واحد خبطنى النهاردة بشفريوليه الدبابة

**ayman1204** · 09-04-2011 04:31 PM

النهاردة كنت فى عزاء جوز خالتى ورايح انا وابويا وامى

المهم ابويا نزل عند المعادى كدة على الاتوستراد فكنت يمينى فباخد شمالى حتة حتة لحد لما بقيت فى النص وقدامى مقطورة المهم هو ماشي تاتة تاتة وانا واراء
الاقى واحد ابن ستين فى سبعين جية من جنبي ودخل فى المرايا الشمال بتاعى وبيقولى انت وقفت مرة واحدة !!!!!!!!!!!!!!!!

ازاى وانا المقطورة قدامى وقدامك يابن التيت .......

المهم نزلت بصيت على المرايا مالقيتش حاجة قولت حصل خير

اتفاجاة لما ارجع حلوان اليها مخبوطة من عند الكاوتش اللى وراء ومش عاوز اقولكم على الحالة النفسية اللى عندى

من كام يوم العلامة اتسرقت ودلوقتى اتخبطتت

لو فيكم حد من حلوان اكيد يعرفنى لانى اعرف بتاع 7 او 8 من حلوان معاهم لوجان

الصور اهى هتاخد شوية علشان تتحمل علشان مصورها بجودة عالية

منتظر رايكم
سالت ناس جيران واحد قلى بسيطة ومش هتكلفك حاجة
والتانى قلى سيبها زى ما هيا علشان تاخد العين

على العموم انا رايح صيانة الـ 5000 كيلو الاسبوع الجاى وحجزت فى العبور

انتوا اية رايكم اصلحا برة ولا فى التوكيل ولا اسيبها ..........

تم تعديل العنوان بواسطتى
الرجاء مراعاة إختيار الفاظ مناسبة
كما نرجو مراجعة قوانين المنتدى
مشرف عام 2

**FunnyMickey** · 09-04-2011 04:47 PM

قدر الله وما شاء فعل
سيبها ياباشا والله انا عربيتي قديمه وكانت مدهونه وزي الفل
مش عاوز اقولك شكلها ايه دلوقتي
زفت ومجرحه ومخبطه
ومش عاوز اعملها
صعبان عليا اصرف فلوس وفي الاخر ييجي واحد حمار يخبطها

سيبها ياباشا تخزي العين واسأل تتكلف كام في التوكيل وابقي اعملها في اي صيانه غير اللي جايه

**medo2o1o** · 09-04-2011 05:36 PM

المشاركة الأصلية كتبت بواسطة smsm91158

اولا قدر الله ما شاء فعل والحمد لله انها جت على قد كدة

ثانيا :- يا اخى الحتة البومبيه دى الى فوق الكاوتش تقولش معمولها عمل ... انا كنت واخد من 6 شهور نفس الخبطة بالضبط بس يمين ورا وعربيتى بترولى برضه .... احمد ربنا انها مجتش فى الباب

انا عارف ان الموقف غبى وبايخ بس الحمد لله

انا عملتها برة التوكيل وطلعت زى الفل (بس انا من الاسكندرية ) كلفتنى 150ج سمكرى و 100ج بويا

- خلى بالك دى مش حاجة يعنى ممكن تسيبها شوية تاخد العين وبعدين اعملها ... اى واحد شاطر شوية حيرجعهالك زى الاول بالضبط باذن الله

انا برضه مخبوطة دخل فيا موتوسيكل و انا واقف فى الاشارة
بس سايبها تاخد العين شوية
اه عربيتى بترولى برضوا

**M_SALLAM** · 09-04-2011 06:09 PM

بسم الله الرحمن الرحين
---( و عسى ان تكرهوا شيئا و هو خير لكم و عسى ان تحبوا شيئا و هو شر لكم والله اعلم وانتم لا تعلمون )----
فى البداية احب اقول لحضرتك متزعلش نفسك (" قدر الله و ما شاء فعل ") قدرها كدة
انا عربيتى لسة شاريها من شهرين و اتخبطت فى نفس المكان يمين , ووخدة خبطها تحتها بالضبط فى العتبة ...
ثانيا: يا ريت حضرتك تعملها فى التوكيل افضل علشان هما هيجبولك نفس اللون و نفس القشرة بتاعة المصنع بدل متروح للأى صنايعى تانى و يبوظهالك
وانا من رأى اعملها ببولش علشان تضيع اللون الأحمر اللى فيها و سيبها زى مهيا ...
و < البقية فى حياتك يا باشا >

**tamatemo** · 09-04-2011 06:17 PM

اللي يجي في الصاج فداك ناتا واهلك

الحمدلله علي كل شئ

وسيبها شوية علشان العين الحلوة اللي في المجتمع الجميل بتاعنا

**nour_nrc** · 09-04-2011 06:38 PM

المشاركة الأصلية كتبت بواسطة tamatemo

اللي يجي في الصاج فداك ناتا واهلك

الحمدلله علي كل شئ

وسيبها شوية علشان العين الحلوة اللي في المجتمع الجميل بتاعنا

+1111111111111111111111111

**M_SALLAM** · 09-04-2011 06:49 PM

المشاركة الأصلية كتبت بواسطة tamatemo

اللي يجي في الصاج فداك ناتا واهلك

الحمدلله علي كل شئ

وسيبها شوية علشان العين الحلوة اللي في المجتمع الجميل بتاعنا

عند حق والله انا نفسى لما حد يشوف اى حاجة يقول ---( باسم الله ما شاء الله )----
قال رسول الله ( صلى الله عليه وسلم ) :
----( ليس المؤمن بطعان ولا لعان ولا فاحش ولا بذىء )----

**MOUSTAFA_SAAD** · 09-04-2011 09:13 PM

نفس الخبطه عنى بس كانت اكبر وكلفتنى جنيه

**ayman1204** · 09-04-2011 10:45 PM

المشاركة الأصلية كتبت بواسطة moustafa_saad

نفس الخبطه عنى بس كانت اكبر وكلفتنى جنيه

يا سلام عليك يا درش
ودا كلفيتك الجنية دا ورق ولا فضة

ومنين يا جميل

الموضوع: واحد خبطنى النهاردة بشفريوليه الدبابة

LinkBack

أدوات الموضوع

عرض

-

-

-

-

المواضيع المتشابهه

خبطت كام واحد بعربيتك لحد النهاردة ؟

عاوز واحد بتاع سيراميك ضرورى جدا النهاردة - فيصل

اتوبيس خبطنى

ضربت واحد اسرائيلي النهاردة

واحد خبطنى والحمد لله

الكلمات الدلالية لهذا الموضوع

المفضلات

المفضلات

ضوابط المشاركة