انا متعود على 127 توب_ومتعود على قلة الأعطال_ورخص قطع الغيار_وبتسد فى أى حاجة_وأى حد بيشتغل فيها_دلوقتى انا قررت الخروج عن المألوف_وبفكر فى الآتى:بيجو 205_رينو 9 او 11_عربية ماتعديش 14-15 ألف بالكتير قوى قوى_ترشحولى أيه ياجماعة_انا اشتريت من التوب 3 عربيات_كل مرة بعد ما ببيعها_وأقرر اشترى حاجة تانية ارررجع تااااانى_واشترى 127 توب تانى!_بس زهقت بصراحة_ونفسى أغير بقى_بس بنفس الراحة والأعتمادية اللى انا متعود عليها
بالنسبه للرينو المبلغ اللى حضرتك كاتبه اعتقد مش حيجيب حاجه حالتها حلوة
وبالنسبه للصيانه هتكون اصعب من التوب بمراحل و مش اى حد يشتغل فيها زى التوب و برضه قطع غيارها اغلى
ولو ان الرينو ركوبها افضل من الفيات فى حاجات كتير
ربنا يوفقك
بالنسبة لبيجو 205 قطع غيارها كلها استراد وعدد محدود جدا شغال فيها لعدم انتشار العربية واسعار قطع الغيار غالية المستعملة طبعا عشان مش هتلاقيها عند اي حد من ناحية الاعتمادية هيا اعتمادية بس نصيحة متفكرش فيها هتندم
اقتباس:
المشاركة الأصلية كتبت بواسطة tyseer
يا خسارة_مع إنى بحبها بصراحة_خلاص هاشوف الرينو9 أو 11_أيه رأيكم
مفيش عربيه من دول هتريحك زي ال 127 التوب
انا فى عربية رشقت فى دماغى جدا_سيتروين ax_انا سمعت إن هى هى ال205_بس موديل أعلى!_ياترى دى معلومة صح
اللى اخد على العربيات السهلة لو ركب حاجة مش منتشرة هيطلع عينه، انت واخد انك تقف عند البقال تقول له ادينى طرمبة مية يلفها ويديهالك، تروح لبتاع الكشرى تقول له ادينى تيل فرامل يغرف ويديك، مش هتريحك العربيات اللى قطع غيارها بتتباع-ان وجدت- عند نفرين او تلاتة تلاقيهم مخبيينها فى مخازن سرية ولا تجار السلاح ولازم تقول لهم كلمة السر ومين اللى باعتك قبل ما يديلك قطعة الغيار اللى غالبا استيراد وطلعان عينها، خليك فى العربيات السهلة احسن
كل العربيات دى صعبة الصيانة
اقتباس:
المشاركة الأصلية كتبت بواسطة sab3aawy
طيب انا مش عارف اشترى أيه!_اتصرف لحد 16_وأشترى سيتروين ax_أهى موديلها عالى 95 مثلا_ولقيت قطع غيارها فى الحنين بردوا_ولا ارجع ادور على توب تانى بس حالة جامدة _انا لاحظت إن فرق فى قطعة الغيار 20-50 جنيه مابين التوب _او ال9 إو الax_وبعدين فرق حوالى 10 سنين فى الموديل_وموتور أقوى_وقطع غيار التوب الاصلية إستيراد_ونفس سعر الax تقريبا!_لأنى مش بعرف استرخص_وبجيب انضف حاجة
انا صرفت نظر عن ال205 خالص_حاجاتها غالية إستيراد بصراحة_وتعتبر موديل قديم بردوا_هى ممتازة طبعا_بس لحد غاويها_وبيحب يسقط ويعدل_انا راجل عملى ومابحبش اسقط ولا اعدل_كبيرى قوى جنط _واستيكرز بس_ان بحب الحاجة ستوك
هههههههههههههههههههه هموت من الضحك و الله, كلام جميل و معقول مقدرش اقول حاجه عنه :Oc_sun1[1]::16::16::16::16::16:اقتباس:
المشاركة الأصلية كتبت بواسطة sab3aawy
شوف المازدا 323 مو80-85يجيبوا واحدة نضيفة سيدان والهاتشباك اقل قطع غيارها مرمية وببلاش
هوندا سيفيك مو80-83 بس قطع غيارها زى الالمانى غالية انما بتعيش انما برضه ليها قطع غيار رخيصة تايوانى وصينى وكورى
والاسعار لن تتعدى المبلغ المرصود باى حال
انا بصراحة هاتجنن على رينو 11_انا درستها كويس جدا_قطع غيارها مش غالية للدرجة تقريبا نفس اسعار قطع غيار فيات الاصلية_او نفس سعر قطع غيار ريجاتا_وشكلها جميل بصراحة_أيه رأى الرجالة؟_ولو حد قدامة واحدة يقولى 9 او 11_مع إنى بحب شكل الليفت باك لل11 أكتر من ال9 سيدان
9 و 11 قطع غيارهم موجودة ورخيصة خصوصا فى القاهرة لان العربية دى شغالة تاكسى هناكاقتباس:
المشاركة الأصلية كتبت بواسطة i_am_legend
اللى شغالة تاكسى هى رينو 12 ونسختها الداتشيا وليس رينو 9 او 11
{اييى ان فكرة المازدا 323 فكرة ممتازة لو لقيت واحدة نضيفة
لو مش ال 323 فالستروين ايه اكس حاجتها موجودة وان كانت مش بنفس السهولة
البدائل الأخرى السهلة هى ال 128 والماروتى ( لو مش فارق معاك حجم السيارة ممكن تجيب ماروتى موديل قريب وصدقنى مش هتندم نهائيا لا فيما يخص الأداء او اسعار الصيانة وتوافر قطع الغيار)
اقتباس:
المشاركة الأصلية كتبت بواسطة sab3aawy
سبعاوى باشا حبيب قلبى_والله واحشنى من زمان وواحشتنى مشاركاتك_انا بكرة إن شاء الله_هانزل السوق وهاشوف ماروتى 94_او لادا سمارا_انا بميل اكتر لسمارا 2 باب _بصراحة شكلها شيك جدا_وقوية_انا شيلت من دماغى كل الفرنساوى مؤقتا_ومركز فى سمارا_او ممكن ماروتى لأن المبلغ حاكمنى بصراحة ومش هاقدر أزود عن 14 بالكتير قوى قوى