الموضوع: ايه رايك فى لوجو ( شعار ) محل برازيلى الجديد ..... إن شاء الله

حلو ياباشا و مبرك مقدمان ان شاء الله

المشاركة الأصلية كتبت بواسطة Ahmed A.Maksoud

اللوجو حلو ما شاء الله ناقصه بس حاجة تخلى اللى يشوف اللوجو يعرف أنه محل خاص بالسيارات.

ملحوظة تانية: الإعلانات التحارية ممنوعة على المنتدى بدون التنسيق مع الإدارة........خللى بالك بقى لا تقع فى المحظور :)

بالتوفيق إن شاء الله.

يا عم احمد شكرا على ملاحظاتك و ان شاء الله ح اخليها فى بالى ....... ثم ..... انا معملتش اعلان و انا فاهم القواعد كويس انا بس باخد راى اخوانى فى المنتدى فى تصميم اللوجو و ماقتليش عنوان و لا اسعار و لا حتى ماكنه او تليفونه .... ثم ..... اساسا المحل مش موجود على ارض الواقع حتى الان ........ دى مجرد تحضيرات ليه مش اكثر
اشكرك مرة اخرى

المشاركة الأصلية كتبت بواسطة Ros

حلو ياباشا و مبرك مقدمان ان شاء الله

شكرا يا باشا على ردك ربنا يباركلك يارب

حلو جدا بس اللوجو لا يدل علي (كلمة برازيلي الي هي سبيلنج البرازيل الي الوانها اخضر اصفر ازرق) ولا في حاجة ملفتة انه يخص العربيات زي ماقالوا الاخوة.... وعلي فكرة احنا مش بنقول انه وحش احنا عاوزينه في منتهي الشياكة ويكون سهل فهمه عشان لو اتشاف .. وربنا يتمم علي خير ان شاء الله ويرزقك

المشاركة الأصلية كتبت بواسطة Ahmed A.Maksoud

يا عم برازيلى و لا يهمك..........أنا قولت أحذرك بدل ما تكون مش واخد بالك.....لأن فى ناس كتير بتسجل فى المنتديات من غير ما تقرأ القوانين....كويس انك مطلعتش منهم.

يا عم احمد كلك ذوق و الله ......... و انا شاكر جدا لاهتمامك ........ اخوك احمد برازيلى

المشاركة الأصلية كتبت بواسطة haitham10

حلو جدا بس اللوجو لا يدل علي (كلمة برازيلي الي هي سبيلنج البرازيل الي الوانها اخضر اصفر ازرق) ولا في حاجة ملفتة انه يخص العربيات زي ماقالوا الاخوة.... وعلي فكرة احنا مش بنقول انه وحش احنا عاوزينه في منتهي الشياكة ويكون سهل فهمه عشان لو اتشاف .. وربنا يتمم علي خير ان شاء الله ويرزقك

اشكرك جدا جدا على ملاحظاتك القيمة ..... بس خلى بالك يا اخى العزيز ان اللوجو حلاوتة فى بساطته و البساطة بتكون فى الالوان القليلة يعنى لو حطيت فيه الوان علم البرازيل ( اخضر + اصفر + ازرق ) حيبقى مهرجان الوان ........ ثم لو سمحت لى ........ هناك اعتبارات اقتصادية و فنية ........ بمعنى انى ناوى اعمل اللوجو ده من الاستيكر عندى فى المحل ..... و عليه ... لو كان من اربع الوان ....... ح يكون مكلف اكتر و متعب فى نفس الوقت و انا عايز حاجة سهلة عشان اقدر الزقها على كر عربية مجانا ......... و الشكر ليك مجددا .....