الموضوع: لمؤيدى اقالة المشير .......... اقنعونى لاقتنع

المشاركة الأصلية كتبت بواسطة a.saad

لمؤيدى اقالة المشير .......... اقنعونى جتيز اقتنع
والموضوع جاد مش سخرية ولا هزار

دلوقت الكلام على ان التباطؤ فى المحاكمات سببه المشير والمفروض من وجهة نظركم ان المشير يقال علشان المحاكمات تسرع
عايز اعرف الاتى :-

1- ليه المشير شخصياً ، مش القاضى اللى بيأجل او يصدر الحكم ............. هل المشير ادى تعليمات بكدة
وللناس اللى لسه ماتحكموش ,,,,,,,,,,,, مش وكيل النيابة او رئيسها هو اللى بيحقق
هل المشير ادى تعليمات بتأجيل المحاكمات

2 - ليه المشير مش المجلس العسكرى كله ............... مش جايز يكون فيه مؤامرة منهم عليه علشان يشيلوه

3 - ايه الية او طريقة تعيين رئيس للمجلس الاعلى بعد اقالة المشير
هل هيتم التعيين من داخل المجلس ولا من خارجه
ومن اى سلاح
وبالانتخاب ولا التعيين
ولو بالتعيين
مين اللى هيعين
ولو بالانتخاب
مين اللى هينتخب
الشعب ولا الجيش
لو الشعب : هنعرف ازاى الراجل الجديد ، هل هيكون ليه برنامج انتخابى وهل فيه اشراف قضائى على الانتخابات
وهل الشعب اللى هيحدد المرشحين ولا الجيش
وايه رد الفعل اللى الشعب ياخده لو حس بتزوير فى الانتخابات او ان الجيش بيفرض مرشحين محددين
ولو الجيش
اى رتب ومن اى اسلحة وازاى
وهل هيكون فيه اشراف قضائى على الانتخابات : مهو يعتبر رئيس الدولة دلوقت

انت راجل محترم والله

الهدف ليس اقالة المشير يا سيدي

ولكن الهدف ان الاخوة الطبخوا الطبخة حاسوا ان المجد والسلطة والتاريخ رايحين للجيش وهم يا عيني مش هاينوبهم غير شوية احزاب خايبة اضعف من الاحزاب السابقة ولو لحقوا كرسي في مجلس الشعب يبقى رضا

عشان كده تلاقي اصواتهم عالية
(( مجلس رئاسي ... مجلس رئاسي ))

طيب على أي اساس ومين هايختاره ومين هايعينهم ولمدة قد ايه؟ ما تلاقيش رد

وطبعا لما تلاقي البرادعي يقولك انا ممكن اكون في مجلس رئاسي ومش هاترشح لرئاسة الجمهورية
يبقى لازم تقلق وتقول هو الاهداف ليه قصيرة الامد مش بنبص لقدام وللحل الدائم
انا مش باقصد البرادعي شخصيا انا باقصد التوجه العام للقوى المطالبة بالمجلس الرئاسي
وهم قله ذات صوت عالي

هو ده مربط الفرس

وسيبك من كل الهجص الباقي