندهم بكام يوم كلمني المهندس مدير المركز يطمئن على حاله العربيه و قال لي لو فيه اى مشكله او حاجه مش عجباكي هاتيها فورآ و حتى الان و الحمد لله لأول مره منذ اشتريت السياره في شهر 6 احس اني راكبه عربيه بجد
مواعيدهم محدده من 9,30 : 6,30 و الاجازه الاحد و لا يخالفو المواعيد لأي سبب
بيستلم منك العربيه بورق فيه كل البيانات و العيوب المطلوب تصليحها و حتى عدد الكيلومتر يحدد في الورق و لا يأخذو اي مصنعيه الا عند استلامها و التأكد من سلامتها و جوده الاصلاح و اذا ظهرت اي عيوب اثناء الشغل غير ما انت ذكرته لهم يتصلو بك ليخبروك بها
كل قطعه يتم تغيرها تكون بموافقتك مع تسليمك القطعه التالفه الخارجه من السياره و يخبروك بالسعر قبل التغير و حسب رغبتك ممكن انت تشتري القطع و ممكن هم لكن بعد اخبارك بسعرها اولآ
بيانات المركز
.................
.................
...................
.................
بيصلحو كل حاجه كهربه و ميكانيكا و صيانه دوريه من زيوت و عفشه............الخ

اه نسيت حاجه مهمه
استلمت العربيه بتلمع لانهم بجد نضاف بعد ما خلص الشغل غسلو الموتور بالرغاوي يمكن اول مره اشوف داخل كبوت العربيه نضيف كده
و الاهم اول ما بيستلمو العربيه بيغلفو الكراسي و الدركسيون بالبلستك حتى لا تتسخ اثناء التصليح و تجربه السياره
فعلآناس بتتئي ربنا في شغلها و بتخاف على حاجه الناس و طبعآ كل ده بيزيد من سمعتهم و شهرتهم

مش فاهم يعنى ايه النقط ديه اسمه ايه طيب