أول صيانة

**elsheikh2010** · 10-04-2011 12:28 AM

بسم الله الرحمن الرحيم واللهم صلي وسلم على رسول الله وعلى آله وصحبه أجمعين
الحمد لله استلمنا الفيرنا 1600 / 2011 من أسبوع وكانت عاملة 83 كيلو متر والحمد لله أسبوع تاني إن شاء الله وهاجيب الألف كيلو مش عارف حاسس اني مشغلها تاكسي المهم عشان انا مستجد في الزيرو ده هاروح التوكيل عشان أعمل صيانة الألف كيلو وهاقولهم على بعض الملاحظات مثل الباب بتاع السائق لازم يترزع شوية عشان يتقفل والغيار الثاني والمارشيدير بيعضوا شوية ، المهم انا عايز أعرف ايه الي هايعملوا في صيانة الألف كيلو وكمان المهم جدا هاتتكلف كام يعني أعمل حسابي في كام عشان لا أفاجئ بأي مبالغ مطلوبة مني وأنا مش عامل حسابي . شكراً جزيلاً ليكم

**HOSSAM99** · 10-04-2011 06:32 PM

و عليكم السلام و رحمة الله و بركاته
بالنسبه لصيانه الألف بيكون فييها علي ما اتذكر الأتي
تغيير
زيت_ فلاتر _تربيط عفشه _ مراجعة العربيه كاملة _ إصلاح أي شئ فيه شكوي
بص أنا صيانة الألف كانت من 3 سنين بـحوالي 360
و قولهم علي أي شكوي و إن شاء الله تتم

ربنا معاك و ألف مبروك

**Ashraf_Ibrahim** · 11-04-2011 12:38 AM

المشاركة الأصلية كتبت بواسطة elsheikh2010

بسم الله الرحمن الرحيم واللهم صلي وسلم على رسول الله وعلى آله وصحبه أجمعين
الحمد لله استلمنا الفيرنا 1600 / 2011 من أسبوع وكانت عاملة 83 كيلو متر والحمد لله أسبوع تاني إن شاء الله وهاجيب الألف كيلو مش عارف حاسس اني مشغلها تاكسي المهم عشان انا مستجد في الزيرو ده هاروح التوكيل عشان أعمل صيانة الألف كيلو وهاقولهم على بعض الملاحظات مثل الباب بتاع السائق لازم يترزع شوية عشان يتقفل والغيار الثاني والمارشيدير بيعضوا شوية ، المهم انا عايز أعرف ايه الي هايعملوا في صيانة الألف كيلو وكمان المهم جدا هاتتكلف كام يعني أعمل حسابي في كام عشان لا أفاجئ بأي مبالغ مطلوبة مني وأنا مش عامل حسابي . شكراً جزيلاً ليكم

شوف يا عزيزي:-
مبدئيا صيانة الألف كم مجانية تماما كمصنعية
بالنسبة للباب هيقلك روح الهياكل عشان هما يتصرفوا معاه
بالنسبة للفتيس التاني والمارشدير دا طبيعي جدا وهيتحسن مع المشي بالعربية وهيكون احسن كتير جدا بعد ال 5000 كم
صيانة الألف تشمل تربيط عفشة وتغيير زيت موتور وفلتر زيت وكشف على الموتور بالكومبيوتر
الزيت التوكيل بيتعامل في زيوت شل
خليه يحطلك شل هيلكس الترا ودا 10000 كم دا بيعمل 250 جنيه وفلتر زيت ب 18 جنيه وشوف ضريبة قد ايه يعني قصة 280 جنيه تقريبا
مبيكونش فيه اي مصاريف تانية خالص
وركز كويس في ملاحظاتك على العربية
وقبل ما تروح التوكيل شد بالعربية شوية وشوف سحبها وشوف الموتور وصوته وكدة يعني
دوس واكسر ال 120 وطير شوية

**Ashraf_Ibrahim** · 11-04-2011 02:53 AM

المشاركة الأصلية كتبت بواسطة elsheikh2010

طيب سؤال تاني لاحظت ان العربية محتاجة ظبط زوايا بتحدف شمال فهل لو قلتلم عليها في صيانة الألف في التوكيل هايعملوها مجاناً بإعتبارها ملاحظة ولا هادفع عليه ولو دفعت هادفع كام عشان أظبط الزوايا في التوكيل.
وشكراً

ضبط الزوايا في صيانة الألف مجانا ومجانا برده في صيانة ال 5000 و ال 10000