إيه رأيكم في الفكرة دي ؟أثناء السير بالسيارةأثناء السير بالسيارة

**kabara** · 09-04-2011 06:09 PM

السلام عليكم إخوتي الأعزاء
أنا لاحظت مع المشي بالعربية إن الحشرات الطائرة بتتراكم علي السربنتينة بتاعة التكييف و الردياتير
فقمت بتركيب سلك أمام السربنتينة ( السلك ده سلك شبك زي إللي بيركب علي درف الشبابيك الخشب و الألومنتال ) حتي أتجنب وصول الحشرات دي للسربنتينة و الردياتير و لا حظت بعد فترة إن السربنتينة و الردياتير ما شاء الله قة في النظافة
لكن جال بخاطري سؤال السلك ده ممكن يلمس حاجة في الحوض و يعمل مثلا ماس و إلا حاجة ؟

**Bishoy.Girgis** · 09-04-2011 07:20 PM

حضرتك يا باشا جاوبت علي نفسك .. و علي فكرة الناس المصنعيين للعربية اكيد عاملين حسابهم علي ان الميكانيكا بتاعة العربية هتدخل في جميع احوال الجوية الصعبة و غيرها
و برده متابع اراء الاعضاء الاحباء

**MaZaGAngeE** · 09-04-2011 07:29 PM

على حسب
بس انت اعمله برواز و ادهنه برايمر و ثبته كويس و قبل ما تثبته حط زي جوان تحته عشان يبقى زي عازل كده , بس هتحتاج نخرمله مكان للمسامير

**shaddadfalcon1** · 09-04-2011 07:59 PM

في سيلك بيبقي بلاستيك وبيحوش برده
المشكله انه يتسد ويحجب الهواء عن مقدمة العربيه وممكن يخليها تسخن

**MOK3336** · 09-04-2011 10:29 PM

يا رجالة لو ايلي عمل العربية شايف انه كان المفروض يعمل حاجة زي كده كان عملها
يعني سيب كا حاجة علي ما هي ولو عايز تعمل تبقي اعمل من ورا الشبكة بتاعت الكبوت غير كده متعملش

**د.أحمد السعيد** · 09-04-2011 11:56 PM

المشاركة الأصلية كتبت بواسطة MOK3336

يا رجالة لو ايلي عمل العربية شايف انه كان المفروض يعمل حاجة زي كده كان عملها
يعني سيب كا حاجة علي ما هي ولو عايز تعمل تبقي اعمل من ورا الشبكة بتاعت الكبوت غير كده متعملش

مش كل حاجة اتعملت فى العربية تبقى perfect و تمام

يعنى النور بتاع اغلب العربيات بيكون 55/ 60 و دا طبعا بفرض ان الشوراع كلها متنورة و لا تحتاج الى النور الا فى اقل الظروف و دا طبعا لا يفى بالغرض و خصوصا فى الطرق الطويلة و لو مسافر ليلا مش هتشوف حاجة خصوصا من بتوع الميكروباظ

و دا طبعا تلاقيه فى اوروبا و الدول المتقدمة لكن عندنا يا تلاقى النور بتاع الشوارع مضىء بالنهار يا اما مفيش عواميد انارة من اساسه

و تغيير النور اول حاجة هعملها اول الضمان ميخلص باذن الله

**maged george** · 10-04-2011 12:03 AM

انا رايي ان الحشرات مش مضرة بالنسبة للسربنتينة وممكن تنظيفها بالهواء في البنزينة كل فترة وخلاص .

**WalidAdel** · 10-04-2011 04:19 AM

المشاركة الأصلية كتبت بواسطة maged george

انا رايي ان الحشرات مش مضرة بالنسبة للسربنتينة وممكن تنظيفها بالهواء في البنزينة كل فترة وخلاص .

+ 1
التنظيف بتاع سربنتية التكييف و الردياتير دي مهمه انك تنفخها بالهوا لانها بطلع كمية تراب غريبه هيا و فلتر الهوا و ياريت تعمل الحركه دي مره اه و مره لأ مع تغيرة الزيت لو بتحط ال 5 الاف بتاع موبيل