بسم الله الرحمن الرحيم
لو حد عنده سلاحف ( مش نينجا ) يا ريت يفتكرنى بواحده علشان العيال عندى نفسهم فى سلحفة
و جزاكم الله خيرا
عرض للطباعة
بسم الله الرحمن الرحيم
لو حد عنده سلاحف ( مش نينجا ) يا ريت يفتكرنى بواحده علشان العيال عندى نفسهم فى سلحفة
و جزاكم الله خيرا
مابلاش يادكتور وجودها في البيت وجع دماغ
تحذير شديد اللهجة يا دكتور من هذا الطلب
هتندم أشد الندم على هذا الطلب وسيكون من يهديك السلحفاة محط دعواتك الساخطة لا الشاكرة
-----------------
السلحفاة كائن فى حاله جدا
وهى مملة جدا جدا
وشكلها لو كبرت رأسها شبيه بالديناصور أو الثعبان
ليست كالقطط تقضى حاجتها فى الرمل بل فى كل مكان أى وقت
ستشترك فى خدمة توصيل الخيار والخس للمنازل
البيات الشتوى فترة طويلة
العيال هتهرب من خدمتها وكذلك أمهم وهتكون فى ذمتك وحدك
لن تعرف عمرها ولن تكبر أمامك وربما يربيها أحفادك
تدبيسة محترمة لن تستطيع التخلص منها لو كرهتها .. ماذا ستفعل؟ تهديها لأحد؟ نادر جدا... تهديها لحديقة الحيوانات؟ تلقيها فى الشارع؟ سيلعب بها أطفال الشوارع والمدارس الكره وسيفتحون صدفتها
اهرب وجيب قطى سيامى أو شيرازى
[frame="1 80"]
تحذير شديد اللهجة يا دكتور من هذا الطلب
هتندم أشد الندم على هذا الطلب وسيكون من يهديك السلحفاة محط دعواتك الساخطة لا الشاكرة
-----------------
السلحفاة كائن فى حاله جدا
وهى مملة جدا جدا
وشكلها لو كبرت رأسها شبيه بالديناصور أو الثعبان
ليست كالقطط تقضى حاجتها فى الرمل بل فى كل مكان أى وقت
ستشترك فى خدمة توصيل الخيار والخس للمنازل
البيات الشتوى فترة طويلة
العيال هتهرب من خدمتها وكذلك أمهم وهتكون فى ذمتك وحدك
لن تعرف عمرها ولن تكبر أمامك وربما يربيها أحفادك
تدبيسة محترمة لن تستطيع التخلص منها لو كرهتها .. ماذا ستفعل؟ تهديها لأحد؟ نادر جدا... تهديها لحديقة الحيوانات؟ تلقيها فى الشارع؟ سيلعب بها أطفال الشوارع والمدارس الكره وسيفتحون صدفتها
اهرب وجيب قطى سيامى أو شيرازى
[/frame]
كلام سليم ودمها تقيل ورخمة ولا بتلعب كده زى القطة ولا تنده لها ترد عليك أو تبص لك
أنا عندى واحدة بتاعت الولاد ومستتقل دمها جدا ومش عارف أوديها فين وفى نفس الوقت الولاد ماسكين فيها جامد وبيتخانقوا عليها
عندنا واحده خالي جايبها في الشغل
وبتجري لما تكون لوحدها بس
اول ما زبون يهوب ناحيه منطقتها تروح داخله جوه
يعني تربيه واصل ومن عيله محافظه كمان
بفكر اجيب عربيه بريموت كنترول واشيل الشاسيه البلاستيك والزقها مكانه
ويبقي عندي اسرع سلحفاه في العالم
وتعمل دريفتات كمان
:)
سلحفاه ايه بس يادكتور
ده انتا تجيب دود قز ارحم
اهو علي الاقل بيعمل حاجه في حياته
بلاششششششششش انا عندي اتنين لو عايز تجرب قبل ماتشتري هات زلطه و حطها في البلكونة لو عجبتك هات سلحفاه هههههههه :16::16:
سلحفة مائية ولا برية
لو مائية بلاش لانها مفترسة وممكن تاكل صباع حد وكمان بتاكل لحمة
لو برية بصراحة اة الملل دة
طول عمري نفسب أجيب ترسا بس خايف على السمكاقتباس:
سلحفة مائية ولا برية
لو مائية بلاش لانها مفترسة وممكن تاكل صباع حد وكمان بتاكل لحمة
أما بخصوص السحلفاة ، فالأخوة وضحوا ، هي كائن ممل جدا جدا ، وتفضل تتحايل عليها علشان تاكل ، كانت عندنا واحدة بس أتوزعت ، والله كنا بنبقى شايلين الهم وحاسين بالذنب علشان مبتاكلش ، وهتفضل تدور عليها تحت التلاجة أو البوتوجاز أو السراير
أنصحك بالسمك ، شيك جدا وبيحسس بالراحة النفسية
ولو مصمم على سحلفاة يبقى ممكن تشتريها من سوق الجمعة (أفتكر كانوا مشترينها ب 10 جنية )
تشتري ديناصور يادكتور
ماشي 3 مليون سنه بس
جنوط سبور
سنان الفابريقه
حراشيف اصلي ميتاليك
ديفل اصلي
مبيستهلكش لحمه كتير هوا يدوب 3 بني ادمين كل 12 ساعه
ملهاش حل
12 مساعد كوني سبورت ماركه العصر الحجري
واللي عاملهم الاسطي انسان الغاب بنفسه قبل ما يروح الغاب
وحوافر abs ضد الامطار والعواصف
وايه كمان
سبويلر علي شكل ديل ملوش حل في الملفات
dvd افلام رعب بس
وباك فاير سيستم من بقه هايل
يعني حضرتك مش حينقصك حاجه
زحليقه للاولاد شغال
زهقت منه تركبه وتروح مشاويرك
لا تقولي بلطجيه بقي ولا قطاع طرق ولا حتي الجيش ينفع معاه
ملاهي شغال مراجيح شغال وحيساعد في اكل البيت لانه حيسوي الاكل في 3 ثواني
وفوق كل ده
قطع غياره كلها موجوده
جديده واستيراد
في منطقه الحجريين
اكيد عارفها
:)
حضرتك مش حتلاقي احسن من كده
واهو شبه السلحفاه بس علي كبير
:)
هات قطه
ويفضل قط
انا واحده صاحبه والدتي جابتلي قط هديه من حوالي 4 شهور
بقى زي اخويا دلوقتي هههههه
ونضيف وظريف وحبوب
وانت نازل يمشي معاك لباب الشقه
اول ما تيجي البيت يجري عليك ويقف قدامك ويفضل ينونو ( بيرحب بيك )
تحس انه بيحبك كده ومعجب بيك وفرحان هههههههههههه
لكن السلحفه دي متنفعش غير في كارتون سلاحف النينجا
ومتقلقش من القط خالص
شويه رمل في البلكونه تغيرهم كل 3 ايام
وبياكل اي حاجه
جبنه شغال بسطرمه شغال تونه شغال مكرونه شغال سمك شغال
عامل زي البلاعه بياكل اي حاجه
مش عارف كلهم كده ولا بتاعي انا بس ههههههه
لسه معود القط عندي انو يعمل حمام فالبيبة وجنبها ووفرت حوار الرملة طبعا مضطر لأن الزبال عزلت جالي واحد اعوذ بالله مش عايز ياخدها وحوارات زودته 5 جنيه عاللي بياخدها بقي ياخدها فوجئت بعدين انو بقي يرميها فالشارع فمضطرا عودت القط عالبيبة باني احطله شويه رملة حواليها وهكذا بقي يعمل فيها البول وال للأسف علي سيراميك الحمام بس كده ريحة الشقة اختفت لأنك لو اتأخرت عن تغيير الرملة 5 دقايق بتعمل ريحة فالشقة ومع الوقت مبيشمهاش غير الضيوف ههههه بس وفرت شكارة رملة كل شهر وكده ومفيش ريحة بشيل بالجاروف وارمي فالتواليت ورشة ديتول عالسيراميك
وليه القرف ده كله
حضرتك تحطله حاجه على سور البلكونه نفسه وفيها شويه رمله وهو هيتصرف
وكل ما تحب تغير الرمله ترميها من البلكونه هههههههههه
بس احنا في الدور الاول وتحتينا الشارع فيه جنينه ومحدش حيشتكي
ولو حد اشتكى ححط الرمله في البيت عنده والقط حيتصرف برضو هههههههههه
ياجماعة أنا لقيت الحل الناجع لرائحة الرمل ودا اكتشاف وتمت تجربته بكل نجاح
:) :) :) :) :)
ياخوفي لتدوروا عليه بجد الكائن ده
:)
كان عندى قط بس للأسف نطلى فى حوض السمك من فتحة الغطا وعمل مدبحة القلعة اقصد الحوض
واعدت ازعئ فيه جامد وهو مأنتخ ومتنح كده من كتر اكل السمك ومش قادر يتحرك ابن التيييييت
ازاي اصطاد السمك من الحوض؟ حصلت بس هو اول ملمس المياه لأني مكنتش مغطي الحوض يلوح ازاز فط بره علي طول لأن القطط بتخاف من المياه
اقتباس:
لسه معود القط عندي انو يعمل حمام فالبيبة وجنبها ووفرت حوار الرملة طبعا مضطر لأن الزبال عزلت جالي واحد اعوذ بالله مش عايز ياخدها وحوارات زودته 5 جنيه عاللي بياخدها بقي ياخدها فوجئت بعدين انو بقي يرميها فالشارع فمضطرا عودت القط عالبيبة باني احطله شويه رملة حواليها وهكذا بقي يعمل فيها البول وال للأسف علي سيراميك الحمام بس كده ريحة الشقة اختفت لأنك لو اتأخرت عن تغيير الرملة 5 دقايق بتعمل ريحة فالشقة ومع الوقت مبيشمهاش غير الضيوف ههههه بس وفرت شكارة رملة كل شهر وكده ومفيش ريحة بشيل بالجاروف وارمي فالتواليت ورشة ديتول عالسيراميك
وطيب لية وجع القلب دة .... فى رمل / كريستال مخصوص للبلاوى دية وبالنسبة لكريستال بيمتص بول ورائحة قااااتلة كمان وبيفضل لغاية 30 يوم بدون رائحة ..اقتباس:
وليه القرف ده كله
حضرتك تحطله حاجه على سور البلكونه نفسه وفيها شويه رمله وهو هيتصرف
وكل ما تحب تغير الرمله ترميها من البلكونه هههههههههه
بس احنا في الدور الاول وتحتينا الشارع فيه جنينه ومحدش حيشتكي
ولو حد اشتكى ححط الرمله في البيت عنده والقط حيتصرف برضو هههههههههه
يااااااااااريت بعد اذن حضرتك ....اقتباس:
ياجماعة أنا لقيت الحل الناجع لرائحة الرمل ودا اكتشاف وتمت تجربته بكل نجاح
الحل فى الرائحة:
بعد ما تضع الرمل فى مكانه رش عليه مقدار بسيط من مسحوق نظافة برسيل إريال إى حاجة
مهما اتأخرت مش هتلاقى ريحة إن شاء الله
زمان قوى ربيت سلاحف كتير . أسهل حاجة . السلحفاة أول ما بتاكل بتقوم بعملية اخراج الفضلات الافضل حط ورق على الارض و حطها فوقة حا تاكل من هنا و تعمل الاخراج على طول أرمى ورق الجرايد المتسخ
السلحفاة الى حجمها صغير نسبيا فى حجم كف اليد مش مشكلة كان عندى 2 أد كف اليد وواحدة كبيرة شويتين ممكن تقول 25 او 30 سنتى و كبيرة دى مقرفة الاخراج بتاعها كبير و مقرف و شكل راسها غبى جدا و ما صدقت خلصت من الكبيرة دى
لو حا تشترى سلحفاة حاول تشوف السلحفاة الصحراوية الصفراء شكلها افضل بكتير من الى لونها اسود
دى الصحراوى الصفراء
http://mayed.info/sale/resized_IMG_1034.jpg
و دى السودة شوية
http://www.cardiffreptilecentre.co.u...ortoise005.jpg
http://www.scserp.com/SCSPhotoGaller...seIbera001.JPG
لمعرفة عمر السلحفان ممكن تعد التموجات الى على الصدفة بالتقريب حا تعمر عمرها . التموجات مش عدد الرقه و ممكن اقولك تميز الذكر من الانثى ازاى
هههههههههه انا بالفعل اهديتهم لحديقة الحيوان بعد ما قعدوا معى فترة كبيرة بتاع كذا سنة لكن فى الاخر واحدة منهم ( الكبيرة ) اصابها الغباء و كل شوية تحشر نفسها تحت التلاجة و متعرفش تطلع :untitled 1:
هما طيبين و بيضيعوا وقت فى انك تقعد ترقبهم و هما بيمشوا او ياكلوا لكن محتاجين رعاية و تنظيف فورى بعد الاكل و تحس انهم مكنة عجن خس هههههه الخس او الخيار يدخل نى يطلع مستوى ههههههههه
احنا عندنا السلحفاه اللي في الشغل مركبه تربو في رجلها
مجرد ما تسيبها مع نفسها تلاقي ابو تريكه في قلب المعرض
بتجري
ومش بتجري وبس
بتتسلق حواجز كمان
وغاويه تقف قدام المرايه مش عارف ليه
لما تقف تتفرج عليها تعمل نفسها هبله ومبتعرفش تمشي
في يوم نسيت ياعيني احط لها خس
وروحت وسبتها سبت وحد جعانه
وقعدت قبلها 3 ايام مكلتش
لحد ما ببص عليها لقيتها اصفرت كده ورجلها طلعت لبره
وافتكرتها ماتت وكنت حعيط والله لما حسيت ان انا السبب
وبهزها كده لقيتها صاحيه وبتلعب
:)
رحت جايب خسايه كابوتشي بقي اصالحها
وهيا تقريبا افتكرتها سلحفاه نتايه
:)
ياهوووووووووووووووووووووو ووووووووووووه
اعتقد انها كلت الكرتونه اللي هيا فيها اصلا
هههههههههههههههههههههه
هو واحد قالى لما تجرى بسرعة و تقعد تلف فى الشقة بيبقى موسم تزاوج و بيتقعد تدور على النص التانى
و تقريبا ال 4 اللى كانوا عندى كانوا ادكرة بس او العكس هههههه لان كل و احدة كانت بتدور فى اتجاه و فى اوضة منفصلة
احد اسباب تبرعى بيهم انى فى يوم فى عز الصيف لقيت واحدة مش عاوزة تاكل تماما و طول الوقت قفلة على نفسها و كل ما اطلعها و اسيسها ترجع لوضع السكون تانى لحد ما ماتت مفهمتش ايه اللى حصل بس خوفت لا يكونوا لعبوا الدنيئة معها على ارض شقتى هههههههه و اتغرغروا بيها
بجد ساعتها حسيت ان فيه حاجة انا مش قادر اوفرها لهم او انا مش قادر ارعهم و قررت احطهم مع بنى جلدتهم بدل ما اتحاسب عليهم
لسه جايلنا واحدة او واحد سلحفاة او سلحوف لسة مش عارف مع ان اللي بطنها بكرش كده تعرف انها سلحفاة اما اللي داخلة جوا غالبا ذكر.......وغالبا في طربقة تانية
وربينا قبل كده بس ماتوا.........بس المرة دي جاتلنا السلحفاة بس هيا للاسف وابتقدرش تحرك رجليها اللي ورا وصعبت علينا فعلا لان ممكن يكون حد اهمل في تربيتها او كانت بتقع........لدرجة فكرنا ان نعالجها بس مش عارف فيه دكاترة ليهم ( ممكن حد يضحك م اللي بقوله بس لو بصيت انها روح في الاول والاخر هاتقول نفس الكلام لان ممكن غيرك يهملها بنفس الطريقة )
وعاملها بيت خشب كده وحركتها قليلة وتربيتها سهلة بس اللي غاويها لانها مختلفة تماما عن القطط عشان الحركة وكده......
ونصيحة للي بيربي السلحفاة في البلكونة..........واحد صاحبي لقي غالبا الفار واكل راسها.........فخلوا بالكوا