اية رايكو في 318 موديل 84 ؟؟

**Tarek_Swelm** · 09-04-2011 04:12 PM

السلام عليكم يا احلي شباب , انا ادامي عربية بي ام 318 موديل 84 , راكب فيها موتورها الاصلي ,بس فاضية , لا تكييف ولا ازاز كهربا بس مش دة اللي مضايقني, انا قلقان من قطع غيارها , يا تري متوفرة , و اسعارها اية ؟
و رأيكو اية في العربية دي عموما ,من ناحية المشاكل و الصيانة.
سؤال اخير يا شباب البيمر , سعر العربية البي ام دي قريب من سعر سكودا فيليشيا 97 نضيفة جدا
انهي احسن ,ناس بتقول الالماني الماني برضة و خليك في البي ام و مش مهم سنة الموديل المهم الحالة , و ناس تانية بتقول الاجدد احسن لأن السن برضة لة حكمة علي اي عربية و عربية بقالها 26 سنة ماشية و بتجري في الشوارع اكيد حتبقي اسؤ من عربية بقالها 13 سنة في الشارع .
انا بصراحة مايل للبي ام اكتر بس الماديات برضة بتحكم الواحد و مش عايز اجيب عربية تكرهني في العربيات و في الالمان كلهم , طولت عليكم يا شباب , بانتظار الرد .

**Tarek_Swelm** · 10-04-2011 10:06 AM

اية دة ؟؟؟
هوة مافيش حد معاة عربية 318 خالص؟؟؟ هيا العربية ال318 اللي انا شفتها هيا الوحيدة في مصر ولا اية ؟؟؟؟

**hanyhosney** · 10-04-2011 12:08 PM

اولا صباح الخير
ثانيا انا معايا 318
موديل 87
بس الموتور موتور دبانه 94
ال عربيه ال انت بتسال عليها دي
e30
ده اسم الموديل
وغالبا الموتور كاربيتور
قطع غيارها مغرقه الدنيا جديد واستيرادواسعارها في متناول الجميع موممكن تدور هنا علي الاسعار
انا معرفش سعر الفليشيا كام
بس متقارنش بي البي ام
لو كويسه
انت لو العربيه عجباك واساسيتها سليمه دوس
انت تقدر تعدل وتغير العفشه كلهاوالتابلوه والقنصلوه
شوف
السعر
انا متهيائلي مايزدش
عن 30 الف جنيه
يعني حاول تقل
ليه ؟
عشان انت هتحتاج تشد العربيه ويمكن تجيب موتور بدل ال فيها ويكون انجشكشن يعني هتصرفلك من 10000ال 15000
وتكون العربيه عروسه
الموتور ال 1800 الانشحكشن ممكن يعمل 5000
وربنا يوفقك

**Tarek_Swelm** · 10-04-2011 01:51 PM

الف الف شكر , ربنا ما يعطلك ماتور و لا ينيملك كاوتش
هوا فعلا بيتكلم في 30 الف , شكرا جزيلا يا باشا

**mahmoud_anwar** · 10-04-2011 10:48 PM

المشاركة الأصلية كتبت بواسطة Typhoon_gr9

الف الف شكر , ربنا ما يعطلك ماتور و لا ينيملك كاوتش

هوا فعلا بيتكلم في 30 الف , شكرا جزيلا يا باشا

ياه بيتكلم في 30 الف كتير جدآآآآآ
امال لو هيا 88 بداية ال m40 كان هيتكلم في كام ؟؟؟؟
العربية دي لو حالتها كويسة كلمة في 26 وقولة العربية دي فاضية واصلآ لو هو من عشاق البي ام هيقولك طبيعي الموديل دة كدة كدة بينزل فاضي لا بينزل بي بور ولا فتحة سقف حاول تخلص معاه في 26 ومتزود
ش عن كدة علشان بعد كده حرام اما بي النسبة لي قطع غيارها الي مغرقة الدنيا اتحداك انك تجيب ليه حاجة زيرو كل حاجتها استراد ولزم تلف لفة حلوة

**Tarek_Swelm** · 10-04-2011 11:26 PM

المشاركة الأصلية كتبت بواسطة wassof

ياه بيتكلم في 30 الف كتير جدآآآآآ
امال لو هيا 88 بداية ال m40 كان هيتكلم في كام ؟؟؟؟
العربية دي لو حالتها كويسة كلمة في 26 وقولة العربية دي فاضية واصلآ لو هو من عشاق البي ام هيقولك طبيعي الموديل دة كدة كدة بينزل فاضي لا بينزل بي بور ولا فتحة سقف حاول تخلص معاه في 26 ومتزود
ش عن كدة علشان بعد كده حرام اما بي النسبة لي قطع غيارها الي مغرقة الدنيا اتحداك انك تجيب ليه حاجة زيرو كل حاجتها استراد ولزم تلف لفة حلوة

فعلا من شهر كدة كان فية ام 40 و خلصت علي 29 بس انا كنت و لازلت متردد بسبب موضوع قطع الغيار دة ,
يعني انت من رايك ان قطع غيارها مش موجودة بسهولة ولازم يتلف عليها لغاية مالاقيها ؟

**hanyhosney** · 11-04-2011 02:34 PM

الدنيا مش صعبه كده
قطع الغيار الجديده موجوده في وسط البلد
والاستيراد مغرق الحرفيين
وانا عمري ما رحت الحرفيين بتعامل مع راجل محترم في المعادي بيجيب الحاجه من سويسرا
وفي واحد في الدقي وكلو تمام

**Tarek_Swelm** · 11-04-2011 10:48 PM

المشاركة الأصلية كتبت بواسطة hanyhosney

الدنيا مش صعبه كده
قطع الغيار الجديده موجوده في وسط البلد
والاستيراد مغرق الحرفيين
وانا عمري ما رحت الحرفيين بتعامل مع راجل محترم في المعادي بيجيب الحاجه من سويسرا
وفي واحد في الدقي وكلو تمام

الف شكر يا باشا علي الاجابة علي اسئلتي , انا اسف ياجماعة لو تعبتكوا باسئلتي الكتير ,
انا كمان النهاردة كلمت واحد صاحبي معاة 525 و قالي انة بيروح لعلاء البمبي في الحرفيين بالاسكندرية (انا اصلا من الاسكندرية ) و حيسئلوا عن قطع الغيار نظامها اية و بكام لل 318 و بالمرة حنشوف لو ينفع نجيب العربية عندة و يكشف لنا عليها و يقدرها
شكرا جزيلا يا شباب