الموضوع: موقف المجلس "الأعلى للقوات المسلحة" محتاج لتفسير

واضح ان فى صفقة حصلت لتنحى مبارك مقابل تأمينه و عدم محاكمته, طبعا الكلام دة مش موثق و مؤكد, بس لو أى حد طبيعى شغل مخه هيكتشف الكلام دة, و دة ببساطة نفس اللى حصل فى تونس قبلينا على طول

طيب مبارك مشى بقاله شهرين, بس فى حاجات محتاجة تفسير:
ليه قانون الطوارئ لسة ما اتلغاش ؟
ليه قتله المتظاهرين ما اتحاسبوش ؟
ليه ظباط أمن الدولة اللى عذبوا الألوف و موتوا المئات ما اتحاسبوش ؟ دة غير انهم حرقوا أغلب المستندات, بس لسة فى بلاوى و مقابر سرية و غيره
لية الوزاراء متغيروش لحد دلوقتى ؟
ليه رؤوساء المحليات ما اتغيروش ؟ و معروف ان الرشاوى شغالة زى الفل ؟
لية رؤوساء الصحف اتغيروا الإسبوع اللى فات بس يوم الخميس قبل المظاهرات ؟
لية رؤوساء الجامعات اللى كلهم فى الحزب الوطنى و أمن الدولة معينهم ما اتغيروش ؟
ليه "الثلاثى المرح" مبدأتش التحقيقات معاهم غير الخميس اللى فات قبل مظاهرات الجمعة برضو ؟
ليه مبارك و ولاده و بقية الشلة ما اتحاسبوش لحد دلوقتى ؟
لية الموظف بيقبض 400 جنيه فى الشهر و رئيس الجامعة بيقبض نص مليون لحد النهاردة ؟!
و أسئلة تانية كتييييييييييييييييييير

هتقولى الحاجات دى محتاجة تقارير و تفحيص و بتاع ؟ هقولك احنا 80 مليون مواطن, هتبقى معضلة لو جبنا منهم 1000 واحد بس نعينهم لإدارة الهيئات المختلفة ؟ الموضوع دة مش هياخد أكتر من اسبوع واحد بس, و ممكن نعمل انتخابات برضو للتعينات دى مش صعبة خالص خالص

و كل يوم نشوف فى التلفزيون و نقرى فى الجرايد عن فلان هرب, فلان هرب كام مليار فى طيارة خاصة, فلان حرق كل المستندات فى شركته من "ماس كهربائى"!
إذا كل يوم فى أدلة بتتدمر و أشخاص بيهربوا من العدالة و فلوسى و فلوسك بتتسرق, أكتر من اللى اتسرق
عندك استعداد تفرط فى حقك و حق عيلتك و أصحابك ؟ أنا بتكلم على حقك المسروق 30 سنة فى التعليم و الصحة و النظافة و أى حاجة تانية ؟

الجيش موقفه بطىء و محير تماما

ليه عمل استفتاء على 9 مواد فى الدستور و قسم الشعب نصين و بعدين عمل اعلان دستورى و نزل حوالى 60 ماده على مزاجه ؟

أنا مش بوقع و بقول الجيش عميل و بطالب بفوضى فى البلد
الجيش من الشعب, يعنى ظابط الجيش يبقى أخويا و أبويا و قريبى
المقصود قيادات الجيش, و أنا بقصد المشير طنطاوى و أغلب أعضاء المجلس العسكرى
مش مبارك المخلوع هو اللى معينهم ؟ و طبعا ولائهم ليه ولا مبارك أهبل و كان معين أى أشخاص و خلاص ؟

و مش لازم ننسى ان الشعب هو اللى قام بالثورة, مش الجيش زى ما حصل فى ثورة 52, و الجيش دلوقتى يعتبر معين من الشعب لإدارة شئون البلاد, لية بقى الجيش بيتمنن علينا كدة ؟


و اللى خلانى أستغرب أكتر و أكتر اللى حصل امبارح فى التحرير و راح ضحيته مصابين و قتلى, مش ممكن تكون دى محاولة علشان نتلهى عن محاكمة الرئيس الخلوع ؟ و لا علشان فى ظباط انضموا للمتظاهرين؟

أنا بستفسر والله و عايز حد يجاوبنى على أسألتى , بس اجابات مقنعة مش يقولى احتمالات ضعيفة "ان شاء الله يحصل كذا" و الكلام دة
فى ناس عارفانى كتير فى المنتدى من زمان و موقفى ثابت من 25 يناير لحد النهاردة و كنت بنزل كل المظاهرات و أنا مش فى أى أحزاب ولا معايا أجندات!

و هسيب بس حاجتين كدة برضو عايز رأيكم فيها


http://www.almasryalyoum.com/node/393064
الخبر دة على أساس اننا هنود ؟ رجعنا تانى لعصر الكنتاكى و اليورو و الأجندات ؟

و دى شهادة واحدة هناك و الله أعلم فى صحته
[youtube]http://www.youtube.com/watch?v=0wRkijPDqNE&feature=player_embedded#at=305[/youtube]

المشاركة الأصلية كتبت بواسطة adelseliem

الأول أسأل القضاء على الأسئله دى ولو قال دى تعليمات المجلس الأعلى ننزل كلنا التحرير

المشاركة الأصلية كتبت بواسطة hobiko

في حاجة اسمها أولويات ......

المفروض كان يبدأ (بعد التنحى مباشرة) بالفاسدين الكبار ....... من تحت مبارك على طول و انت نازل

طالبنا كتير ..... بتحديد اقامة الثلاثى المرح فى بيتهم مع مراقبتهم مراقبة دقيقة ..... لحد ما تخلص التحريات و التحقيقات .... لكن ولا حياة لمن تنادى ..... واحد فضل شغال فى الرياسة عادى ...... والتانى طلع هو مفجر ثورة 25 يناير ..... و التالت عايش حياته فى ميراج سيتى

ابراهيم كامل ...... ده بنتكلم عليه من أيام موقعة الجمل لدرجة ان كان عامل حديث فى قناة اخبارية اجنبية (سكاى نيوز على ما أذكر) يوم موقعة الجمل و هو بيحرض على ضرب المتظاهرين

دلوقتى بس الجيش عايز يمسكه

يا صباح الخير بالليل

يا ريت تقولى حضرتك القضاء كان المفروض يعمل ايه ....... هو اللى بيحدد اقامة الناس و يراقبهم ...... ولا هو اللى يقدر يعمل زى ما عمل المجلس العسكرى اللى طلع بيان بالقبض على ابراهيم كامل ؟؟؟؟؟؟

المشاركة الأصلية كتبت بواسطة hobiko

بعدين قضاء إيه ...... حضرتك مقرتش المقال كويس


أمام نائب رئيس الوزراء د . يحيى الجمل، وفى حضور وزراء التربية والتعليم، والعمل والهجرة، والخارجية.. سألت وزير العدل صديقنا المستشار محمد عبدالعزيز الجندى:

أين حسنى مبارك؟

قال: فى شرم الشيخ ولم يغادر مصر. وأين جمال؟ قال: معه فى شرم. وهل يتحركون براحتهم داخل الجمهورية، ويتصلون بمن يشاءون؟ قال: «معرفشى»!!

مين بقى إلي يعرف ؟؟؟؟؟

وسألته السؤال الأهم: ولماذا لا تحاكموهم هو، وابنه، وصفوت الشريف، وفتحى سرور، وزكريا عزمى بتهمة الفساد السياسى؟ أو على الأقل تقييدهم فى مكان محدد.. «كإقامة جبرية» بلا تليفونات أو أى وسائل اتصال، حماية للثورة؟

إيه رأيك في الكلام ؟؟؟؟؟ ولا نخليهم براحتهم في البلد

وجاءت إجابته صريحة وواضحة، عندما قال أمام الحضور:
«لا يوجد نص أو تشريع يجيز لى كوزير عدل، أو للنائب العام أن نحاكمهم كمفسدين، أو فاسدين سياسيين».. وبهذا لا نملك سوى تقديمهم لـ«المحاكمة» بأقصى سرعة بتهمة التربح، إذا أثبتت التحريات تضخم ثرواتهم بطرق غير مشروعة!!


يعني محاكمة عادية ..... مهما سرعناها لازم تاخد وقتها إلي متعارف عليه في مصر ...... دة غير المحامين الكبار و اللعب على ثغرات القانون

سألته: وما الحل لمحاكمتهم بتهمة «إفساد الحياة السياسية»، وتعريض أمن البلاد للخطر؟
قال وزير العدل: الحل الوحيد هو: إنشاء محكمة للثورة.. ليست كمحكمة ثورة ٥٢، التى ظلمت الكثيرين، لكن محكمة ثورة مشكلة من «قضاة»، ونيابة عامة لنضمن لهم محاكمة قضائية عادلة ونزيهة، تليق باسم ثورة ٢٥ يناير التى أذهلت العالم!!


فعلاً بلاش محاكم الثورة ...... دي وحشة و حتسجن الناس الطيبين ...... صفوت و زكريا و سرور و عبيد و جيمي

ولم أتركه يمضى قبل السؤال الأخير: ولماذا لم تشكلوا هذه المحكمة حتى نشفى غليل الشعب، ونريح الثوار، وترتاح أرواح الشهداء؟

قال: اسألوا المجلس العسكرى.. فالمجلس العسكرى وحده، ولا أحد غيره، هو صاحب الاختصاص، وهو الذى يملك اتخاذ هذا القرار!!

قلتلي بقى المفروض نحاسب مين ؟؟؟؟

قلت: ولماذا لم تطالبهم باتخاذ هذا القرار بصفتك «وزيراً لعدل مصر»؟

أجاب بابتسامته التى أعرفها جيدا: «يا عم محمود طالبوهم أنتم، فلربما يستمعون إلى أصواتكم»

أدينا بنحاول نواصل صوتنا بالمظاهرات


.. وتركنى أمصمص شفتى، وأضرب كفاً بكف.. وخرجت من مبنى مجلس الوزراء سيرا على الأقدام إلى «ميدان التحرير» أصرخ بأعلى صوتى: يا أيها «المجلس العسكرى» الموقر والمحترم.. لماذا لا تحاكمونهم؟..

تاني مرة عشان البيه ...... قلتلي بقى المفروض نحاسب مين ؟؟؟؟