ما هو تقييمك لوكيل شيفروليه و مراكز الخدمه

**dj_bex** · 30-09-2010 02:41 AM

انتم يا جماعة بس لو جيتم المقابلة الاولى او التانيه كنتم لاقيتم ردود للأسئله بتاعتكم ... و نصيحه بجد تعالى شاركوا في المقابلة التالته 3\11 انشاء الله و بجد هتستفيدوا اوي من معلومات للعربيه و الصيانه و فين و ازاي كده يعني .. انا اساسا مشاركاتي مش كتير لييه عشان معظم إلى عاوزه بلاقيه هنه و كمان المقابلات إلى حصلت علمتي حاجات كتير ...وربنا يكرمنا كلنا..

**TheStig** · 21-01-2011 02:07 PM

انت متاكد انك رحت غبور!!!!,ده صندوق زباله. انا وديت عربية مراتى عشان تتصلح وكانت مخبوطه ادام شمال المهم صلحوها و غيرو ال فانوس يمين و الجرايد يمين!!! وراجعتلهوم الكشاف تانى يوم لاقيت بطانة التابلو يمين!!!! ولمارحت فكها من عربيه تانيه و حطهالى !!!!

**TheStig** · 21-01-2011 02:08 PM

I agree with you

**sherif1979** · 03-03-2011 09:07 PM

انا عملت صيانة 40 الف كيلو لعربيه شفروليه لانوس فى فرع اوتوماستر فى الحى السادس هو حقيقى رايق ومكان الانتظار فيه جيد جداوالاستقبال كان كويس بس العربيه كان فيها مشله فى طارة الدريكسون انها حادفه شمال شويه وقلتوله عليها بس معتقدش حد بص عليها اصلا وكمان كان عندى مشكله فىسويتش المارشيدير مش شغال تصدقو انه مكنش موجود قطعة الغيار امال وكيل ازاى ومش عنده قطع الغيار المهم قلى لما تيجى هنتصل بيك ولحد دلوقتى ولا حد اتصل ول حد عبنى بقالى شهر انا خلاص قررت انى مروحش التوكيلتانىواعمل صيانة العربيه بره الناس دى حراميه والله حراميه ومعندهمش ضمير يعنى مثلا لما اعمل الصيانه المفرض يغسل المتور وينظفه والله ما نضفه اصلا بالهواء وحسبى اله ونعم الوكيل بس اناناوى اشتكى فى قانون حماية المستهلل انا اسف للاطاله والسلام عليكم ورحمة الله وبركاته

**khaloooda** · 28-06-2011 03:57 PM

توكيل زباااااااالة
انا معايا اوبترا 2010
فيها مشاكل السنين
وتعبت
وقرفت
خلاااااااااااااااض

**Yarab** · 14-12-2011 09:49 PM

انا حصلت لى مشكلة مع ابو غالى بجد توكيل سئ جدا جدا جدا كنت مودية عربية شفروليه سبارك كانت عاملة حادثة وكانت عايزة يتغيرلها باب وسقف وطبعا اعمال السمكرة والحاجات دى
اولا اخدو سنة كاملة اصلاح
ثانيا : وانا بستلمها نور الصالون مش شغال والراديو مش لاقط حاجة لما سألتهم قالولى لمبة الصالون اتحرقت وغيريها والراديو احنا ملناش دعوة المهم انه واصله كهربا خدتها ورحت الحرفين ورانى سلك الاريال بتاع الراديو انه مقطوع (ودا طبعا طبيعى عشان السقف اتغير) ونور الصالون برده السلك كان مقطوع
ثالثا انا قبل ماخدها قلتلهم مش محتاجة صيانة ولا اى حاجة قالوا لا ابدا انا مكملتش بيها حاجة وجابت موتور
ودا طبعا كان بسبب انهم ولا بصوا على مية ولا زيت ...الزيت من الركنة بقى زى الميه
وديتها تانى قالو حجج ملهاش اى لازمة ولما كلمت المدير العام قالى انا هعملك جميلة واجيبلك قطع غيار من السوق ومش هاحسبك على مصنعية ......طبعا هو عارف انه غلطان بس بيضحك على المهم انا كلمت حماية المستهلك وكللمت منصور وكلمت جنرال موتورز وفى النهاية قالوا هيصلحوها على حسابهم بس ناس سيئة جدا ولازوق ولا شغل كويس ولا حاجة ...حسبى الله ونعم الوكيل

**أبــوحبيبه ونور** · 18-12-2011 10:25 AM

اولا معى اوبترا اتوماتيك 2010 وعمرى ما عملت اى حاجه فى العربية بره التوكيل
بس شى تفتكر انه ممكن يحصلك مش هيخطر على بال اى انسان عشان نتيجة الخطاء اللى حصلت معى كانت الماتور هبوظ
كنت رايح اعمل صيانة 55الف او 60 عشان العداد كان قرب لل60الف سلمت العربية مكنش عندى اى مشاكل طلبت تربيط عفشه ويعمل تشك اب على العربية بصفه عامه سبت العربية ورجعت للشغل بعدها بنص ساعة جالى تليفون من المهندس اللى استلم العربية وقالى العربية محتاجه تغير جوان هوزينج عامود كامل وبصراحه معرفش دا بتاع ايه او مسول عن ايه قلتله غيره انت تعرف اكتر منى وكمان جوان غطاء تاكيهات وبوجيه شمعه اليكترونى المهم قلت للمهندس غير معنديش مشكلة لحد هنا وكل حاجه تمام الكلام دا كان يوم الاتنين بتاريخ11-12-2011 المهم تانى يوم وانا راكن العربيه واحد قالى فى زيت تحت العربية قولت يمكن زيت قديم مش مشكلة يوم الخميس كان عندى مشوار لاسكندريه وانا فى نص الطريق حسيت ان صوت الماتور عالى وقف وبطلت العربية شوية وشغلتها لقيت الصوت احسن شوية المهم اتحرق وبعد حوالى 10 كيلو رجع الصوت والمرة دى كان فى دخان من الماتور كنت فى حوالى الكيلو 170 او 180 وقريت على الاسكندرية المهم وصلت لمركز العامريه سلمت العربية كان معاد الشغل انتهى بس استلمو العربية على ان يتم العمل بها يوم السبت عشان الجمعه اجازة المهم لحد هنا كويس رحت السبت وبسال المهندس اللى بيكشف على العربية قالى محتاجه نغير ( جوان هوزينج عامود كامل ) وتغير (جوان غطاء تاكيهات وبوجيه شمعه اليكترونى) قلتله ازى انا لسه مغيرهم الاسبوع اللى فات قالى اكيد الصنايعى اللى غيرت عنده عملك حاجه غلط قلتله لا انا غيرت فى التوكيل رد فعله اتعير وقالى خلاص هنصلحلك الدنيا على حسبنا قلتله والله طيب ليه ما ادفعهم انا قالى لا عشان دى غلطه من الفرع اللى صلحة عنده دى اسوا موقف ممكن يحصل فى اى توكيل (ملحوظه المهندس قالى كويس انك محركتيش العربية اكتر من كده عشان كانت ممكن تجيب ماتور) حد يقولى اعمل ايه فى المصيبه اللى حصلت من بتوع التوكيل