ما هو تقييمك لوكيل رينو و مراكز الخدمه

**Sharky** · 18-06-2008 10:01 PM

المشاركة الأصلية كتبت بواسطة crazylambada

نوع من الحقد الطبقي

الغريب إن التلاتة إللى صوتوا على توكيل رينو بإنه سئ ما عندهومش رينو أصلا و لا تلاقيهم يعرفوا مكان التوكيل فين أصلا و حتى رفضوا يقولوا ليه علقه إنه سئ

**crazylambada** · 18-06-2008 10:09 PM

بس اقولك حاجة انا حموت و اصوت
وحاولت اقنع واحد صاحبي نغير الزيت لعربيته الميجان في التوكيل علسان اصوت مرضاش
اهيئ اهيئ

**Sharky** · 18-06-2008 10:23 PM

هو صاحبك بيعمل صيانة الميجان فين أصلا؟؟

**Abo_Lina** · 19-06-2008 04:22 PM

المشاركة الأصلية كتبت بواسطة crazylambada

نوع من الحقد الطبقي

يعني واحد لسه شاري اوبترا هل فرحته بعربيته هاتزيد لما يقول على توكيل رينو انه سيئ ?

**Megane** · 20-06-2008 05:31 AM

المشاركة الأصلية كتبت بواسطة crazylambada

نوع من الحقد الطبقي

السلام عليكم
دة مش حقد دة غل بعيد عنك

**Sharky** · 20-06-2008 10:23 AM

المشاركة الأصلية كتبت بواسطة Megane

السلام عليكم
دة مش حقد دة غل بعيد عنك

فعلا شكلها كده

**crazylambada** · 22-06-2008 02:27 AM

لسه معملش لانه شاريها من كام شهر بس
انا معرفش جدول الصيانة للميجان
هو اول صيانة بتبقلا تغيير زيت فغيره هنا

**hanygafer** · 25-09-2008 06:06 PM

يا جماعة انا اول مرة اشارك في المنتدى دة واسمحوا لي اشارك معاكم في تقييم اتوكيل دة
هو بصراحة انا حصل معايا موقف وحش وكرهت الناس دي (الميكانيكيون العرب)
انا معرفش دول وكيل ولا مركز خدمة بس هقول اللي حصل معايا
عربيتي موديل 2006 وعاملة 58000 يعني فاضل على الضمان بتاعها 2000 كيلو ويخلص
المهم رحت اعمل صيانة 60000 كم والمهندس اللي هناك طلبت منه يكشف على العربية ويقولي فيها اية مش مضبوط
خد عندك 1/ بطاحة المساعد عايزة تتغير ب 2500جنية
2/ علبة الدريكسيون ب 2500
3/ سير الايرباج اللي في الدريكسيون ب 1700 جنية
المهم انا قلت للمهندس ان العربية في الضمان والمفروض ان التوكيل يغيرها
راح مساومني
ايوة ساوم معايا على ان التوكيل يغير قطعتين مهنم سير الاير باج (علشان دي ارخص قطعة) وانا اغير التالتة يعني لو مش هغير القطعة التالتة هو مش هيركب القطعتين التانيين
المشكلة ان صيانة 60000 دي صرفت فيها والله ما انا فاكر بس الفاتورة معايا
انا محبتش الطريقة دي وقلت مش رايح تاني للميكانيكيون العرب علشان هما استغلوا الوضع بشكل سئ
وتاني انا معرفش هو وكيل ولا مركز صيانة انا بس بقول على الموقف

دلوقتي بقى انا عاندي استفسار صغير
انا هروح فرع العبور علشان الفانوس الامامي اتكسر والفيبر اللي موجود على الاكصدام
ممكن اعرف هما اسعارهم تقريبا كام لاني اتصلت سألت في الميكانيكيون العرب وقالولي فوق ال1200جنية
وشكرا ليكم واسف على الاطالة

**Ahmed Selim** · 25-09-2008 06:55 PM

هو حضرتك متأكد أنك روحت توكيل رينو أو مركز خدمة معتمد ؟؟؟؟

الميكانيكيون العرب بتعامل معاهم من 3 سنيين ونص والعربية عندى عاملة 80 ألف دلوقتى و عمر ما حصل معايا موقف زى ده هناك.........ده غير أن الأسعار اللى أنت قولتها دى مش مظبوطة خالص............البطاحة ب 1050 جم ولسه سأل عليها من أقل من شهر وعلبة الدركسيون حسب معلوماتى ب 1500 و ممكن شاركى يصححلى

أما بأه سير الأيرباج ده أنا أول مرة أسمع عنه أصلاً وغير كده أيه اللى يبوظه ؟؟
هو حضرتك العربية دى معاك من الزيرو ؟؟؟ هل عملت بيها حوادث لا قدر الله قبل كده ؟

وبعدين حضرتك لما تحب تسأل على قطع غيار أسأل فى الوكيل بس........مراكز الخدمة المعتمدة فى مصر لأى ماركة بتلتزم بسعر الوكيل لما يكون الوكيل هوه اللى مورد لهم القطعة لكن لو هما جابو قطعة من برة الوكيل ( مستورد تانى ) يبقى مينفعش يلتزموا بالسعر

لو حضرتك تحب أنا ممكن أجى معاك الميكانيكيون العرب و ممكن كمان ما دام العربية وكملتش لسه ال 60000 تروح على العبور وتقابل المهندس محي

أهلاً بيك عضو جديد فى المنتدى معانا ومبروك على أولى مساهماتك معانا

-

مشاهدة نتائج الإستطلاع: ما هو تقييمك لوكيل رينو و مراكز الخدمه

الموضوع: ما هو تقييمك لوكيل رينو و مراكز الخدمه

LinkBack

أدوات الموضوع

عرض

-

-

-

-

-

المواضيع المتشابهه

ما هو تقييمك لوكيل لادا و مراكز الخدمه

ما هو تقييمك لوكيل نيسان و مراكز الخدمه

ما هو تقييمك لوكيل شيفروليه و مراكز الخدمه

ما هو تقييمك لوكيل جيب و مراكز الخدمه

ما هو تقييمك لوكيل كيا و مراكز الخدمه

الكلمات الدلالية لهذا الموضوع

المفضلات

المفضلات

ضوابط المشاركة