| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 20 1 2 3 4 5 6 11 ... الأخيرةالأخيرة
النتائج 1 إلى 10 من 200

  1. #1

    الصورة الرمزية Ahmed.TV

    رقم العضوية : 18439

    تاريخ التسجيل : 09Sep2008

    المشاركات : 8,548

    النوع : ذكر

    الاقامة : حدائق الاهرام

    السيارة: بولو 99

    السيارة[2]: تيدا 2009

    دراجة بخارية: honda

    الحالة : Ahmed.TV غير متواجد حالياً

    Lightbulb نصائـح .. الاسـتلام الجيد والتليين السـليم لسياراتك الجديدة - Facebook Twitter whatsapp انشر الموضوع فى :

    hasad">



    هناك بعض النقاط عند استلام السيارة يجب على كل مشترى جديد مراعاتها والتركيز عليها
    وقد حرصنا على تجميعها وتقديمها اليكم للمساعدة فى استلام السيارة بدون اى مشاكل او عيوب ظاهرية او جوهرية


    1- حاول تستلم العربية بالنهار افضل من الليل عشان تبص على صاج العربية وتطمن انه خالى من اى خرابيش او خبطات

    2- انزع عند الاستلام الورق الملزوق على صاج السيارة سواء اللى على الكابوت او على السقف , وذلك للتاكد من بوية السيارة سليمة ولالا , لان الورق ده ممكن يكون مدارى تحت منه فرق لون لا قدر الله

    3- شيك على الزجاج الكهرباء كله , وتاكد من فتحه وقفله , و تشوف هل فى صوت تزيق او اى مشكلة فى الزجاج لقدر الله

    4- جرب الكاسيت وشوفه شغال ولالا , ومتنساش تسال هل بيجى معاه وصلة يو اس بى مثلا وليه ريموت ولالا بردوا , وياريت تكون واخد معاك اسطوانتين من نوعين مختلفين عشان تجرب الاتنين زي سوني وال جي مثلا, عشان محدش يتلكك ويقولك الاسطوانات نوعها وحش , وكمان خلى معاك فلاشة فيها قران مثلا اذا كان ينفع توصلها عليه

    5- اسال على الضمان بتاع السيارة وضمان الكاسيت والكتالوج بتاع العربية

    6- شيك على الروافع مثل : الولاعة بتاعت العربية وطفاية السجاير وعلى الاريال

    7- شيك وبص على المياة بتاعت السيارة من ميه مساحات والقربة والردياتير والبطارية عشان بس لو فى حاجة نقصة مش تمشى على عماك وتزودها فى اقرب مكان

    8- اتاكد من وجود الاستبن (الكاوتش الاحتياطى )

    9- نبص على شنطة العدة

    10- نقعد على الكراسى اللى قدام ونحرك فيها لقدام وكمان لورا عشان نشوف هل فيها اى مشكلة ولالا , وكمان احزمة الامان

    11- تشغيل الانوار كلها ونجربها سواء الانوار الداخلية جوة السيارة من نور الصالون والطابلوه ومن بره الفوجات والكشافات الامامية ولمبة الاستوب والفوانيس الخلفية

    12- تتاكد من عمل المساحة وتشغل المياه بتاعت المساحة كمان

    13- تفتح الابواب الاربعة والكابوت والشنطة وتشوفهم بيفتحوا ويقفلوا بسهولة ومفيش مشكلة فيهم ولالا

    14- نتاكد من ان السنتر شغال ونتاكد من الريموت شغال ولالا

    15- ركز فى استلام المفاتيح , فى عدد المفاتيح والريموت اللى بيجوا مع السيارة

    16- نبص على عداد الكيلومتر واهم حاجة انه لايزيد عن 70 كيلو وكدا كتير كمان

    17- التاكد من ان التكيف شغال ,لانك حتشغله بعد 500 كيلو فتكون مطمن ان مفيش مشكلة .. كفائته مش حتكون قوية لان العربية لسه جديدة ومش حيبان تبريده فى اللحظة دى لانك حتشغله لمدة دقيقة او اتنين بالكتير عقبال ما ترغى مع البائع ,المهم عشان بس تكون مطمن ان كل حاجة تمام .. وتاخد بالك هل فى اى قلق وهى واقفة ولالا مع تشغيل التكيف

    18- اتاكد من ان الماتور صوته ناعم وهادى فى بداية التشغيل

    19- حرك الدريكسيون يمين وشمال عشان تتاكد من عدم وجود اى مشكلة وصوت تزيق , وكمان شوف ظبط الدريسكيون لفوق ولتحت اخباره ايه

    20- سخن السيارة وبعد ماتسخن اتاكد من ان المروحة اشتغلت بتاعت الرديايتير ولالا

    21- اذا كان السيارة فيها فتحة سقف , نطمن انها شغالة وكله تمام



    دول اهم النقاط اللى تركز عليهم وانت بتستلم .. وحاول ان يكون معك صديق او قريب لك لمساعدتك فى وقت الاستلام
    ملحوظة هامة
    يفضل شراء سيارات نيسان من موزع معتمد لنيسان
    لان بيجيب العربية مباشرة من المصنع
    غير ايضا كل السيارات عنده نيسان ولو خزن منها فى مخزن مش بيخزن بكميات كبيرة او بتفضل عنده مركونة لفترة كبيرة
    على عكس المعارض الخاصة اللى بتبيع عربيات من ماركات كثيرة
    نظرا

    ونتمنى لكم حسن الاستلام وان نكون قد استطعنا تقديم القليل من العون لمساعدتكم


    ناتى إلي المرحلة الثانية والهامة بعد استلام
    السيارة على خير وهى ..
    تليين السيارة

    والتليين السليم .. فى الماتور السليم




    تأتى خطوة التليين كاهم خطوة تلى استلام السيارة كما ذكرنا حيث ان قيادة السيارة فى تلك الفترة تؤثر على اداء السيارة
    الجيد طيلة فترة قيادتها فيما بعد

    ولهذا فقد حرصنا على عرض كل المعلومات المفيدة والخطوات التى يجب علينا اتباعها فى تلك الفترة
    فى عدد من النقاط التالية :-


    1- بعد ما تخرج من المعرض وتركب السيارة وتقرا ادعية مباركة ان ربنا يحفظك ويكفيك شر الطريق تذهب الى محل كاوتش وتظبط ضغط الكاوتش على المقاس المكتوب فى قايم السيارة , ويفضل بعد ملئ الكاوتش تروح عند كام محل اخر للتاكد من ان المقاس مظبوط اللى نفخت بيه الكاوتش , اصل احيانا والله بتلاقى كل واحد عنده مقاس ممكن يختلف عن التانى ويقرالك القياسات غلط , حتى لو كان ديجيتال ,, لان مهم جدا جدا انك تظبط المقاس صح , لان احيانا لو فى خلل فى قياس الكاوتش بيأدى الى بطى فى سحب العربية وايضا ممكن يؤدى الى حدف يمين او شمال للسيارة واستهلاك بنزين حاد

    2- يفضل جدا ملئ الكاوتش نيتروجين افضل من الهواء و وذلك لانه يطول عمر الكاوتش ويحافظ عليه كما ايضا يساعد على استهلاك افضل للبنزين , واداء افضل وانعم للعفشة وله فوائد كثيرة

    3- التليين الجيد يجب ألا تتعدى سرعة لفات المحرك ال2500 لفة/ دقيقة, أو ال3000 لفة/ دقيقة بحسب قدرة المحرك, وتجنب الحرق على الغيارات والكيك دون

    4- مدة التليين أساسية هى تقريبا 1000 كيلو أو حسب السيارة , و يتم بعدها تغيير زيت التليين (و يتم تغييره بعد فترة قليلة لأنه يحمل رايش البساتم وبرادات حديد ) , ثم تستمر التليين والقيادة الهادئة بعدها الى 3000 الاف كيلو لكن بمحاذير أقل.
    التليين ليس فقط هام بالنسبة للماتور فقط , ولكن هام جدا لجميع اجزاء العربية وذلك لكى تطبع بعضها على بعض تأخذ كل قطعة موقعها الطبيعي بعد الإحتكاك الميكانيكي .

    5-التكييف تشغله عادي مافي اي مشاكل بس حاول يكون بعد 500 كيلو .

    6- يفضل في فترة ال-500 كم من عمر السيارة انه ممكن تقرص على الغيار بس خفيف جدا مش بعنف ويكون بتنوع مش باستمرار ويفضل لو قرصت على الغيار توصل الاربى ام الى 4000 مش اكتر من 4500
    وده عشان بس تفتح السيارة والماتور ,وده زى ما ذكرنا من بعد ال500 كيلو ومش كتير كمان (يعنى مش بعنف وحرق مستمر)

    7- يجب تجنب أن تعامل السيارة فى السلانسيه فترة طويلة أطول من عدة دقائق, فإذا طال الانتظار فى إشارة ولا تتوقع السير لبعض الوقت أطفئ المحرك أثناء فترة انتظار حركة المرور..والسبب فى ذلك يرجع إلى أنه من الصعب على أى طلمبة زيت أن تغطى جميع أجزاء المحرك فى السلانسيه فينخفض ضغط الزيت بين الأسطح المتحركة
    مما يتسبب فى اختراق قمم هذه الأسطح لطبقة الزيت لتؤذى بعضها البعض كما أن المحرك الجديد ليس عليه أى رواسب يمكن أن يعلق بها بقايا الزيت مما يجعله جافا باستمرار.

    8- ويجب ألا تزيد سرعة السير فى الفترة الأولى لإستخدام السيارة عن 100كم/ساعة وربما يكون ذلك صعبا ولكن تحمل ذلك وأصبر عليه.

    9- تجنب السير على سرعة ثابتة واجعل سرعتك ما بين 30كم/ساعة و 100كم/ساعة كلما أمكن ذلك عندما تتاح لك الفرصة وبحيث لا تكون على حساب القيادة الآمنة على الطريق.

    10- تجنب الفرامل المفاجئة خصوصا فى الفترة الاولى فى التليين قبل ال500 كيلو الاولى وذلك لتطبع الفرامل مع الطنابير

    11- تجنب الحمولة العالية فى السيارة وبلاش تقوم بجر عربية اخرى فى فترة التليين.

    12- تجنب الطرق الوعرة والمطبات لأن القيادة فى هذه الطرق تخلق سحابة من الغبار الناعم الذي يمكن أن يسحبه المحرك من خلال فلتر الهواء وتقوم ذرات هذا الغبار أو الرمال الناعمة بالعمل كصنفرة بين الأجزاء المتحركة للمحرك.

    13- تجنب المشاوير القصيرة فى فترة التليين لأن المحرك يأخذ مسافة طويلة حتى يمكن توزيع الزيت علي جميع أجزائه , فإذا كانت المشاوير قصيرة بإستمرار نجد أن بعض أجزاء المحرك لا يصل إليها الزيت نهائيا وسوف تتآكل سريعا.

    14- فترة التليين يجب أن تكون فى مشوار واحد كلما أمكن ذلك أو عدة مشاوير لا يقل الواحد عن200 كم ولا توزع فترة التليين على عدة أسابيع.

    15- سخن السيارة قبل ما تتحرك خصوصا فى فترة التليين والفائدة من ذلك هو انك بترفع حراره الزيت شويه لان الزيت لما بيكون بارد فيسبب اختلاف في وزن البساتم وده يؤثر على المدى البعيد في عزم السيارة .
    بس اذا انت مستعجل وحابب تطلع بالسيارة من غير ما تسخنها يبقا متدوسش على طول وتجرى وخلي السيارة تمشى واحدة واحدة مسافة 2 كيلو مثلا .

    16- لا تقم بالقيادة على سرعة واحدة لفترات طويلة , سواء كانت السرعة عالية أو منخفضة .ولذلك يجب تغيير سرعة المحرك لتليين المحرك بشكل مناسب.

    17- لا تترك المحرك في وضع التباطؤ أكثر من 3 دقائق في المرة الواحدة.

    18- كلما أسرعت في إنهاء فترة التليين كان ذلك أفضل لك ولماتور سيارتك

    19- بعد ما تغير زيت الالف وتعمل الصيانة الاولى على خير وتحط زيت 10 الاف او حتى 5000 كيلو حتلاحظ وتجد ان صوت الماتور بقا انعم , وادائه اتحسن الى الافضل واستهلاك البنزين بيتحسن للافضل فى الفترة الاولى من الالف الى 5000 كيلو.

    20- بعد فترة التليين ارفع السيارة وأكشف عن أى تسرب للزيوت أو مياه التبريد وقم بتربيط العفشة واحتمال تكون العربية محتاجة ظبط زوايا .


    واخيرا .. اتمنى ان تعم الفائدة على الاعضاء المقبلين على شراء سيارة جديدة وان اكون قد قدمت ولو معلومة بسيطة تساهم في استلام موفق وتليين آمن للسيارة.

    تقبلوا تحياتى
    اخوكم في الله
    احمد مصطفى

    محرر فى دعم اتخاذ القرار بوزارة الاعلام
    قليل المشاركة فى الموضوعات والرسائل الخاصة لانشغالى بالعمل
    برجاء الاتصال بى : 01288814049


  2. #2

    الصورة الرمزية SonaSteel

    رقم العضوية : 82616

    تاريخ التسجيل : 03Dec2010

    المشاركات : 6,066

    النوع : ذكر

    الاقامة : حلمية الكلاماتا :)))

    السيارة: Ex Sunny M/F/O 2011

    السيارة[2]: Polo M/F/O 1995

    دراجة بخارية: مولتوسيكل :)

    الحالة : SonaSteel غير متواجد حالياً

    افتراضي -

    السلام عليكم
    انا كنت حاسس ان في موضوع جديد ... لقيت هاتف بيقولي قوم ياسونا في موضوع جديد
    أبو حميد .......... يابني انت تفوقت علي نفسك .... ماشاء الله لا قوة الا بالله
    جزاك الله خيرا .... وربنا يجعله في ميزان حسناتك يارب العالمين
    والجزئية بتاعه التليين ...... جميلة جميلة واول مرة أقرا كمية المعلومات ديه كلها عن التليين ومعناه ايه
    اقعد بالف عافية ..... وتحية لأحلي مجلس اعلي للصقور المحلقة ........ههههه

    أُمـــ الغوالــــــــــــــــي ..... أُسطــــورة لـــــهــــــا تاريـــــخ

    [img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
    [marq="4;right;2;scroll"]Eng.Hussein GaMal[/marq]
    [marq="4;left;2;scroll"]Mob. +20111 960-9399[/marq]


  3. #3

    الصورة الرمزية Bishoy.Girgis

    رقم العضوية : 30571

    تاريخ التسجيل : 20Jan2009

    المشاركات : 5,542

    النوع : ذكر

    الاقامة : EGYPT

    السيارة: Toyota Corolla 1996

    السيارة[2]: Nissan Sunny 2OO9

    دراجة بخارية: I Don't Like It

    الحالة : Bishoy.Girgis غير متواجد حالياً

    افتراضي -

    بجد يا احمد استاااااااااااااااااااااا ااااااااااااذ .. بصراحة تقرير رائع جدا و انا لو مكان اي واحد هيشتري عربية
    يقوم بطباعة ورقة النصائح ديه و ميفوتش نقطة و هو بيشتري العربية
    انا بشكرك يا احمد لأنك عملت التقرير الجميل ده و منسق و هيساعد ناس كتير جدا في مرحلة الشراء و التليين
    ربنا يبارك فيك يا جميل


  4. #4

    الصورة الرمزية SonaSteel

    رقم العضوية : 82616

    تاريخ التسجيل : 03Dec2010

    المشاركات : 6,066

    النوع : ذكر

    الاقامة : حلمية الكلاماتا :)))

    السيارة: Ex Sunny M/F/O 2011

    السيارة[2]: Polo M/F/O 1995

    دراجة بخارية: مولتوسيكل :)

    الحالة : SonaSteel غير متواجد حالياً

    افتراضي -

    اقتباس المشاركة الأصلية كتبت بواسطة Peaceman مشاهدة المشاركة
    بجد يا احمد استاااااااااااااااااااااا ااااااااااااذ .. بصراحة تقرير رائع جدا و انا لو مكان اي واحد هيشتري عربية
    يقوم بطباعة ورقة النصائح ديه و ميفوتش نقطة و هو بيشتري العربية
    انا بشكرك يا احمد لأنك عملت التقرير الجميل ده و منسق و هيساعد ناس كتير جدا في مرحلة الشراء و التليين
    ربنا يبارك فيك يا جميل
    ههههههههههههههههه ...... هو ده اللي عملته يابيشو وانا رايح استلم
    بس ربنا قدر لي ان العمدة بنفسه يجي معايا ..... السووورس بحاله بيستلم معايا ماشاء الله .. جزاه الله عني خيرا
    بس اللي لاحظته فعلا ان مراكز البيع المعتمده فعلا بتسلم بما يرضي الله
    اعتقد ان الخطوات ديه عايزة معرض عادي .. او معرض باللي بيجيب بالالف عربية يروح راكنهم عنده بالسنيين ... ساعتها بتبقي عايز تكشف علي كل مسمار
    وفعلا موضوع يستحق التثبيت جدا ..... لانه ضروري لاي عربية مش شرط نيسان
    جزاك الله خيرا ياعمدة الصقور
    أقعد بالعافية

    أُمـــ الغوالــــــــــــــــي ..... أُسطــــورة لـــــهــــــا تاريـــــخ

    [img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
    [marq="4;right;2;scroll"]Eng.Hussein GaMal[/marq]
    [marq="4;left;2;scroll"]Mob. +20111 960-9399[/marq]


  5. #5

    الصورة الرمزية ahmedezar

    رقم العضوية : 36062

    تاريخ التسجيل : 20Mar2009

    المشاركات : 214

    النوع : ذكر

    الاقامة : القاهرة

    السيارة: لسه بدور

    السيارة[2]: لادا 1200-Nissan Tida 2011 Plus

    دراجة بخارية: ----------

    الحالة : ahmedezar غير متواجد حالياً

    افتراضي -

    الله يبارك يا ا/ أحمد فعلا شرحت فا أوفيت ربنا يجعله في ميزان حسناتك


  6. #6

    الصورة الرمزية mohamednagib

    رقم العضوية : 60382

    تاريخ التسجيل : 29Jan2010

    المشاركات : 568

    النوع : ذكر

    الاقامة : 10th of Ramadan

    السيارة: -

    السيارة[2]: Sunny EX AT 2011

    دراجة بخارية: -

    الحالة : mohamednagib غير متواجد حالياً

    افتراضي -

    ياباشا انت المبدع دوما ....

    دمت فخرا و ذخرا لمنتدانا ...

    ( ايه اللي انا بقوله ده )

    بس بصراحة .. مجهود فوق الوصف و مجهود جبار كما عودتنا دوما يا احمد باشا

    [aldl]http://www.sarkosa.com/vb/imgcache/36351.imgcache.gif[/aldl]


  7. #7

    الصورة الرمزية kar!m

    رقم العضوية : 7018

    تاريخ التسجيل : 06Mar2008

    المشاركات : 6,388

    النوع : ذكر

    الاقامة : Cairo

    السيارة: Mercedes C200

    السيارة[2]: Golf MKII

    دراجة بخارية: Honda CBR 400 FireBlade

    الحالة : kar!m غير متواجد حالياً

    افتراضي -

    موضوع جامد جدا بجد.

    يا ريت حد يجيب برطمان جيل عشان نثبت الموضوع

    القران الكريم بجودة صوت عاليه جدا
    http://www.nilemotors.net/Nile/230790-a.html


  8. #8

    الصورة الرمزية mememsaid

    رقم العضوية : 30807

    تاريخ التسجيل : 22Jan2009

    المشاركات : 754

    النوع : ذكر

    الاقامة : Mokatum

    السيارة: SAGA 2010 Auto

    السيارة[2]: Fiat 128

    دراجة بخارية: لا

    الحالة : mememsaid غير متواجد حالياً

    افتراضي -

    موضوع جميل ويفيد جميع انواع السيارات
    تسلم ايدك

    محمد سعيد


  9. #9

    الصورة الرمزية ahmedhawas

    رقم العضوية : 18719

    تاريخ التسجيل : 12Sep2008

    المشاركات : 725

    النوع : ذكر

    الاقامة : Cairo

    السيارة: سكوترابوعجل بينور

    السيارة[2]: سيارة الشعب 128

    دراجة بخارية: .

    الحالة : ahmedhawas غير متواجد حالياً

    افتراضي -

    موضوع ممتاز ورائع جدا جدا
    بارك الله فيك


  10. #10

    الصورة الرمزية mff_629

    رقم العضوية : 85890

    تاريخ التسجيل : 15Jan2011

    المشاركات : 442

    النوع : ذكر

    الاقامة : cairo

    السيارة: Nissan Sunny AT 2011

    السيارة[2]: Poloneze 1989

    دراجة بخارية: لا يوجد

    الحالة : mff_629 غير متواجد حالياً

    افتراضي -

    hasad">

    كفاءة



 
صفحة 1 من 20 1 2 3 4 5 6 11 ... الأخيرةالأخيرة

المواضيع المتشابهه

  1. نصائـح .. الاسـتلام الجيد والتليين السـليم لسياراتك الجديدة
    بواسطة Ahmed.TV في المنتدى أخبار السيارات في مصر والعالم
    مشاركات: 13
    آخر مشاركة: 27-05-2012, 12:16 AM
  2. نصائـح .. الاسـتلام الجيد والتليين السـليم لسياراتك الجديدة
    بواسطة Ahmed.TV في المنتدى أخبار السيارات في مصر والعالم
    مشاركات: 98
    آخر مشاركة: 12-05-2012, 09:53 PM
  3. نصائـح .. الاسـتلام الجيد والتليين السـليم لسياراتك الجديدة
    بواسطة Ahmed.TV في المنتدى المنتــــــدى العـــــــــــام للسيــارات
    مشاركات: 42
    آخر مشاركة: 29-07-2011, 03:45 PM
  4. أهم النصائح والإرشادات لإستلام آمن لسياراتك الجديدة
    بواسطة Ahmed.TV في المنتدى أخبار السيارات في مصر والعالم
    مشاركات: 7
    آخر مشاركة: 25-04-2011, 02:03 AM
  5. بخصص ال rbm والتليين
    بواسطة islamnasser10 في المنتدى ميتـسوبيـشى
    مشاركات: 6
    آخر مشاركة: 30-07-2008, 04:56 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2