ركبت ار بى ام بس حاسس انه مش مظبوط
بسم الله الرحمن الرحيم
طبعا الفيستا 1300 مفيهاش ار بى ام والموضوع ده كان مضايقنى جدا فقلت اجيب العداد اللى فيه ار بى ام طلع ان فيه لعب هيحصل فى الضفير فقلت لأ طبعا
المهم جبت الار بى ام اللى هو الصغير اللى على الطابلوه وروحت للكهربائى عمل الوصلات الازمة بس العربية فى السلانسيه الار بى ام على صفر مع انى اعرف ان الطبيعى يكون على 850 !!!!
هو مع المشى بيقرا بس حاسس برضوا انه مش مضبوط يعنى صوت الماتور عالى والار بى ام على 2 ونص بس ممكن اصلا يكون ده طيععته فى المشى لأن الشكمان فيه حاجة معلية الصوت ,,, وكمان لانه بيتدى من الصفر مش من قراية السلانسيه
بس الحاجة اللى مخليانى مش عارف اذا كانت القراية صح ولا غلط انه على السلانسيه صفر
هل بقى الفورد فى تركيب الار بى ام ليها سر مخصوص زى الدايو لانوس كده وان الموبينة مقسومة اتنين وبيتوصلوا ببعض بدايود والكلام ده ,, بس انا سألت الكهربائى قالى الوصلات كلها كده تمام والار بى ام تمام كده
ملحوظة : ظبط الار بى ام نفسه على 4 سلندر و 6 سلندر و 8 سلندر ونفس النتيجة :crying2: