طلب مقارنة نوبيرا 2 و اوبترا و كروز

**waterpolo** · 09-04-2011 07:22 PM

طلب مقارنة نوبيرا 2 و اوبترا و كروز من حيث "التسارع و الاحصنة و الثبات و ما الى ذلك"

**tito_1980** · 10-04-2011 01:29 AM

مش عارف اقول ايه الصراحه ؟ هما عشان ال 3 عربيات دول يعتبروا عربيه واحده بس علي اجيال متتابعه فيجوز المقارنه بينهم ؟ اكيد الكروز افضلهم و بعديها الاوبتر

**Dawns_Mist** · 10-04-2011 06:47 AM

التلاته اللي بينزلوا مصر دول .. نفس الموتور بسعته و قدرته و عزمه .. 1600 على 107 .. و حتى التسارع متقاربين جدا جدا من بعض ، مش عارف أرقام بالظبط و ماجربتش .. بس سوقت التلاته أوتو سحبهم مش قوي ، لكن المانيوال كان كويس خصوصا في الأوبترا و ده طبعا لإنها أقلهم في الوزن.

الثبات و الاتزان .. الفرق هيكون لصالح الكروز و بعد كده الأوبترا و بعدها النوبيرا ... مع إن الأوبترا أقل في الوزن من النوبيرا .. لكن النوبيرا تصميمها بيخلي ظهرها يحوص منك بسهوله و يموج .

الصاج الخارجي .. الكروز برضه أفضل بمرااااااااااااحل من النوبيرا أو الأوبترا ... طبعا ده اللي كان يعتبر عيب بشع في النوبيرا إن صاجها بيكهن بسرعه جدا و تلاقي فيه ديفوهات بدون اي سبب و غير منطقية بالمرة و برضه الأوبترا شوية كده .. الكروز حلت الموضوع ده.

الميكنة إجمالا واحده .. نفس أنظمة الحقن ، نفس العفشة و أنظمة التعليق الخلفية .. فقط شاسيه الكروز في تعديلات بسيطة في التراك فقط علشان تساعد على الثبات أكتر .

الاتساع الداخلي في مصلحة النوبيرا أولا و الأوبترا ثانيا و الكروز أخيرا ..

الأوبشنز و الشكل الخارجي أكيد للكروز ، و الأوبترا ، و النوبيرا ..

تقدر فعلا تقول إنهم عربية واحدة لكن عماله تكبر و تتعلم مع الوقت لكن مخها ( موتور و تكنولوجيا ) ماتغيرش أبدا .. يعني الطفره الوحيدة إن تصميم الكروز أفضل في الثبات و الشكل بالتالي أقل في الاتساع الداخلي .. لكن ماتستاهلش أبدا ثمنها .. و أغلب الكروي اللي في مصر أنا شايف ثمنه أغلى من قيمته.