الموضوع: انا نازل حالا اشترى اللوجان وعاوز حد يفدنى

مبروك مقدما و أهم حاجه إنك تشيل البلاستيك الأبيض و تفحص الصاج كويس علشان لو في ترييحه هنا ولا هنا و كمان أكد على الكوريك و الإستبن و آريال الراديو و وش الكاسيت و الطاسات و جرب المفتاحين.
وعلى العموم جرب كل حاجه فيها حتى التكييف جربه على السريع و أدخل أقرب بنزينه علشان تفول و تظبط ضغط الكاوتش و ربنا يوفقك بإذن الله و إبقى طمنا.

ركز علي غلق ة فتح الباب الخلفى يكن بصورة طبيعية
دور العربية و شغل الكاسيت عالي اوى علي اغنية فيها دبدبة جامدة علشان تلاحظ هل لمبة تحذير ان الابواب مفتوحى الي فى التابلوه بترعش و لا لا

الحمد لله انا اشتريت خلاص والله يبارك فيكم
ومتشكر على ردودكم بس للاسف كنت نزلت
بس على اى حال جزاكم الله كل خير على تفاعلكم واضافتكم الطيبة
بصراحة انا ماليش خبرة اوى في المواضيع دى فا سبتها على ربنا
بس همتكم معايا بقي في الترخيص بس قالولى ان لسه ليها ورق في التوكيل هيخلصوه واستلمه بعد يومين !!! ده اجراء عادى ولا ايه .؟
اما ملاحظانى اللى على العربية وطبعا عاوز اخد رأى حضاراتكم فيها
اول حاجة الماتور صوته عالى !
والفتيس بيهز كده شوية وكمان فيها رجة كده مع اول طلعة بس انما في المشي عادى رغم انى مامشتش بيها لسه كتير .
بس في حاجة لفتت نظرى اوى هى في جزء كده في العتبة في الباب اللى وارة لما بفتح الباب بتكون ظاهرة فاصل كبير بالعرض في العتبة من جوة وحتى قاطع في الكاوتش حتى سالت عليها قالى انها موجودة في كل العربيات روحت شوفت واحدة تانية لقيت نفس الخط ده فا مش عارف هل ده فعلا في كل اللوجان ولا ايه وعموما هبقي اصوره واورهولكم
انا شايف استاذ حسام ذكر ان في عده .؟ انا فتحت الشنطة سلمنى الاستبن والكوريك بس مكنش فيه شنطة عده وكمان كاوتش الاستبن فيه اختلاف بين باقي كاوتش العربية بس الماركة وكله واحد الاختلاف بس ان فيه خطوط ملونة على الكاوتش مش موجودة على بقية كاوتشات العربية ! اه وكمان الدهان بتاع المنطقة اللى فيها الكاوتش حواليه كده كانه ممسوح او كانت البوية خلصت مش عارف ده عادى بارضوة ولا ايه
وياريت لو في اى اضافات او نصايح للعربية او بالنسبة للتعامل مع العربية فاياريت محدش يبخل بيها ويارب مكنش بتقل عليكم وبكرر شكرى لحضاراتكم

الف الف الف مبروك يا باشا
و ربنا يباركلك فيها و يكفيك شرها ....
انا لسة مستلم العربية فى 26\1\2011
و بالنسبة لصوت الموتور انا سألت 4 من اصحابى معاهم لوجان قالو لى ان الصوت مش هيهدأ غير بعد فترة التلين بعد ال 5000 كيلو...
اما بالنسبة للهزة بتاعة الافتيس فدة الطبيعى و موجود فى كل اللوجان باس هيهدأ تدريجيا بعد ال 3000 كيلو
و هتحس كمان انا الأبواب الخلفية عاوزة تتريح شوية احب اطمئن حضرتك ان التو كيل بيظبتها فى صيانة ال 5000 كيلو (" ودى مجانية طبعا ")
و اول تسقيطة للزيت فى ال 10 الاف كيلو ....
و بالنسبة للفواصل اللى فى نهاية العتبة الخلفية دى طبيعية فى كل العربيات اللوجان حتى موجودة فى عربيتى
< و اى استفسار عن اى حاجة فى العربية انا تحت امرك >

خلي بالك راجع علي
1- الاستبن
2- مفتاح العجل
3- الكتالوجات
4-جراب الكاسيت
5-طاسات الكاوتش
6-شيل الاستيكي اللي علي العربية كلو
7-تقولهم يجيبولك شهادة بيانات
8-تشيك علي المية اللي في القربة علشان ساعات بيسلموها قليلة اوي
وربنا يباركلك فيها ويكفيك شرها