لمؤيدى اقالة المشير .......... اقنعونى لاقتنع

**ahmedjumpo** · 11-04-2011 05:59 PM

المشاركة الأصلية كتبت بواسطة أشرف العدوي

هو حضرتك جبت المعلومة دي منين الي تحتيها خط
لاني متأكد انها خطأ تماماً

بالنسبة لسلاح الطيران
((إن عصب القوات الجوية المصرية اليوم هو 220 طائرة مقاتلة من طراز إف-16 فالكون وبذلك تكون مصر رابع مستخدم لتلك المقاتلات في العالم.[8]
تستخدم القوات الجوية المصرية أيضًا 19 طائرة ميراج 2000 بالإضافة إلى تطوير 32 طائرة من أنواع إف-4 فانتوم الثانية، ميراج 5، وسي 130 هيركوليز. تستخدم 6+2 طائرة إنذار مبكر وتحكم من نوع إي - 2 هوك آي، والتي يتم تطويرها إلى طراز هوك آي 2000. ولكن لا يزال هناك قيود مفروضة على القوات الجوية المصرية تمنعها من التطور واستخدام الطائرات المتطورة وإمكانيات إعادة ملء الوقود جوًا وتَملك قذائف موجه بدقة عالية. وذلك بسبب رفض الولايات المتحدة الذي أدى إلى إلغاء عقد بقيمة 4.5 مليار دولار أمريكي عام 2005 لشراء عدد يتراوح بين 60 و 100 طائرة إف - 16 أخرى، مما جعل مصر تتجه لروسيا لشراء أربعون طائرة ميكويان ميج-29 إس إم تي وأربعة وعشرون طائرة ياك - 130 بالإضافة لعقد بشراء 30 طائرة سوخوي - 35.))
http://ar.wikipedia.org/wiki/%D8%A7%D9%84%D9%82%D9%88%D8%A7%D8%AA_%D8%A7%D9%84% D8%AC%D9%88%D9%8A%D8%A9_%D8%A7%D9%84%D9%85%D8%B5%D 8%B1%D9%8A%D8%A9
لو حضرتك اخذت بالك هتلاقى الطيارات الحديثة فقط هى من الصناعة الامريكى و الباقى صناعات قديمة و بواقى سلاح السبعينات و الثمانينات بما فيها الميراج ال 2000 التى هى انتاج الثمانينات و توقف انتاجها و حلت محلها الرافال بالاضافة الى اليوروفايتر و حتى جزء من الطائرات الميراج تقريبا عدد 5 طائرات ان لم يخونى الرقم تم شراءه مستعمل من الامارات
و ده رابط بيوضح ان اكثر من نصف قوة سلاح الطيران امريكى و هو الحديث اما اقل من النصف الباقى هو القديم من السبعينات و الثمانينات
http://www.globalsecurity.org/military/world/egypt/airforce.htm
و اليك رابط يوضح تفصيل ومقارنة سلاح الطيران فى عامى 1990 و 2010 و قارن بين زيادة السلاح الامريكى بشكل عالى جدا و نقص السلاح من الدول الاخرى
http://www.globalsecurity.org/military/world/egypt/airforce-equipment.htm
و هذا معناه ان الشراء و التحيث يتم من قبل امريكا فقط

نيجى للقوات البرية
دبابات القتال الرئيسية</SPAN>

أم 1 أي 1 / أم 1 أي 2 أبرامز : (العدد:1,005) (محلي الصنع) ---- امريكى

أم-60 : (العدد:1,700) -------------- امريكى
تي-62 : (العدد:500) -------- روسى قديم
تي-55 : (العدد:390) -------- روسى قديم
رمسيس الثاني : (العدد:260)

ناقلة جنود مسلحة مجنزرة و عصبها m 113 و عددها اكثر من 2100 ناقلة و تمثل حوالى الثلثين
و ممكن حضرتك تكمل من الرابط
http://ar.wikipedia.org/wiki/%D8%A7%D9%84%D9%82%D9%88%D8%A7%D8%AA_%D8%A7%D9%84% D8%A8%D8%B1%D9%8A%D8%A9_%D8%A7%D9%84%D9%85%D8%B5%D 8%B1%D9%8A%D8%A9#.D8.AF.D8.A8.D8.A7.D8.A8.D8.A7.D8 .AA_.D8.A7.D9.84.D9.82.D8.AA.D8.A7.D9.84_.D8.A7.D9 .84.D8.B1.D8.A6.D9.8A.D8.B3.D9.8A.D8.A9

الدفاع الجوى
طبعا مازال يعتمد على صواريخ سام القديمة و بالاضافة الىصواريخ باتريوت الامريكية و كان من المفترض ان يتم شراء نظم صواريخ s300 , s400 من روسيا و لكن لم يحدث
و اخيرا رابط لمقارنة التسليح للقوات البرية و هتلاقى حضرتك نفس الملاحظة للطيران

http://www.globalsecurity.org/military/world/egypt/army-equipment.htm

اعتقد انى رديت على حضرتك و بمصادر و فى مواقع اخرى و منتديات بس انا فضلت المصادر الاقوى
و طبعا لو عند حضرتك ما يثبت خطأ ما ذكرت فأرجو التوضيح مع ذكر مصادرك و بالمناسبة لقد اصبحنا فى عصر مفتوح و كل شيئ اصبح يتصور حتى فى المخازن و يتم عمل الدراسات و ذكر الاعداد بدون الاساليب القديمة للمخابرات
و تحياتى لحضرتك

**ahmedjumpo** · 11-04-2011 06:06 PM

المشاركة الأصلية كتبت بواسطة otefa

استاذ اوتيفا

هو صباعك موجعكش من كتر رفعه طبعا انا بهزر معاك
هههههههههههههههههههههههه

**hobiko** · 11-04-2011 06:23 PM

المشاركة الأصلية كتبت بواسطة ahmedjumpo

استاذ اوتيفا

هو صباعك موجعكش من كتر رفعه طبعا انا بهزر معاك
هههههههههههههههههههههههه

هههههههههه

**ahmedjumpo** · 11-04-2011 06:33 PM

المشاركة الأصلية كتبت بواسطة hobiko

خالص تحياتى ........ اراء حضرتك فعلا كلها عقلانية

شكرا لذوق حضرتك و تحياتى لحضرتك

المشاركة الأصلية كتبت بواسطة boogieman

ممكن ادلى بدلوى حلوة دلوى من واقع شغلى كمهندس طيران احب اقول لحضرتك ان الاف-16 من احسن الصفقات الى عملتها مصر ومش معانا انها طارت فوق متظاهريين التحرير تبقى وحشة والطيارة عند حوالى 15 دولة وديه ميزة كبيرة وده معناه فى حالة حرب ممكن تاخد قطع غيار من اى دولة منهم وبردك جزء كبير من طيارت مصر الاف -16 جى من تركيا والطيارت كلها اتعملها تحديث لبلوك c-d ومعلومة صغيرة على الماشى الجاز بتاع الاف-16 عادى خالص ومبيجيش من امريكا

المشاركة الأصلية كتبت بواسطة boogieman

ولعلمك روسيا عندها طيارت كويس جدا بس مبدتيهاش لحد الا الهند والصين ومشكلتنا دايما فى صفقات السلاح اسرائيل دى ضغطت على روسيا وخلتها متبعيش منظومة صواريخ اس-300 لايران رغم كمية المصالح و الاستثمارات الروسية الكبيرة فى ايران و مع ذلك لما امريكا رفضت تدينا الاف-15 فى 2005 ساعتها اتقل ان روسيا عرضت على مصرميج-29 والسوخوى -35 ومصر رفضت وصدقنى الحل بالنسبة لمصر مش طيارة روسى او امريكانى او صينى معفنة ومن اسوا الصفقات الى عملتها مصر الحل فى طيارة مصرية وده مشروع من الثمانينات زى مشروع الضبعة النووى وهم بيجهضوا

اهلا بدلوك يا استاذى العزيز
بالنسبة لطائرات الاف16 لم اقل انها وحشة بس مش معنى كده انى اوحد مصدر تسليحى و اخليه من الراعى الاب لعدوى و الذى اذا فكرت فى محاربة اسرائيل لا اعلم كيف سيعطيك ذخيرة او قطع غيار و طبعا حضرتك بتقول ان ممكن دول تانى تديك قطع غيار و ده مش صحيح لانه مش هيديك من مخزونه اللى هو اشتراه و لا هيخالف امريكا علشان خاطرنا
و فيه نقطة تانية هامة جدا تم اثارتها فى كثير من المواقع و اعتقد انه لابد من اخذها فى دائرة الاهتمام و هى برنامج تشغيل الطائرة الاف 16 و امكانية النفاذ اليه و التحكم بيه بواسطة عدوك و من خلفه امريكا و اعتقد ان هذه النقطة فى مخاوف منها
موضوع الوقود انا كنت قرات عنه و هأحاول انى اشوف لحضرتك المصدر
نقطة اخيرة كويس ان حضرتك ذكرت موضوع الميغ و السوخوى35 و ده للاسف اللى يثبت تحكم امريكا فى نوعية تسليحنا و رفضها الى الان بتزويد مصر بالطائرات الاف15 مع ضغوطها علينا لعدم شراء البديل و الذى اعتقد ان السوخوى35 من افضل البدائل فى التسليح و المناورة و هناك طائرات اخرى زى اليوروفايتر
و على فكرة انا زى حضرتك بحلم بمشروع طائرة مقاتلة مصرية حديثة و يا رب تتم فى المستقبل القريب و يصبح الحلم حقيقة

اعتقد بكده نكتفى من الكلام عسكريا و لو حابين نتكلم فى شئون تسليح فاممكن نفتح موضوع جديد علشان منحيدش عن هدف صاحب الموضوع و للكل السلام و التحية

**otefa** · 11-04-2011 08:14 PM

المشاركة الأصلية كتبت بواسطة ahmedjumpo

استاذ اوتيفا

هو صباعك موجعكش من كتر رفعه طبعا انا بهزر معاك
هههههههههههههههههههههههه

دماغي وأيديا ألي وجعتني من كتر تكرار الحوارات وعلشان كده بأستسهل بتأيد الأراء ألي متفق معاها

ههههههههه
أصلي بيني وبينك يا أستاذ أحمد وزي نسبة لايستهان بها من المهندسين(تعليم عملي) مالناش في الدش الجامد عنينا بتبقى على نقاط واضحة جوهرية بمعنى لو كام نقطة ضربو السيناريو أو التحليل ما يهمنيش أي شعارات و توابل وتذويق يتضاف على الحوار مابكلش بالأونطة
تحياتي

**A.Saad** · 11-04-2011 08:36 PM

المشاركة الأصلية كتبت بواسطة ahmedjumpo

:u_thin1[1]::u_thin1[1]::u_thin1[1]::u_thin1[1]::u_thin1[1]::u_thin1[1]::u_thin1[1]:
بصراحة رد حضرتك غير متوقع ,يعنى انا كنت متوقع ان الرد ده كان هيكون نقطة فى ردك بما ان الموضوع الاساسى كان هدفه مناقشة دور المشير فى الوقت الحالى و عدم كفاءة ادارته و كنت منتظر من حضرتك ان تقول ما النقاط التى اتفقت معها و ما التى اختلفت معها و اسباب الاختلاف
اطلاقاً عزيزى
الموضوع سيناريو تخيلى لو حصل اقالة للمشير
مش هدفه مناقشة دور المشير خالص

عموما ارد على حضرتك فى نقطة لماذا رئيس الوزراء
الهدف من الفكرة ديه حاجات كثير منها
* سهولة قيام رئيس الوزراء بمحاسبة الفاسدين و القبض عليهم و تقديمهم لمحاكمات دون اى نوع من الخوف او الاحراج بعكس المجلس العسكرى الذى يرتبط بصداقات مع بعض المسئولين القدامى و كان يدين بالولاء و القسم للرئيس السابق
* رئيس الوزراء رجل مدنى عنده القدرة على التواصل مع كل اطياف الشعب ويستطيع ان يتقبل كل الافكار عكس الطبيعة العسكرية التى تعودت على الاوامر و التفرد فى اتخاذ القرارات و الضيق من توجيه الانتقادات
* حل اشكالية المجلس العسكرى و اختيار رئيسه لان فى هذه الحالة سيصبح هناك وزير دفاع و هو جزء من حكومة يرأسها رئيس وزراء
* سهولة و سرعة اتخاذ القرارات لان رئيس الوزراء سيأخذ القرارات و ينفذ دون الرجوع لمجلس عسكرى هو غير مختص بالقرارات المدنية و لكنه اصبح مسئول عنها و لابد ان يفهمها قبل اصدارها
* ابعاد المجلس العسكرى من ان يكون فى خط مواجهة مباشرة مع الشعب و بالتالى عدم الاصطدام معاه
* نقطة تاريخية و نفسية و هى بخصوص الشرطة و التى ترى انها تأخذ اوامرها من الجيش و ده بسيبب لهم ضيق اما فى حالة رئيس الوزراء سيكون كل من الداخلية و الدفاع مرؤسين و تصبح العلاقة بينهم علاقة تعاون و مساعدة
* فى العلاقات الخارجية دائما ما تفضل الدول الاجنبية و مؤسساتها التعامل مع متخذ قرار مدنى و لا تفضل التعامل مع العسكريين
هذه اسباب طبعا تقبل الاتفاق او الاختلاف و لكنى اعتقد انها الى حد كبير معقولة و فى انتظار اراء حضرتك سواء فيها او فى المشاركة السابقة بخصوص المشير
و تحياتى لحضرتك

رئيس الوزراء دلوقت اللى عينه المجلس
هل المجلس يعينه ويبقى تحت امره ..........؟؟؟؟؟؟؟؟؟
كمان
هل ننتخب سيادته ولا ايه
لو عملت كدة لاحظ انه :
خليت النظام من رئاسى لبرلمانى دون استفتاء على ذلك
الامور الجديد لو جه معلهوش اى رقابة
حتى المجلس هيبقى تحت امره
كمان هو عارف انه شوية وبخ يبقى ممكن يبوظ البلد علشان يريح نفسه
يعنى مفيش فلوس ........ اطبع او اقترض
او هيسعى انه يجيب رئيس يدين له بالولاء علشان يفضل فى منصبه
ثم ان موضوع تعيين رئيس وزراء بعيد عن اقالة المشير
لان المشير فى المجلس العسكرى ومش تعيين رئيس الوزراء اللى هيحل موضوع اقالته
شكرا على المرور

**Mzeid** · 11-04-2011 09:25 PM

أحمد بيه سعد أنا أحييك بشدة

**otefa** · 11-04-2011 09:58 PM

المشاركة الأصلية كتبت بواسطة ahmedjumpo

لا حضرتك ما شاء الله شغال تأييد و نسخ روابط يا استاذى ده انا بحس انك بتتعب من كتر التأييد ههههههههههههههههههههههههه هههههه
على العموم ممكن اتعرف على حضرتك هو حضرتك تخصصك ايه و هندسة ايه و دفعة كام
على فكرة العبد الله مهندس مدنى دفعة 2003 جامعة القاهرة
و تحياتى لحضرتك

شرف ليا
عمارة ياهندسة دفعة 1992.....قرايب يعني
تحياتي لحضرتك

**ahmedjumpo** · 11-04-2011 10:20 PM

المشاركة الأصلية كتبت بواسطة otefa

شرف ليا
عمارة ياهندسة دفعة 1992.....قرايب يعني
تحياتي لحضرتك

الشرف ليا يا هندسة
ممكن استفسار من حضرتك و لو مفيهاش مضايقة و بعد اذن صاحب الموضوع
فى زميل نفس دفعتى 2003 جايله عمل بالكويت فى مكتب استشارى و كان عايز يعرف الراتب المعقول يكون كام مع العلم ان الاقامة و السكن و الانتقالات على الشركة
و ما ظروف الاحوال المعيشية لانه كان سألنى ولكنى عندى فقط فكرة عن السعودية

-

الموضوع: لمؤيدى اقالة المشير .......... اقنعونى لاقتنع

LinkBack

أدوات الموضوع

عرض

-

-

-

-

-

-

-

-

المواضيع المتشابهه

لماذا تريد اقالة وزير الداخلية

اقالة رئيس الغرفة التجارية ... خبر هام

انا بافكر فى مشروع مربح ومميز تعالو اقنعونى

الكلمات الدلالية لهذا الموضوع

المفضلات

المفضلات

ضوابط المشاركة