معلش والله ما اخد باللى شكرا على التوضيح :16:
عرض للطباعة
ياباشا لا شكر على واجب وياريتنى كنت اعرف بيانات عربيتك علشان كنت اعرف افيدك ويارب اعرف افيد ملاك البوما
للرفع و التذكير
طيب هو بعد ما تغير التيش و البارات العربية بتحتاج تظبط زوايا تاني
بتيئلى المفروض ايوة انا عن نفسى ظبط زوايا أول ماغيرتهم
أنا كمان لسه مغير التيش والبارات من 3 أسابيع كده تقريبا وكنت عملت موضوع سابق هنا في المنتدى عن أحسن نوع تيش وبارات بس للأسف محدش رد عليا وحسيت اني بكلم المرايا:B4_592:
المهم أنا كنت سألت على النوع ده وفعلا اشتريته الياباني الأصلي وخصوصا بعد لما عملت سيرش على النت ولقيت لهم كمان موقع SANKEI INDUSTRY CO., LTD.
وعموما هو في منه نوعين أنا لقيتهم نوع ياباني ونوع تاني تايواني بس هما فيهم عيب انهم مش محملين في خامتهم زي الأصلي فكاوتش المزيكا بتاعهم مش بيقفل عليهم كويس وبيحتاج كوليه شريط لربطهم كويس غير كده هما زي الأصلي تماما في الكفاءة والشغل
أما بخصوص معرفة التيش والبارات بايظة ازاي مش شرط وانت ماشي لكن ممكن والعربية مش دايرة تخلي حد يهز الدركسيون يمين وشمال وانت تكون تحت العربية ماسك التيش في ايدك حتلاقي صوت طقطقة باين اوي في ايدك ويمكن تكون سامعه كمان
أرجو اني أكون رديت من غير تتطويل:_Alshmokh22[1]: