لو تعرف تروح دمياط هتبقى سهلة
لان دمياط بورسعيد بينهم الطريق الدولى الساحلى
عرض للطباعة
لو تعرف تروح دمياط هتبقى سهلة
لان دمياط بورسعيد بينهم الطريق الدولى الساحلى
موقف الترجمان زي ما الاخ A.Saad وصفلك بالظبط وهوا قريب من رمسيس وممكن تتمشاها فى أقل من 10 دقايق
و سوبر جيت دمياط والمنصوره فى رمسيس موقف القللى خلف قسم الازبكيه قبل موقف الترجمان
ممكن لو ملقتش فى الترجمان ممكن تركب من موقف القللى برمسيس لدمياط ومن دمياط لبورسعيد (لأنى بصراحه اشك ان كل ساعه بيطلع اتوبيس لبورسعيد)
او تركب المنصوره (ودا تقريبا كل ساعه لان المسافه من القاهره للمنصوره مش بعيده) وتنزل المنصوره تركب بورسعيد
وان كان رأيي لو كانت طنطا قريبه ليك تنزل موقف المرشحه تركب بيجو علطول لبورسعيد ولو حجزت الكرسي بالكامل الى بجوار السواق يكون افضل وهتفضل مرتاح بطول الطريق
شرق الدلتا من القاهره لبورسعيد من 6 صباحا ل 10 مساءا كل ساعه اوتوبيس
بصراحه أشكركم على أهتمامكم
بس موضوع دمياط والمنصورة هيكون صعب اوى لانهم بُعاد عنى شوي لان عشان اروح دمياط اركب من المنصورة فطبعا هتكون لفه كبيره شوي انا عايز حاجه على طول لبورسيعد بدون نزول اكتر من محافظه واركب
أنما طنطا قريبه جدا والقاهرة ساعه اكون هناك
بس أنا أتصلت على موقف رمسيس قالوا من الصبح الساعه 6 وكل ساعه اتوبيس وكذلك فى بورسيعد كل ساعه اتوبيس
اقرب مكان لى هو طنطا موقف المرشحه وبتصل محدش بيرد على فهضطرانزل واسال عن مواعيد العربيات واخرها لغايه امتى فى بورسعيد ده أقرب شيء لى بس يرجع على مواعيد العربيات واخر ميعاد لها فى بورسيعد
او اروح القاهرة واركب من رمسيس لغايه بورسعيد
بس معرفش فين الموقف فى رمسيس قالوا هو قبل مستشفى القبطى
فهل انزل فى رمسيس وأسال ولا فى وصفه اقدر اعرفها لمكان موقف رمسيس وجزاكم الله خيرا
انت مغلب حالك ليه بس
متروح بعربيتك وخلاص خد طريق الاسماعلية الصحراوي وبعدين بورسعيد انا كنت هناك من 10 ايام كده الطريق حلو
لا اخى صعب اطلع كما تقول فلذلك اقول مواصلات افضل بس الواحد كل اللى محتاجه مواصلات قريبه فقط
بدون نزول اكتر من محافظه وانا شايف ان طنطا والقاهرة اقرب من اى محافظه اخرى حتى لو كانت قريبه من بورسعيد زى دمياط
بس محتاج اعرف المواعيد فقط بيحث الواحد يكون عارف هيروح امتى ويرجع امتى
والله انا كنت رايح مرور شرق اخلص ورق ختم وامضاء
الموضوع ما اخدش اكتر من 5 دقائق
صدقني وجود العربيه مفيد جدا جتي ولو حتاخدها صد رد