عايز أعرف رأي الشباب في سيات كودوبا 2000 - 2003

ناوي اجيب العربيه دي
كوردوبا cc1000 موديل 2001
ياريت تقولولي ايه مميزاتها و عيوبها و متوسط اسعارها في السوق و ال 1400 منها

ايه يا جماعه 19 مشاهده و مفيش ولا رد ؟؟
دا حتي شكلي وحش كدا !!!!!!!!!!!!!! :)

انا معايا كوردوبا 2001 عربيه وهميه انا من اسكندريه وسواقتى كلها شد مع خلق ربنا العربيه بالرغم من انها 1000 سى سى انما قوه سحب بسم الله ما شاء الله الماتور 1000 سى سى و 75 حصان لانه 16 صمام و2 كامه , العربيه تنضم لفئه العربية العاليه جدا بس الفخامه فى التقفيل الاسبانيه الشيك وجوده العفشه والميكانيكا الالمانيه:::: بالنسبه لقطع الغيار تعتبر غاليه بغباء بالنسبه للعربيات اللى فى سعرها يعنى الدايو لانوس والفيرنا ارخص بكتيييييييييير فى قطع الغيار ::: بس الفرق ان قطع الغيار المانى او اسبانى وبتكون معمره جدا تحطها وتنساها وبالنسبه لوفره قطع الغيار متوفره لكن مش زى الفيرنا واللانوس طبعا على الطلاق بالاضافه ان النص الاولانى بس اللى متوفر لانه نص الابيزا وده موجوده كتير انما النص التانى مش متوفر لان الكودوبا عربيه نادره اقد الفوانيس الخلفيه لو حصلها حاجه هتدوخ عليها وفى الاخر احب اقولك لو انت بتحب المنظره اشترى كوردوبا او ابيزا انما لو بتحب عربيه عمليه وقطع غيار بتلاته تعريفه :: يبقى لانوس او فيرنا::: بالنسبة للسعر حسب حالة العربيه العربيه اللى واقفة على حيلها 42 الف واللى متظبطه ممكن توصل ل 47

معلش نسيت اقولك ال 1400 سى سى معناها انها مسقطه مكنة وده مش شئ حلو خليك فى الالف سى سى وكمان بمناسبه المقارنه مع الللانوس والفيرنا العزل داخل العربيه سواء صوت او حراره بسم الله ما شاء الله زى ما قولتلك انما الفيرنا واللانوس تحس انك قاعد فى الشارع من الاخر هى عربيه رخيصه جدا على امكانيتها ويمكن ده بسبب ان قطع غيارها زى ما قلتلك نار يا حبيبى نار

اقتباس:

---

معلش نسيت اقولك ال 1400 سى سى معناها انها مسقطه مكنة وده مش شئ حلو خليك فى الالف سى سى وكمان بمناسبه المقارنه مع الللانوس والفيرنا العزل داخل العربيه سواء صوت او حراره بسم الله ما شاء الله زى ما قولتلك انما الفيرنا واللانوس تحس انك قاعد فى الشارع من الاخر هى عربيه رخيصه جدا على امكانيتها ويمكن ده بسبب ان قطع غيارها زى ما قلتلك نار يا حبيبى نار

---

شكرا ياباشا علي المشاركه ... بس في بينزل 1400 و في 1600 كمان