موقف المجلس "الأعلى للقوات المسلحة" محتاج لتفسير

**م.احمد زكريا** · 10-04-2011 11:11 AM

المشاركة الأصلية كتبت بواسطة moe86

واضح ان فى صفقة حصلت لتنحى مبارك مقابل تأمينه و عدم محاكمته, طبعا الكلام دة مش موثق و مؤكد, بس لو أى حد طبيعى شغل مخه هيكتشف الكلام دة, و دة ببساطة نفس اللى حصل فى تونس قبلينا على طول

طيب مبارك مشى بقاله شهرين, بس فى حاجات محتاجة تفسير:
ليه قانون الطوارئ لسة ما اتلغاش ؟

أنت مش ملاحظ ان البلد في حالة طوارئ ( مفيش دولة والجيش في الشارع ... ديه حالة طوائ )

ليه قتله المتظاهرين ما اتحاسبوش ؟

في وزير داخلية ومساعدية في السجن وجاري التحقيق والمحاكمة

ليه ظباط أمن الدولة اللى عذبوا الألوف و موتوا المئات ما اتحاسبوش ؟ دة غير انهم حرقوا أغلب المستندات, بس لسة فى بلاوى و مقابر سرية و غيره

الإتعذب او اتهان في امن الدولة يروح يقدم بلاغ في الظابط العذبه أو أهانه

لية الوزاراء متغيروش لحد دلوقتى ؟

مافيش حد من الوزاء القدام غير وزير الكهرباء والباقي جديد × جديد

لية رؤوساء الصحف اتغيروا الإسبوع اللى فات بس يوم الخميس قبل المظاهرات ؟
لية رؤوساء الجامعات اللى كلهم فى الحزب الوطنى و أمن الدولة معينهم ما اتغيروش ؟
ليه "الثلاثى المرح" مبدأتش التحقيقات معاهم غير الخميس اللى فات قبل مظاهرات الجمعة برضو ؟
ليه مبارك و ولاده و بقية الشلة ما اتحاسبوش لحد دلوقتى ؟

ديه معاك فيها وان كان اكيد قبل ما يصدر قرار القبض لازم يبقى فيه ادلة قوية ومستندات مش تقلارير صحفية وكلام على القهاوي

لية الموظف بيقبض 400 جنيه فى الشهر و رئيس الجامعة بيقبض نص مليون لحد النهاردة ؟!

وانت فاكر ان الموظف هايقبض 1200 جنية ورئيس الجامعة 3000 جنيه
يبقى بلاها

و أسئلة تانية كتييييييييييييييييييير

هتقولى الحاجات دى محتاجة تقارير و تفحيص و بتاع ؟ هقولك احنا 80 مليون مواطن, هتبقى معضلة لو جبنا منهم 1000 واحد بس نعينهم لإدارة الهيئات المختلفة ؟ الموضوع دة مش هياخد أكتر من اسبوع واحد بس, و ممكن نعمل انتخابات برضو للتعينات دى مش صعبة خالص خالص

مش بالسهولة الأنت فاكرها ..... ثم ان كل شيئ في وقته وبالتدريج

و كل يوم نشوف فى التلفزيون و نقرى فى الجرايد عن فلان هرب, فلان هرب كام مليار فى طيارة خاصة, فلان حرق كل المستندات فى شركته من "ماس كهربائى"!
إذا كل يوم فى أدلة بتتدمر و أشخاص بيهربوا من العدالة و فلوسى و فلوسك بتتسرق, أكتر من اللى اتسرق
عندك استعداد تفرط فى حقك و حق عيلتك و أصحابك ؟ أنا بتكلم على حقك المسروق 30 سنة فى التعليم و الصحة و النظافة و أى حاجة تانية ؟

طيب إيه رأيك ان البلد مش بتتسرق من يوم 11 فبراير ومش هاتتسرق تاني اكيد الدولة هايدخلها فلوس كتيييير
فين الفلوس .... مافيش ... لأن مافيش إنتاج ... مافيش سياحة .... مافيش استيراد ولا تصدير ... وطبعا مافيش لا استقرار سياسي ولا أمني ..... يبقى مافيش فايدة من الثورة

الجيش موقفه بطىء و محير تماما

ليه عمل استفتاء على 9 مواد فى الدستور و قسم الشعب نصين و بعدين عمل اعلان دستورى و نزل حوالى 60 ماده على مزاجه ؟

معاك إن نعم زي لا مافيش فرق حصل

أنا مش بوقع و بقول الجيش عميل و بطالب بفوضى فى البلد
الجيش من الشعب, يعنى ظابط الجيش يبقى أخويا و أبويا و قريبى
المقصود قيادات الجيش, و أنا بقصد المشير طنطاوى و أغلب أعضاء المجلس العسكرى
مش مبارك المخلوع هو اللى معينهم ؟ و طبعا ولائهم ليه ولا مبارك أهبل و كان معين أى أشخاص و خلاص ؟
و مش لازم ننسى ان الشعب هو اللى قام بالثورة, مش الجيش زى ما حصل فى ثورة 52, و الجيش دلوقتى يعتبر معين من الشعب لإدارة شئون البلاد, لية بقى الجيش بيتمنن علينا كدة ؟

ومش لازم تنسى إن لولا الجيش كان زمان الرجالة لسة نايمة في التحرير لحد انهاردة

وكان زمان البلد حالها بقى أسواء مما يؤدي لزيادة الاصوات الضد المظاهرات وبقى ميدان مصطفى محمود ضد ميدان التحرير بجد

وكنا هانبقا زي اليمن .... والسيناريو الاسوأ نكون زي ليبيا وان كان ده مستبعد

الجيش هو النجح الثورة

و اللى خلانى أستغرب أكتر و أكتر اللى حصل امبارح فى التحرير و راح ضحيته مصابين و قتلى, مش ممكن تكون دى محاولة علشان نتلهى عن محاكمة الرئيس الخلوع ؟ و لا علشان فى ظباط انضموا للمتظاهرين؟

في شيئ اسمه حظر تجول من الساعة 2 إلى الساعة 5 صباحا
وغلطة الجيش انه ما طبقش الحظر بجدية من اول يوم عشان كدة الناس خدت على الدلع والاستهانة بالحظر

ظباط جيش خارجين عليه أو مفصولين ونازلين بالزي العسكري
من حق الجيش ان حاكمهم عسكريا او يقضي عليهم او يعمل الهو عايزه لأن المؤسسة العسكرية ليها قواعدها وقوانينها وليس لأحد الحق التدخل فيها ... وحدوث انشقاق في الجيش في الوقت الحالي اخطر ما يهدد مصر

والجيش مش محتاج يلهيك عن حاجة هو العملها وهو الأعلن عنها 100 مرة

أنا بستفسر والله و عايز حد يجاوبنى على أسألتى , بس اجابات مقنعة مش يقولى احتمالات ضعيفة "ان شاء الله يحصل كذا" و الكلام دة
فى ناس عارفانى كتير فى المنتدى من زمان و موقفى ثابت من 25 يناير لحد النهاردة و كنت بنزل كل المظاهرات و أنا مش فى أى أحزاب ولا معايا أجندات!

و هسيب بس حاجتين كدة برضو عايز رأيكم فيها

http://www.almasryalyoum.com/node/393064
الخبر دة على أساس اننا هنود ؟ رجعنا تانى لعصر الكنتاكى و اليورو و الأجندات ؟

زي ما هو من حقك تتظاهر او تعتصم .... من حق المحلات والشركات والمكاتب وجميع المصالح في ميدان التحرير إنها تعمل بشكل طبيعي .... ومن حق اي انسان انه يروح الميدان يخلص مصالحة سواء في المجمع او اي جهة موجودة في الميدان ... لكن تعطيل حركة الحياه بدون سبب واضح ومقنع غير مقبول ويجب الرد بحزم على هؤلاء

ثم ان موضوع الاجانب ده وارد جدا .... راجع خبر القبض على شبكة تجسس اسرائيلية اثناء الثورة ... وعلى فكرة وجود اجانب او ايرانيين في التحرير من 25 يناير مش كله كذب فيه شيئ من الصحة
ايه اليثبت انه كذب زي ما هو مافيش اثبات انه صحيح

و دى شهادة واحدة هناك و الله أعلم فى صحته
[youtube]http://www.youtube.com/watch?v=0wrkijpdqne&feature=player_embedded#at=305[/youtube]

للاسف مش عارف اشوف الفيديو

**hobiko** · 10-04-2011 12:43 PM

المشاركة الأصلية كتبت بواسطة adelseliem

التسلسل للأجراءات

الجهات الرقابيه أو شكاوى من أشخاص للنائب العام

النائب العام يدرسها ولو طلعت صح بيحولها للمحكمه علشان تحكم بتجميد الأموال والمنع من السفر ( لازم أمر المحكمه)

المحكمه لو أطمنت للمستندات المقدمه بتأمر بالتحفظ والأحاله للمكمه المختصه

القضاه بيحققوا فيها ويصدروا حكم

اللى المجلس بيعمله أنه يحطه تحت الأقامه الجبريه علشان ميهربش لغاية ما النائب العام يصدر قرار الأحاله ( زى ما حصل مع صفوت الشريف ) وده مش قانونى بس متقدرش تسبته ومتقدرش تخالفه

القبض على أبراهيم كامل لأنه محول للمحكمه العسكريه بأعمال شغب ضد القوات المسلحه

و اللى قتلوا المتظاهرين ...... و اللى دبروا موقعة الجمل ...... و القناصة ....... دول ماينفعش يتحولوا للمحكمة العسكرية ؟؟؟؟؟؟؟؟

بص انت باصص لقشور الموضوع ...... مش باصص للى ورى الموضوع ...... حتى المقال اللى كاتبه احد المقربين لمجلس الوزراء مانقشتوش ......

حضرتك مقتنع برأى واحد و ما عندكش استعداد يتغير .....

عليك و على ميدان مصطفى محمود

**adelseliem** · 10-04-2011 01:03 PM

المشاركة الأصلية كتبت بواسطة hobiko

و اللى قتلوا المتظاهرين ...... و اللى دبروا موقعة الجمل ...... و القناصة ....... دول ماينفعش يتحولوا للمحكمة العسكرية ؟؟؟؟؟؟؟؟

بص انت باصص لقشور الموضوع ...... مش باصص للى ورى الموضوع ...... حتى المقال اللى كاتبه احد المقربين لمجلس الوزراء مانقشتوش ......

حضرتك مقتنع برأى واحد و ما عندكش استعداد يتغير .....

عليك و على ميدان مصطفى محمود

أبص للقشور أو للب الموضوع مش مشكلتك
أنا مطلبتش منك تغير رأيك ومكنتش بتناقش علشان لازم تغير رأيك
أن كنت فاكر أننا بنتناقش
لكن لو أخر الحوار تقولى يلا على مصطفى محمود ممكن أقولك معلومه بسيطه

أنا مروحتش ميدان مصطفى محمود قبل كده
ومروحتش ميدان التحرير ولا مره من أول 25 يناير لغاية دلوقت
ولا قولت نعم ولا قولت لأ ومروحتش الأستفتاء من أساسه

ومش فارقه معايا أنك تغير رأيك أو لأ

ومش محتاج أتناقش معاك تانى لأن ده مش أسمه مناقشه و أنا محبش أسلوب الحوار ده

**tamer_a7** · 10-04-2011 01:28 PM

المشاركة الأصلية كتبت بواسطة hobiko

و اللى قتلوا المتظاهرين ...... و اللى دبروا موقعة الجمل ...... و القناصة ....... دول ماينفعش يتحولوا للمحكمة العسكرية ؟؟؟؟؟؟؟؟

بص انت باصص لقشور الموضوع ...... مش باصص للى ورى الموضوع ...... حتى المقال اللى كاتبه احد المقربين لمجلس الوزراء مانقشتوش ......

حضرتك مقتنع برأى واحد و ما عندكش استعداد يتغير .....

عليك و على ميدان مصطفى محمود

هو دا راي حضرتك ان اي حد مخالف للراي يطلع علي ميدان مصطفي محمود
لا حول ولا قوه الا بالله
بالله عليكم ما تخسروش الناس اكتر من كده والا والله ممكن في يوم من الايام القادمه تلاقي مليونيه بس المره دي في مصطفي محمود

**tamer_a7** · 10-04-2011 01:31 PM

المشاركة الأصلية كتبت بواسطة enas75

لا اوافق عليها والاسباب كالتالي
مهما كان تباطؤ الجيش ممكن يكون للاسباب نحن لا نعلمها لكني لا اعتقد اطلاقا انه بيشتغل ضد البلد نهائيا وده الفيصل المهم مصلحه مصر اهم من اي طلبات قد تكون في ظاهرها مشروعه ولكنها تنافي القانون وتؤدي بنا الي نظام جديد قائم علي انت معايا تبقي صح ضدي تستاهل الحرق(من الاخر حسني مبارك جديد)
انه دي اخر مؤسسه منظمه في مصر ومهمتها مؤقته لمده شهور يبقي مالوش لازمه البلبله ونركز في الانتخابات البرلمانيه والرياسيه احسن
اني مشفتش ظابط جيش شريف ومحترم ضد طنطاوي وموافق علي اعتصامات دلوقتي كلهم بيقولو الحساب بعدين حين تستقر البلد
اني مشفتش حد من الثوار او الاخوان المسلمين او حتي البرادعي موافق عليها يبقي مين الناس دي اصلا وبتتكلم باسم مين
اني مقتنعه ان هناك بعض الفئات عارفه كويس انه لما المولد ينفض حتخرج خاليه الوفاض...فبتحاول تعمل بلبله ودوشه لعلها تستطيع ان تنول قطعه من التورته( مصالح شخصيه من الاخر وليس مصلحه البلد)
اني مقتنعه ان هناك من لايرغب ايضا في ان البلد تهدي ...وان الناس ترجع تترحم علي النظام البائد ..زي ماكان فيه فيديوهات واحده قاعده تقول حسني والعادلي كانو ارحم من الجيش .....وانضم اليهم الفئه اللي ذكرتها سابقا
...............
عندي اسباب بصراحه كتيير بس ده جزء منها

ولا ابلغ ولا اجمل من هذا الرد للزميله العزيزه في مشاركه في موضوع اخر

**hobiko** · 10-04-2011 02:49 PM

المشاركة الأصلية كتبت بواسطة adelseliem

أبص للقشور أو للب الموضوع مش مشكلتك
أنا مطلبتش منك تغير رأيك ومكنتش بتناقش علشان لازم تغير رأيك
أن كنت فاكر أننا بنتناقش
لكن لو أخر الحوار تقولى يلا على مصطفى محمود ممكن أقولك معلومه بسيطه

أنا مروحتش ميدان مصطفى محمود قبل كده
ومروحتش ميدان التحرير ولا مره من أول 25 يناير لغاية دلوقت
ولا قولت نعم ولا قولت لأ ومروحتش الأستفتاء من أساسه

ومش فارقه معايا أنك تغير رأيك أو لأ

ومش محتاج أتناقش معاك تانى لأن ده مش أسمه مناقشه و أنا محبش أسلوب الحوار ده

انت فهمت الموضوع غلط على فكرة و أخدته على محمل تانى ....... انا مش قصدى كل ده

انت بس بتسيب نقط اساسية جدا ...... و تمسك فى نقط فرعية جدا ..... من وجهة نظرى على الأقل

فيه خلط جامد اوى عند حضرتك ...... بين المظاهرات المليونية ايام الجمع ...... و بين الأعتصام فى الميدان و الأحتكاك بالجيش

انا بدافع عن حقنا فى التظاهر ايام الجمع مع عدم الأعتصام و المبيت ..... للضغط على المجلس العسكرى و لا اطالب اقالة اى فرد من افراده

واضحة كده ..... يبقى انا مش مؤيد للأعتصام ..... ولا اقالة المشير ..... ولا تفتيت الجيش ..... ولا هبل الظباط اللى راحوا التحرير بزيهم العسكرى ..... اول مرة اشوف انقلاب بيتعلن عنه فى facebook !!!!!!

و انا كمان ضد التصرف العنيف من الجيش ..... مش عشان انا مع المعتصمين و بحبهم ..... لأ ...... بس عشان الدم بيجيب دم ..... والعنف بيولد عنف ..... و انه كان فى ايد المجلس العسكرى مايوصلش الأمور لكده من الأول

بالتالى انا لما بتناقش معاك ..... وانت مصر تدخل الموضوعين فى بعض ...... المظاهرة و الأعتصام ..... و ان اللى دعا للمظاهرة (كل القوى السياسية تقريبا حتى السلفيين) هو المسئول عن الأعتصام و هو المسؤول عن حدوث المواجهة بين المعتصمين و الجيش ...... ده خلانى احس انه مافيش فايدة من النقاش ...... و ان حضرتك واخد موقف من الثورة نفسها ..... و ان مهما اتناقشنا مافيش فايدة

لو حضرتك تحب تفصل بين الأمرين ...... اهلا و سهلا بحضرتك ..... ولو حضرتك مصر على تحميل المسؤولية على اللى دعوا للمظاهرة ..... بيتهيئلى حيبقى صعب النقاش

تحياتى

المشاركة الأصلية كتبت بواسطة tamer_a7

هو دا راي حضرتك ان اي حد مخالف للراي يطلع علي ميدان مصطفي محمود
لا حول ولا قوه الا بالله
بالله عليكم ما تخسروش الناس اكتر من كده والا والله ممكن في يوم من الايام القادمه تلاقي مليونيه بس المره دي في مصطفي محمود

هى ميدان مصطفى محمود دى سبة مثلا ؟؟؟؟؟ ده مكان للتعبير عن الرأى زى ميدان التحرير بس عشان احنا حاجزين التحرير فالفاضى دلوقتى هو مصطفى محمود

و يا فندم احنا مش بنخسر الناس ..... بس لو فيه حد مصر يحملنا ذنب مش ذنبنا ...... وان كل ماتحصل مصيبة نبقى احنا السبب فيها ....... المفروض اتصرف ازاى ؟؟؟؟

بالنسبة برضو للناس ..... فى ناس كتير قادرة تفصل بين الأمرين ..... مش مدخلة الدنيا فى بعضيها

تحياتى

**adelseliem** · 10-04-2011 03:29 PM

المشاركة الأصلية كتبت بواسطة adelseliem

الأول أسأل القضاء على الأسئله دى ولو قال دى تعليمات المجلس الأعلى ننزل كلنا التحرير

المشاركة الأصلية كتبت بواسطة hobiko

يا ريت تقولى حضرتك القضاء كان المفروض يعمل ايه ....... هو اللى بيحدد اقامة الناس و يراقبهم ...... ولا هو اللى يقدر يعمل زى ما عمل المجلس العسكرى اللى طلع بيان بالقبض على ابراهيم كامل ؟؟؟؟؟؟

المشاركة الأصلية كتبت بواسطة adelseliem

التسلسل للأجراءات

الجهات الرقابيه أو شكاوى من أشخاص للنائب العام

النائب العام يدرسها ولو طلعت صح بيحولها للمحكمه علشان تحكم بتجميد الأموال والمنع من السفر ( لازم أمر المحكمه)

المحكمه لو أطمنت للمستندات المقدمه بتأمر بالتحفظ والأحاله للمكمه المختصه

القضاه بيحققوا فيها ويصدروا حكم

اللى المجلس بيعمله أنه يحطه تحت الأقامه الجبريه علشان ميهربش لغاية ما النائب العام يصدر قرار الأحاله ( زى ما حصل مع صفوت الشريف ) وده مش قانونى بس متقدرش تسبته ومتقدرش تخالفه

القبض على أبراهيم كامل لأنه محول للمحكمه العسكريه بأعمال شغب ضد القوات المسلحه

المشاركة الأصلية كتبت بواسطة hobiko

و اللى قتلوا المتظاهرين ...... و اللى دبروا موقعة الجمل ...... و القناصة ....... دول ماينفعش يتحولوا للمحكمة العسكرية ؟؟؟؟؟؟؟؟

بص انت باصص لقشور الموضوع ...... مش باصص للى ورى الموضوع ...... حتى المقال اللى كاتبه احد المقربين لمجلس الوزراء مانقشتوش ......

حضرتك مقتنع برأى واحد و ما عندكش استعداد يتغير .....

عليك و على ميدان مصطفى محمود

المشاركة الأصلية كتبت بواسطة adelseliem

أبص للقشور أو للب الموضوع مش مشكلتك
أنا مطلبتش منك تغير رأيك ومكنتش بتناقش علشان لازم تغير رأيك
أن كنت فاكر أننا بنتناقش
لكن لو أخر الحوار تقولى يلا على مصطفى محمود ممكن أقولك معلومه بسيطه

أنا مروحتش ميدان مصطفى محمود قبل كده
ومروحتش ميدان التحرير ولا مره من أول 25 يناير لغاية دلوقت
ولا قولت نعم ولا قولت لأ ومروحتش الأستفتاء من أساسه

ومش فارقه معايا أنك تغير رأيك أو لأ

ومش محتاج أتناقش معاك تانى لأن ده مش أسمه مناقشه و أنا محبش أسلوب الحوار ده

المشاركة الأصلية كتبت بواسطة hobiko

انت فهمت الموضوع غلط على فكرة و أخدته على محمل تانى ....... انا مش قصدى كل ده

انت بس بتسيب نقط اساسية جدا ...... و تمسك فى نقط فرعية جدا ..... من وجهة نظرى على الأقل

فيه خلط جامد اوى عند حضرتك ...... بين المظاهرات المليونية ايام الجمع ...... و بين الأعتصام فى الميدان و الأحتكاك بالجيش

انا بدافع عن حقنا فى التظاهر ايام الجمع مع عدم الأعتصام و المبيت ..... للضغط على المجلس العسكرى و لا اطالب اقالة اى فرد من افراده

واضحة كده ..... يبقى انا مش مؤيد للأعتصام ..... ولا اقالة المشير ..... ولا تفتيت الجيش ..... ولا هبل الظباط اللى راحوا التحرير بزيهم العسكرى ..... اول مرة اشوف انقلاب بيتعلن عنه فى facebook !!!!!!

بالتالى انا لما بتناقش معاك ..... وانت مصر تدخل الموضوعين فى بعض ...... المظاهرة و الأعتصام ..... و ان اللى دعا للمظاهرة (كل القوى السياسية تقريبا حتى السلفيين) هو المسئول عن الأعتصام و هو المسؤول عن حدوث المواجهة بين المعتصمين و الجيش ...... ده خلانى احس انه مافيش فايدة من النقاش ...... و ان حضرتك واخد موقف من الثورة نفسها ..... و ان مهما اتناقشنا مافيش فايدة

لو حضرتك تحب تفصل بين الأمرين ...... اهلا و سهلا بحضرتك ..... ولو حضرتك مصر على تحميل المسؤولية على اللى دعوا للمظاهرة ..... بيتهيئلى حيبقى صعب النقاش

تحياتى

تحياتى لك أولا

المناقشه كانت عن موضوع ليه الناس بتحمل المجلس الأعلى مسئولية تأخير المحاكمات

وقلت أسلوب التحقيقات أزاى فى القضاء

أنا متكلمتش عن المظاهرات خالص

وفى موضوع تانى قلت أن كل القوى السياسيه قالت مش هنعتصم يبقى مين المعتصمين دول

وفى موضوع أخر قلت طالما الأخوان هيشاركوا فده كويس لأنهم منظمين

يعنى محملتش المظاهرات مسئوليه الأعتصام

وما أتكلمتش عن المظاهرات فى الموضوع ده تحديدا خالص

يظهر حصل لبس لكن حصل خير

**تامر.محمد** · 10-04-2011 03:33 PM

سلام عليكم
انا عايز اطلب منكم يا اخوة ان النقاش يبقى فيه روح دردشة الاخوة مش تناطح الأعداء , بجد احنا محتاجين كده

أسف للتدخل و شكرا

**nevozaky** · 10-04-2011 03:34 PM

المشاركة الأصلية كتبت بواسطة م.احمد زكريا

للاسف مش عارف اشوف الفيديو

احييك باشمهندس احمد على رايك وتحليك وردك تقريبا على كل نقطة .اكيد كلنا مستعجلين على الوصول للحقيقة ومحاكمة الفاسدين .بس اكيد كله بوقته .ولازم ثقتنا فى القوات المسلحة تبقى اكتر من كده .تقبل تحياتى باشمهندس احمد .