يا ريت كل واحد يشارك في الأستطلاع ده و يا ريت كمان يكون في ذكر أسباب
انا عن نفسي مش هصوت دلوقتي علشان ميبقاش فيه توجيه
يا ريت كل واحد يشارك في الأستطلاع ده و يا ريت كمان يكون في ذكر أسباب
انا عن نفسي مش هصوت دلوقتي علشان ميبقاش فيه توجيه
لأ طبعا لان اليومين دول الفتن شغالة بين الشعب والجيش بعد ما بدأوا ييئسوا من الفتن الطائفية الدينية والناس لو فكرت صح جزء كبير من نجاح الثورة بعد فضل الله عز وجل كان للجيش وضغطة على مبارك والنظام القديم والجيش لو كان ولائة لمبارك والنظام القديم كان مبارك اتمسك بالسلطة والجيش كان هيساعدة على فض المظاهرات بالقوة زى ما شفنا فى ليبيا وبنشوف فى اليمن اصحوا بقى يا عالم حرام عليكم لا تنساقوا وراء الشائعات فهى من تهدم المجتمعات
Up
up up
up up up
انا مش مع الاعتصام. بس مع المطالبة بالاقالة. في رأيي الشخصي التباطؤ والتواطؤ اللي شايفينه ده في محاسبة رؤؤس النظام السابق اساسه الناس اللي معينهم الرئيس المخلوع.
لأ مش معاه
حاليا مش من اولويات الثورة خالص مهاجمة المجلس العسكري خصوصا و ان سياسة الضغط بتجيب نتايج و لو حتى ببطء
لا اوافق عليها والاسباب كالتالي
مهما كان تباطؤ الجيش ممكن يكون للاسباب نحن لا نعلمها لكني لا اعتقد اطلاقا انه بيشتغل ضد البلد نهائيا وده الفيصل المهم مصلحه مصر اهم من اي طلبات قد تكون في ظاهرها مشروعه ولكنها تنافي القانون وتؤدي بنا الي نظام جديد قائم علي انت معايا تبقي صح ضدي تستاهل الحرق(من الاخر حسني مبارك جديد)
انه دي اخر مؤسسه منظمه في مصر ومهمتها مؤقته لمده شهور يبقي مالوش لازمه البلبله ونركز في الانتخابات البرلمانيه والرياسيه احسن
اني مشفتش ظابط جيش شريف ومحترم ضد طنطاوي وموافق علي اعتصامات دلوقتي كلهم بيقولو الحساب بعدين حين تستقر البلد
اني مشفتش حد من الثوار او الاخوان المسلمين او حتي البرادعي موافق عليها يبقي مين الناس دي اصلا وبتتكلم باسم مين
اني مقتنعه ان هناك بعض الفئات عارفه كويس انه لما المولد ينفض حتخرج خاليه الوفاض...فبتحاول تعمل بلبله ودوشه لعلها تستطيع ان تنول قطعه من التورته( مصالح شخصيه من الاخر وليس مصلحه البلد)
اني مقتنعه ان هناك من لايرغب ايضا في ان البلد تهدي ...وان الناس ترجع تترحم علي النظام البائد ..زي ماكان فيه فيديوهات واحده قاعده تقول حسني والعادلي كانو ارحم من الجيش .....وانضم اليهم الفئه اللي ذكرتها سابقا
...............
عندي اسباب بصراحه كتيير بس ده جزء منها
قلت لأ لأن ليس من أختصاص المدنيين محاسبه الفاسيدن فى الأداره العسكريه دا شان داخلى ليهم
ثم مش دا الوقت الصراحه اللى يتم فى دا احنا فى غنى عن حدوث انقسام داخل الجيش الأن
نسبة الرفض 93.33 %
قليل اوى لو لقيت حد موافق على الأعتصام ....... مش وقته خالص
المظاهرات السلمية المليونية ايام الجمع وسيلة فعالة للضغط على المجلس العسكرى ...... حتى لو بطيئة
معلش الجيش غلط وكمان غلطه كبيره لازم يحس ان حتي فيه امل ان الناس ممكن تتقلب عليهم
وان الثقه مش مطلقه
كمان جمال محضرش النهارده برغم التصريح انه سوف يتم اصدار امر بالقبض عليه (لاكن العذر كان موجود عدم القدره علي تامينه) ههههههههه
واولا واخيرا ده راي شخصي مش هيغير من الواقع شيء
اه لو الجيش رجع الثكنات العسكريه وساب البلد للفوضى حرااام الضغوط اللي بنمارسها على الجيش سيبوهم يشتغلوا
هناك معلومة أود أن أقولها وليس دفاعا عن أحد.
لو تم محاكمة مبارك بسرعة او بأي إجراء متهور، او أمام أي محكمة عسكرية، لن تستعيد مصر جنيه واحد من اموالنا بالخارج. وذلك لأن الدول الأوروبية كلها بلا إستثناء تشترط أن يكون هناك محاكمة عادلة كي تعيد أي اموال، بالإضافة أن بعض الدول ستشترط أن لا يحكم على مبارك بالإعدام و إلا لن يعطونا أمواله بالخارج.
هذا الكلام من قاضي من قضاة مصر المستنيرين و العهدة عليه ولكني أثق في شخصه الجليل جداً.
أنا صوت بـ لا. وذلك لأني أعتقد أن في ذلك إهانة و إذلال للجيش كله، و للمصريين عموماً، إذا أرادوا اقالته، فعلينا عمل إستفتاء شعبي على ذلك و ليحكم الشعب. و أصلا هناك بعض المناصب لايجوز عزل أي شخص منها ولا بإستفتاء ولا غيره. زي النائب العام مثلاً...لايمكن انه يقال حتى لو رئيس الجمهورية نفسه أمر بكدا لان القانون يحميه.
والله أعلم
كفاية بأه .. من فضل مشرف القسم إلغاء الموضوع
up
up up
up up p
لاااااااااااا........مهما كانت الأسباب والمبررات ولو ثبت صحتها كمان
الخسائر أكبر بكثير من المكاسب في حال الأستمرار بالأعتصامات والمساس بوحدة القوات المسلحة أي كان المبرر
أتفق مع رأيك تماما و يجب أن لا ننسى أيضا أن الأعداء المحيطيين بمصر كثر و نفسهم الجيش المصرى يتفتت علشان دولة من النيل للفرات أو حتى دولة الهلال الشيعى و كلاهما لا يريد مصر قوية أو مستقرة و طبعا كلاهما له كلابه التى تعوى داخل البلاد لتفريق الشعب المصرى و القضاء على وحدة البلاد:untitled 1:
مع انى مش عاجبنى اطلاقا اداء المجلس العسكرى والى بيحصل واضح..بس لحد دلوقتى انا مش مع تصعيد الموقف معاهم مع انهم السبب فى استفزاز الناس..لان موقفهم ساعات يظهر انه التفاف عالثوره وساعات يلتمس لهم اعذار..عن نفسي مش هجاوب دلوقتى على السؤال هجاوب بعد مده من اسبوع لاسبوعين من الان بعد ما اشوف رد فعلهم على التطورات الاخيره