سؤال بسيط .. للمساعدة فى تجهيز محل كماليات.. ماهى استيكرات الريس المطلوبة ؟؟؟؟؟

بسم الله الرحمن الرحيم

اخوتى الكرام هذه اول مشاركة لى معكم فى هذا القسم المميز بكم و بمجهودكم

انا ليا طلب عندكم لو سمحتم .......... ( من اولها كده !!!!! )

انا بجهز افتح محل كماليات و اكسسوارات فى منطقة شعبية شوية ....... وانا بلا فخر مصمم جرافيك محترف جدا جدا فى مجالى ....... يعنى من الاخر ........ عامل شغل جامد جدا جدا بس مع المكن الصينى و الفسبا ...... مولعها بجد .......
يعنى بعمل اى حاجة و بتعجب الناس و بيبقوا اخر انبساط .....

لحد كده كويس ........ نخش على الشغل بقى .......
انا للاسف ما اشتغلتش فى مكن ريس غير حوالى 10 مرات بس و فقط لا غير ........ لان ظروف منطقتى كده ..... كلها صينى و فسبا

بس بجد و الله انا حاسس انى ح ابقى مميز مع مكن الريس و فعلا كانت فيه ناس بتجيلى من مكان بعيد عشان اعملهم شغل ماحدش من بتوع الاستيكر اللى حواليا بيعمله .... وانا جاهز دايما ........ معايا الكاميرا الديجيتال ( كانون ) و الاسكانر و النت و اديها يا معلم

بس انا عايز اخش على تقيل فى شغل الريس ......... ( مع ان شغل الاستيكر بتاعه قليل ) بس بصراحة بتبقى نفس الواحد مفتوحة انه يشتغل فيه غير شغل المكن الصينى .......... ( مع ان الصينى بيكسب اكتر !!!!!!!!!!!!!!! )

وانا مجمع شوية شغل حلو للريس زى اللوجوهات دى و بعمل كمان شغل استيكر على فبر المكنة سواء تانك او رفرف و مميز جدا و اى حاجة بتقف قدامى بخش على النت و ازبطها .........

بس انا طلبى ::::::::::: انى اعرف ايه اكثر الاستيكرات شيوعا اللى بيحتاجها المكن الريس غير شعارات المكن ؟؟؟؟؟
عشان اركز عليها فى الفترة الجاية و ابقى جاهز دائما

ودى عينة من الشغل الجاهز عندى على الجهاز بالنسبة للوجوهات

http://www10.0zz0.com/2011/04/10/13/335375138.jpg

و شكرا ليكم مقدما

موضوع ممتاز
موضوع الاستيكر اللى ع الريس ده بيرجع لشخصيه صاحب البايك
يعنى فيه واحد بيحب يحط الرقم 46 بتاع رووسى وفيه واحد بيحب يحط جماجم
وفيه اللى بيحب يحط السنه لهب
كل بايك ليه حاله خاصه انا مثلا راسم على التانك (شمس فلانسيا )
وربنا يقويك على الشغل الجديد

اقتباس:

---

المشاركة الأصلية كتبت بواسطة yascro

موضوع ممتاز
موضوع الاستيكر اللى ع الريس ده بيرجع لشخصيه صاحب البايك
يعنى فيه واحد بيحب يحط الرقم 46 بتاع رووسى وفيه واحد بيحب يحط جماجم
وفيه اللى بيحب يحط السنه لهب
كل بايك ليه حاله خاصه انا مثلا راسم على التانك (شمس فلانسيا )
وربنا يقويك على الشغل الجديد

---

اخى الكريم اشكرك جدا على ردك ..... بارك الله فيك .........
كل اللى حضرتك قلته انا فاهمه كويس ........ بس انا سؤالى لو سمحت لى

عن الاستيكرات الخاصة او المميزة يعنى مثلا شعار هوندا و CBR و كده
كمان عن الالوان اللى على الريس

بص يا اخى ......... انا قصدى اتميز فى ايه ؟؟؟؟؟؟؟؟؟ مثلا لو واحد كان رش الفيبر لا قدر الله و عايز يرجعه زى الاصلى
..... من الوان و لوجوهات ....... هل ده مطلوب ..... و هل فيه ناس بتعمل الشغل ده .......... و لو فيه هما منتشرين ولا نادرين ........ اصل الموضوع ده عايز شغل كتير و تعب ..... اخش فيه ولا اكبر دماغى .... يعنى هل هو مطلوب اركز عليه و لا مش مطلوب ........ عشان ما اعملش دعاية عند بتوع تصليح المكن على الفاضى ..... و كده يعنى

ارجو انى اكون قدرت اوصل المعلومة اوضح المرة دى .........
و شاكر ليك جدا يا اخى :beat5::beat5::beat5:

http://www.nilemotors.net/Nile/210456-a.html

تابع الموضوع ده كده يمكن تفيدنا فيه

انت لو تعرف تعمل الفيبر كله تبقى استاذ وحتلاقي ناس بيعملوا ريس كتير عندك لان حيكون نوعا ما ارخص واسهل وكمان لو بيخاف من موضوع الرش الفابريكة ده حيحط استيكر

بس اغلب الاستيكرات بتبقى الاستيكرات الاساسة يعني cbr وكلمة rr وحجات كتير

اقتباس:

---

المشاركة الأصلية كتبت بواسطة yascro

http://www.nilemotors.net/nile/210456-a.html

تابع الموضوع ده كده يمكن تفيدنا فيه

---

انا رديت فى الموضوع الاساسى ..... ياريت تتابعه من هناك ....... و شكرا

اقتباس:

---

المشاركة الأصلية كتبت بواسطة ducati

انت لو تعرف تعمل الفيبر كله تبقى استاذ وحتلاقي ناس بيعملوا ريس كتير عندك لان حيكون نوعا ما ارخص واسهل وكمان لو بيخاف من موضوع الرش الفابريكة ده حيحط استيكر

بس اغلب الاستيكرات بتبقى الاستيكرات الاساسة يعني cbr وكلمة rr وحجات كتير

---

شكرا لردك ......... و انا ان شاء الله ح احاور اركز فى الموضوع ده ........ بارك الله فيك

احييك على الموضوع الجميل .... هو حضرتك ساكن فين ؟

ربنا يوفقك اعمل تجارب واتعلم وربنا يسهلك لكل مجتهد نصيب

اقتباس:

---

المشاركة الأصلية كتبت بواسطة m3_dolphen

احييك على الموضوع الجميل .... هو حضرتك ساكن فين ؟

---

يا باشا الف شكر ........ انا من المرج

اقتباس:

---

المشاركة الأصلية كتبت بواسطة tamertamer

ربنا يوفقك اعمل تجارب واتعلم وربنا يسهلك لكل مجتهد نصيب

---

اشكرك اخى العزيز على كلماتك الجميلة ........ بارك االله فيك

اعمل دعايه ومتخافش علي المصاريف وركز علي محلات التصليح الشهيره وبعدين هتلاقي الافكار بقت توصل ليك تباعا من اراء الزباين ورغباتهم وبعدين هتلاقي الزباين كمان بقت تجيبلك زباين تاني وثق تماما طالما انك محترف جرافيك يبقي خيالك واسع وهتفهم الزبون عاوز ايه وربنا يوفقك

اقتباس:

---

المشاركة الأصلية كتبت بواسطة naser_56

اعمل دعايه ومتخافش علي المصاريف وركز علي محلات التصليح الشهيره وبعدين هتلاقي الافكار بقت توصل ليك تباعا من اراء الزباين ورغباتهم وبعدين هتلاقي الزباين كمان بقت تجيبلك زباين تاني وثق تماما طالما انك محترف جرافيك يبقي خيالك واسع وهتفهم الزبون عاوز ايه وربنا يوفقك

---

كلام مظبوط

طالما بتفهم فى المجال ده ادخله ومتخافش منه وصدقنى الاصرار نصف النجاح وهتبقى اشهر واحد يشتغل فى استيكرات الفيبر فى مصر وانا هبقى اول زبون عندك مع انى موقعتش قبل كده ولا الفيبر اتبهدل بس اصدقائى كتيرررررررررر وحوادسجيه مووووووت هجبلك زباين وننقل بقى من هشام بتاع الفيبر الى الزميل الجديد فى نايل موتورز

شوف يا باشا ما دام ما حضرتك محترف يبقي لازم توسع نشاطك بمعني ان انت بدل ما تشتغل بايك بس لا امسك كمان عربيات
و علي فكره العربيه هتفرق معاك احنا عندنا و احد في المنيا لاطيني روحت العربيه لسه زيرو حطيلي رسمه علي الكابوت في النص اديتو90 جنيه و تكلموه يقولك العربيه زيروو

باشا عليك وعلى خالد أنور في مدينة نصر شارع الطيران عنده جميع إستيكرات الريس الي تتخيلها
وده رقم تليفونه بعد إذن الإدارة 0110007988 خالد أنور
وأخوه عمرو أنور 0123414136