هل تؤيد الفكرة السائدة ان كل واحد لازم ياخد حقه بدراعه؟

لفت انتباهي في موضوع "No way!! انا عربيتي مش مدببة" ان معظم الاخوة في المنتدى قدموا اقتراحات متعددة للانتقام من الفتاه بطلة الموضوع,بعضهم على سبيل الدعابة و الاكثر بجدية. و كان اكثر الاعضاء مؤيدين بشدة لما فعله اصدقاء المهندس شريف للانتقام. ففكرت اننا نعمل موضوع لمناقشة هذه الظاهرة. هل اصبح اغلب المصريين يتعاملون بمبدأ انه لازم ياخد حقه بدراعه عشان مفيش تطبيق للقوانين اللي المفروض تنظم تعاملنا مع بعض؟ و هل من الممكن ان يكون هناك امل في اصلاح المجتمع اذا لم يبدأ كل منا بنفسه في الالتزام باخلاقيات التعامل خصوصا و اننا نجد في ديننا الحنيف ما ينظم تعاملاتنا و يغنينا عن قوانين الدنيا كلها؟

للاسف احنا بقينا لازم ناخد حقنا بايدينا
بس احنا مش عدوانيين
و الدليل ان اعتراضنا انها مكنتش محترمة معاه مش انها خبطت العربية
فاهم قصدي

مبدأ اننى اخذ حقى بذراعى مرفوض تماماً ، لان معنى هذا اننا اصبحنا وحوش مفترسة ولا تعرف معنى الرحمه ولو اتقى كل فرد الله فى تعاملة مع الاخرين لانصلح الحال 00 اما حكاية القوة واخذ الحق بالقوة اقول لمن يؤيد هذا ( اذا دعتك قدرتك على ظلم الناس فتذكر قدرة الله عليك )
حيث ان الحكم على الاشياء من منظور شخصى يفسد الاحكام !!!

طبعا فاهمة و مقدرش اقول انها ماتستهلش, بس مش احنا المفروض نراعي ربنا في تصرفاتنا حتى لو اللي قدامنا غلط؟

والله لو الانسان اقدامي محترم خلاص وياوله لو مش محترم

اسفة انا رديت على crazy lambada من غير اقتباس فالرد طلع مش مفهوم

[quote][
مبدأ اننى اخذ حقى بذراعى مرفوض تماماً ، لان معنى هذا اننا اصبحنا وحوش مفترسة ولا تعرف معنى الرحمه ولو اتقى كل فرد الله فى تعاملة مع الاخرين لانصلح الحال 00 اما حكاية القوة واخذ الحق بالقوة اقول لمن يؤيد هذا ( اذا دعتك قدرتك على ظلم الناس فتذكر قدرة الله عليك )
حيث ان الحكم على الاشياء من منظور شخصى يفسد الاحكام !!!
/quote]

+111111111

و ايه البديل؟!!!
لو ما عرفتش اخد حقي من اللي اتعدى عليا بالنظام و القانون ؟؟!
و بعدين مقولة اذا دعتك قدرتك على ظلم الناس لا تنطبق على هذه الحالة ؟,لاني هنا باخد *حقي* مش بظلم...
طبعا انا مش مع انه (كل واحد)ياخد بدراعه ,,لا ..بس اللي ما عندوش بديل ممكن يعمل كده بس ما يزودهاش .. و لو يسامح يبقى احسن و اكرم له..
لكن ما الوموش عشان بيدافع عن حقه ..
يعني مش واحد و انا ماشي بالعربية يزنق و يشتم و اسيبه..اخد حقي بس...مش انزل اعوره او اعمله عاهة مستديمة....

بصي انا هاقولك حاجة
و قولتها قبل كده انا اتخبطت قبل كده كذا مرة بعربيتي
بس كان الشخص ده بيعتذري فبقوله مفيش حاجة و حصل خير وامشي
علشان هو اتعامل معايا باحترام
لكن قبل كده كان فيه واحد حيخبطني و جري كنت جريت وراه لغاية ما زنقته
ولسه جاي اتكلم لقيت والده رد عليا قالي ابني غلطان انا عارف و اسفين
قولتله مفيش حاجة
لو كل واحد اعتذر و مكبرش او استهبل
مش حتحصل خناقات خالص في الشارعارجو انه وجهة نظري وصلتلك

المشكلة يا جماعة هو الإحساس بالظلم و الأستبداد
بمعنى
واحد يخبط عربيتك ............ و بعدين يستعبط و يعمل عبيط و أهبل و ينزل يزعق و يهلل في الشارع و يقولك أنت اللي بوظت العربية
و لما الناس تقف ضده يبدأ يقول مش دافع
فأنت بتحس أنه بيستعبط و غلط و مش عايز حتى يعتذر
و تفكر أنك لو رحت مركز شرطة أو قسم الشرطة ............ لن تأخذ حقك
حتى لو أخينا معندوش واسطة .......... و لكن القوانين قاصرة
فبالتالي .......... أغلب الناس بتفكر تأخذ حقها بدراعها ................ لو يقدر
و بعدين الكلام بتاعك يا أستاذ " محمد المشد "
لا ينطبق في موضوع الإنتقام
حضرتك بتقول ........................ إذا دعتك قدرتك على ظلم الناس فتذكر قدرة الله عليك
و هذا ينطبق على الناس المفترية اللي بتفتري على خلق الله بسبب قوتها أو نفوذها
أما إني آخذ حقي بيدي بعد أن أغتصبه شخص ما بنفوذه أو بقوته و جبروته يبقى أنا كدا بنتقم
و ربنا أباح الإنتقام أو القصاص ........ و قال أيضا إنك لو سامحت الشخص أفضل

هي المشكلة غياب القانون ........... ليس أكثر

و بعدين مقولة اذا دعتك قدرتك على ظلم الناس لا تنطبق على هذه الحالة ؟,لاني هنا باخد *حقي* مش بظلم...
اولا لايوجد شىء اسمة تعدى شخص على ولا اعرف ان اخذ حقى بالنظام والقانون إلا اذا كنا فى الغابة ويحكمنا قانون الغاب ، ومقولة اذا دعتك قدرتك على ظلم الناس فتذكر قدرة الله عليك مكانها هنا ، لاننى من الجائز ان اتوهم ان فلان قد ظلمنى وهذه وجهة نظرى فقط ولكن ان كان هناك من يحكم بينكم واكتشفتى بأنكى مخطئة واندفعتى فى حكمك على الاخرين بالظلم ! ماذا تفعلين فى هذا الوقت ؟
اذن الظلم وجهة نظر لان من الجائز ما ترينة ظلم لكى هو حق للاخرين !!!!!!!!!11

اقتباس:

---

المشاركة الأصلية كتبت بواسطة محمد المشد

، لاننى من الجائز ان اتوهم ان فلان قد ظلمنى وهذه وجهة نظرى فقط ولكن ان كان هناك من يحكم بينكم واكتشفتى بأنكى مخطئة واندفعتى فى حكمك على الاخرين بالظلم ! ماذا تفعلين فى هذا الوقت ؟
اذن الظلم وجهة نظر لان من الجائز ما ترينة ظلم لكى هو حق للاخرين

---

اولا تعديل بسيط: قل.......... اكتشفت ...بأنك ..مخطىء ....اندفعت...تفعل...تراه....لك...
ولا تقل ................... اكتشفتي..بأنكي ...مخطئة..اندفعتي...تفعلين..تر ينه..لكي..

انا قولت مش كل واحد ياخد حقه بدراعه قصدت هنا انه مش في كل الحالات ....
يعني مش اقتل اللي قتلني مثلا ...لا طبعا..لان ساعتها في قانون ....
لكن في الشارع في حاجات كتير ما بتجيش بالقانون ...الشتيمة و اللي يخبطلك عربيتك و يقولك مش انا
و اعمل اللي عندك و انت شايفه بعنيك و هوه بيخبطها ....ايه حله ده؟! وانت عارف انه طبعا ما حدش حييجي القسك و يمرمط نفسه (لان دخول الاقسام هنا مرمطةفي عين كل الناس) و ساعتها انا مظلوم هنا اهوه ظلم بيّن مش وجهة نظر ولا حاجة .......
اما كون الظلم وجهة نظر ....فده في الحاجات الغير مادية ....سباب ..تريقة ...استهزاء بيك ...
لكن واحد خبط عربية ..ادي الجمل و ادي الجمال ....ما فيهاش رأي ديه..يبقى حقي يرجعلي ...
هوه بقه يطلع محترم و يرجعوا....اسامحه انا ..او مش محترم و اخدوا انا بنفسي ......والا ..
ايه البديل؟!!

و بعدين الكلام بتاعك يا أستاذ " محمد المشد "
لا ينطبق في موضوع الإنتقام
حضرتك بتقول ........................ إذا دعتك قدرتك على ظلم الناس فتذكر قدرة الله عليك
و هذا ينطبق على الناس المفترية اللي بتفتري على خلق الله بسبب قوتها أو نفوذها
أما إني آخذ حقي بيدي بعد أن أغتصبه شخص ما بنفوذه أو بقوته و جبروته يبقى أنا كدا بنتقم
و ربنا أباح الإنتقام أو القصاص ........ و قال أيضا إنك لو سامحت الشخص أفضل

هي المشكلة غياب القانون ........... ليس أكثر
[/COLOR][/SIZE][/QUOTE]
مع تقديرى لوجهة نظر سعادتكم اقول واكرر ان من الجائز ان وجهة نظرى فى انك اغتصبت حق من حقوقى فى حين ان وجهة النظر الاخرى لاتتفق معك على ذلك فلمن نلجأ لفض الاشتباك ولعدم الظلم ؟ اذن اكرر هو اتقاء الله لان الله حرم الظلم على نفسة فحرمة بين الناس
اما موضوع ان تأخذ حقك بيدك بعد ان اغتصبة اى شخص بنفوذة وجبروتة فقد اباح لك الله ذلك !
هذة مقولة خطيرة لانها لاتنطبق الا على الاعداء فقط الذين اغتصبوا الاراضى المصرية او ما شكل ذلك ! اما بين الافراد فلا اعتقد انها مقولة سليمة لانها اذا كانت سليمة فمن من سوف تأخذ حقك المسلوب منك من الحكومة او من شخص تم تعينة بدلاً منك ؟ او من حاكم ظالم ؟
واذا نفذنا هذه المقولة كما اشرت اليها سوف نبيح فى الصعيد لمن قتل له شخص ان ينتقم ويأخذ حقة بيدة !!!!

[QUOTE=alaa_dash;227530]اولا تعديل بسيط: قل.......... اكتشفت ...بأنك ..مخطىء ....اندفعت...تفعل...تراه....لك...
ولا تقل ................... اكتشفتي..بأنكي ...مخطئة..اندفعتي...تفعلين..تر ينه..لكي..

اشكرك للتعديل واسف لاننى اعتقدت ان الاسم لاخت وليس لاخ

لا ولا يهمك يا استاذ محمد ...انا اللي كان المفروض ازود 3 في الاول عشان يوضح اكتر من كده..
و بعدين ده انت تعتبر جاري ..لاني لغاية دلوقتي اعتبر عايش في مكة جنبك ...بروح كتير هناك ..
شكرا ليك ..

انا ساعات كتير اوي بحس اني جاملت زيادة عن اللزوم في مواقف زي دي كتير فحسيت انه مع الوفت بيتاخد حقي مني ..
فقررت اخد حقي من بق السبع (طبعا السبع اللي علي قدي) :d

اخدو بطرق مهزبة مشروعة وان منفعش
برضو اخدوا بطرق مهزبة غير مشروعة
وان منفعشي اخدوا بطرق غير مهذبة وغير مشروعة :D

(بالبلدى الى له ضهر بيتحمى فيه و يبلطج وا لى مالوش بيستهبل و يقضيها يا صابت يا خابت)_لكن ليست قاعده فغالبيه المصريون يخافون الله فتسمعهم يقولون-هتقبل العوض-و لهذا فلأمل موجود و علينا أن نبدأ بأنفسنا0

أخذ الحق بالقوة ده الحل الماشى اليومين دول

انا طيب مع الطيب
و غلس مع الغلس
و مش بحب اسيب حقي ابدااااا
بس كده !!!!!!!!!!!!!!

والله يا جماعه الحياه مش فتونه وزمن الفتوات انتهي خلاص :)

بس دلوقتي باللسان كل حاجه بتمشي

يعني لو انت زوق وانا زوق ومحترمين جدا ليه نتجه للعنف والمشاكل مع العلم ان المشاكل اخرتها وحشه واضرارها كتير

بس في حجات الواحد لازم يستغل فيها القوه للحصول عليها والا يبقي ضعيف

وللاسف هي دي مصر دلوقتي
(حقي مش هسيبه)
(ليه ياعم هو انا فوزيه ؟)
:):):):):):):):)

لو قدرت احتسب كان بها
لو ماقدرتش و حقي كان واضح يبقي حاخد حقي حاخد حقي

للأسف هي شريعة الغاب لغياب النظام و دي مشكلة تانية
(و لكم في القصاص حياه يا أولي الألباب)

معظم المشاكل في الشارع بتبقي واضحة و باين الظالم و المظلوم
و بالتالي فقدرتي دعتني لأخذ حقي و ليس للظلم

بص هو مش بالدراع اوى بس هو انى امشي فى الطرق الشرعية مع شوية تهديد ان فى

دراع ممكن يدخل p:

لكن مقدرش اخد حقى بالدراع ابداااااا

أحاول اخد حقي بطرق شرعية واذا فشلت احتسبه عند الله
هذا من منطلق انني لا عندي واسطه و لا خالى امين شرطه ولا عمي صول في المباحث

لكن اكرر
لابد للحق من قوه تحميه

ايـــــــــــــــــــه دة ؟؟

:):):):):)

ايه العقل دة اللى نزل على المنتدى دة ؟؟؟

ميجيش على موضوع شريف اللى اناس كلها ابتكرت فنون الانتقام و الخراب

اتنين بس اللى قالو بالدراع و منهم تصويت ليه عشان هو اقرب للى هعمله بس برضه

مش هخده بالدراع !!

لا والله حاجة تفرح p:

هل توافق اذا كان لك حق عند احد الاشخاص فكرة انك لازم تاخد حقك بدراعك ؟________________________________________

أعزائى

فى مكان يُطبـق فيه القانون (الحازم العادل) لن نحتاج الى التفكيرفى هذا السؤال

اما فى مكان أخر

فلا يوجد إلا شريعة الغاب !!

المضحك المبكى ان يكون لك حق وليس لك زراع

حينها مُـت بغيظك ... :cool:

انا افضل اني احاول اخد حقي بطريقة شرعية وممكن اعمل محضر علشان اكون مش مقصر في حقي قدام ربنا
ولو ماقدرتش اخد حقي ساعتها هاحتسب عند الله وانا متأكد ان حقي لن يضيع عند الله.
وانا متأكد ان معظم الناس اللي اتكلمو عن الانتقام والوسائل الجهنمية لتدمير العربية ساعة الجد لن تسمح لهم اخلاقهم ولا تربيتهم ولا تدينهم بفعل كل ما وصفوه في مشاركتهم وانما سيحتسبون عند الله.
انما الخناق وتدمير الممتلكات اعتقد انه اسلوب مش حضاري خالص

يمكن في موضوع استاذ شريف. لأنه مكانش ناوي يعمل حاجة وكان هايشبها ويمشي ويحتسب عند الله. فا ربنا جابله حقه على ايد مجموعة من الجدعان المخربين بس ده مش معناه انه يفرح فيها لأن ده يعتبر شماتة

بس انا عايزة اعرف مفهوم اكتر لكمة دراع دى !!

لان لو المقصود منها مثلا اخد الحق بالقوة فده مش صح يعني انا مثلا لما الطفل اللى

كان راكن جنبي فى الجراج و بيخبطهالى اخدت حقي بالادب بس مأخدتوش كتعويض

مادى لا معنوي و دة كله عشان اخويا هو اللى نزل للناس انا بحس ان مجرد الاعتراف

بالخطاء و الاعتذار تعويض اعلى من التعويض المادى ... يعني فى موضوع شريف

البنت لو كانت اعتذرت من الاول مكانتش استفزت كل الناس اللى شافو عربية شريف و

شافو انها اذيتو و اخدوله حقه ..هم غلط بس ربنا جاب لشريف حقه لان احتسب عند

ربنا حقه..بس موضوع التخريب و الضرب و كل انواع الاذى النفسي او المعنوى او

المادي مرفوووووووووض مرفووووووووووووووووض

هو المبدأ عندي موجود بس انا بجرب الاحترام مرتين بالظبط مش اكتر اول مرة ببقي محترم اوي اوي تاني مرة تلاقيني بنفخ كده التالتة تابتة و مقدرش اصبر اكتر من كده خصوصا لو حاجة تمس













Ibiiiiiiiiiiiiiiiiiiiiiiiiiiizzzzzzzzzzzzzzzzzzzzz zaaaaaaaaaaaaaaaa For Ever