الموضوع: إزاز و زوايا وطارة وشوية اشتغالات

المشاركة الأصلية كتبت بواسطة mailo

رحت امبارح عشان احقن إزاز العربية عشان فيه واد ابن تيت رملي عليه طوبة وشرخو
المهم عند دكتور خالد اللي ماينفعش المفروض يتحدد حوالين الشرخ
1- فيه حد يعرف حد بيحدد إزاز فالمعادي ؟

قلت أروح اظبط زوايا رحت طالع على وطنية اللي على ال اوتستراد
ظابط الزاوايا بطريقة غريبة كده وبجهاز غريب المهم طلعت لقيت العربية بتطلع على الرصيف اليمين ومصممة على كده
رجعت تاني لبتاع الزاوية قال لي هاظبطلك الطارة عشان فيها حدفة يمين
قلتله هي مفيهاش حاجة وسليمة وكانت سالما والعربية مابتحدفش المهم قال لي هظبطهالك وجرب
وقال لي أنا هاظبطها من تحت من غير ماتتفك

المهم العربية اتعدلت بس الدركسيون عندنا بيلف لفة و تلتين في أي اتجاه اكتشفت بقى إن اليمين بقى يلف لفة ومش مكمل نص اللفة التانية

رحت رايح متخانق معاهم فالبنزينة وطلعت على كالتكس اللي فالنصر
نزلنا تحت العربية فعلا كان فيه فرق بين العجلة والمقص لما بلِف يمين حوالي 1.5 2 cm عن الشمال

بتاع الزاوية قال لي مش مستاهلة شغل ولما نيجي نغير معرفش إيه كده 'بارات باين أو حاجة فالدركسيون ' نبقى نظبطها

قلتله طب أنا مرة اتخبط فالعجلة اللي ورا
راح بص عليها وقال لي دي مايلة شوية روح للعافشجي قولوا يحطلها وردتين عشان يعدلها بدل مايعملها عند السمكري وزارجينا وكلام كتير كده أنا مفهمتوش
وأكيد هي دي اللي كانت عاملة المشكلة ولما تظبطها ونظبط زاوية ال تارة هتتعدل

المهم يعني أنا مش فاهم أي حاجة في أي حاجة

دلوقتي
2-ميل العجلة اللي ورا ده إيه تأثيره على الزاوايا والدركسيون ؟
3-هو حتى لو الدركسيون مش معدول لما اظبط زوايا العيب ده يبان ؟؟؟!!!!!!
4-طب أنا دلوقتي لما اتخبط محستش بيفرق أصلا وعربية كانت بتمشي زي الفل دركسيون ومفيش أي حدفات في أي حتة اشمعنا بقى المشكلة دي طلعت لما ظبطت الزاويا وربطت العفشة عند نفس البني آدم
5-اعمل إيه بقى عشان ارجع الدركسيون بتاعي معدول من غير مفكو عشان الواد بوظه من غير مايفوكو قعد يربط مسامير من فوق العجلة وخلاص

وكل ده بسبب أحمد ميدو عشان مصحيني من الصبح بدري عشان أنزل انيل الإزاز وجه معايا
مسيري أشوف عربيتك ما أنا كنت نايم فحالي

يا عم وانا مالي ده انا غلبان

وانا كنت جايلك بناءا علي اتفاق مسبق بيني وبينك علشان نعمل الزجاج وما جبتش سيره الزوايا

انا مش اول لما شوفت الواد بيبص للعربيه قولتلك شكلنا هنحضن الرصيف بسببه

وبعدين محكتش للناس عن اليوم اللي قبله لما اتبهدلنا واتغرقنا ويوت وشحوم من المنافولد

والراجل اللي كانت عربيته بايظه ودورتهاله وافتكرنا ميكانيكيا

واديك لبست مع ناس تانيه في المنتدي هنا اخرت اللي يجي عليا انا بركه

تقبل تحياتي

حبيب هارتي