الموضوع: هل يحاكم الرئيس السابق مدنيا ام امام محكمة ثورة

المشاركة الأصلية كتبت بواسطة moshaks

لازم يتحاكم محكامة علنيه هو وولاده لسؤ استخدام السلطة ليهم كلهم لكل الفساد اللى فى البلد ولخيانة البلد وتصدير غاز لاسرائيل علشان تستخدمها فى مصانعها وتصنع اسلحة ويضربوا اخوانا الفلسطنين ولسه الدور علينا
والله انا بتخنئ لما بتيجى سيرته من كل اللى شفناه على مدار عقود مضت من ظلم ووسايط وكوسه وفساد

لازم يكون فى محكمة ثورة مفيش فيها تهاون وحكمها نافذ

كل التهم اللى حضرتك بتقولها تأكد انه ماينفعش معاه محاكمة مدنية
بالمناسبة فين صوتك يا باشا
و الاخوة الذين يشاهدوا الموضوع نرجو التصويت

المشاركة الأصلية كتبت بواسطة thediesel

هوه انتوا بتتكلموا في ايييييييييه ؟؟؟؟؟!!!!!! الفلوس موجودة و هيتم اثبات وجودها بسهولة ان شاء الله .... سيبكم من الخطاب يا جماعة ... بطلوا موجة التشاؤم دي يا جمااااااعة

المشاركة الأصلية كتبت بواسطة enas75

انا كل مافتكر المعاناه اللي الناس عاشتها والظلم والخوف ببقي نفسي اضربه بالنار علي كل واحد اذاه احد زبانيته ......اضربه بالنار علي كل اهانه شافها مصري بسببه وبسبب تهاونه واهداره للكرامه
نفسي اضربه هو وابنه ومراته ضرب بالقباقيب حتي الموت
.............................
وعلشان كل الاسباب دي انا برفض محكمه الثوره......لان ظلمها اكبر من عدالتها
محكمه الثوره بتصنع ديكتاتور جديد من ديكتاتور سابق ...وانا ارفض ان اصبح مثله ومثل حاشيته
مفيش دوله علي مر التاريخ عملت محاكم الثوره الا وانتهت نهايه سيئه وانتهت باللي حكمت به
بالقانون ...ححاسبه بالقانون المدني اللي ياما ذل ناس بيه
ححاكمه بالعداله البطيئه علشان اعذبه ...زي ما زل ناس كتيره
وبعد ما تحكم عليه المحكمه ....نلف علي دول العالم دوله دوله ونرجع فلوسنا.......وعلي فكره ما تقلقوش مهما ستف وعمل نقدر نعرف الفلوس راحت فين.....ونقدر نساوم عليها ونرجعها بلدنا تاني
الفلوس ينفع ترجعها بس بحكم محكمه مدنيه سليمه مستوفاه الاركان......والفلوس معروف هي فين .....متقلقوش وبلاش يضحك عليكم

يا جماعة الخير مع احترامى لارائكم الكريمة بس خلونا واقعيين
مبارك تنحى منذ شهرين و قرار التجميد كان من اسبوعين تقريبا يعنى كان عنده شهر و نصف تفتكروا الراجل كان جالس حاطط ايده على خده و بيندب حظه , بالطبع لا قام بتحويل امواله فى حسابات سرية و بأسماء اخرين و اموال اخرى الى دول معينة و بالتالى لايوجد اموال لنستعيدها و لازم نخلى بالنا من حاجة ان قرار التجميد لا يقع بأثر رجعى بمعنى ان كل العمليات التى تمت قبل قرار التجميد لن يتم اكشف عنها و افتكر انى قرأت تصريح لمسئول بريطانى بذلك المعنى

اما بالنسبة للمحاكمة المدنية ممكن اعرف ايه هيا التهم اللى سيقدم بها للمحاكمة طبقا للقانون العادى

المشاركة الأصلية كتبت بواسطة hobiko

مين قال إن محاكم الثورة ظلم ...... الظلم إن أسيب حق إلي ماتوا عشان ثغرة في القانون الوضعي إلي حطوه الناس هما هما إلي أنا بحاسبهم


القاضي في الأخر بيحكم بورق ...... فين الورق و المستندات؟؟؟؟؟ ....... فين الفلوس؟؟؟؟؟ ...... مفيش


شكراً الحكم براءة


هو دة الظلم

+1

مالناس دي بتسرق بقالها 30 سنة بالقانون ، فهل من المعقول أن نحاكم هؤلاء الناس بالقانون اللي هم أصلا وضعوه لحمايتهم؟؟؟؟

المشاركة الأصلية كتبت بواسطة hobiko

وَلَكُمْ فِي الْقِصَاصِ حَيَاةٌ يَا أُولِي الْأَلْبَابِ لَعَلَّكُمْ تَتَّقُونَ





هل احنا بالسذاجة اننا نصدق إن مبارك بيبعت الرسالة دي و هو مش مظبت كل حاجة ؟؟؟؟؟؟؟؟!!!!!!!!!!!!! ......... كفاية بقى تبسيط للأمور و كل حاجة تمام و متقلقوش و الفلوس في الحفظ و الصون


ولا مرة الكلام دة جاب نتيجة ....... احنا عايشين في عالم في داخله أفظع بكتير مما يتصور البعض






مين قال إن محاكم الثورة ظلم ...... الظلم إن أسيب حق إلي ماتوا عشان ثغرة في القانون الوضعي إلي حطوه الناس هما هما إلي أنا بحاسبهم


القاضي في الأخر بيحكم بورق ...... فين الورق و المستندات؟؟؟؟؟ ....... فين الفلوس؟؟؟؟؟ ...... مفيش


شكراً الحكم براءة


هو دة الظلم

+++++++++++++1
ازاى نحاكمه بالقانون العادى و الذى لا يوجد به مواد تختص بجرائمه التى لا تعد و لا تحصى
عندك الفساد السياسى و تشويه سمعة مصر و تقويض دورها الخارجى و امتهان كرامة المصريين و تدمير صحتهم و التسبب فى تفشى السرطان و الفشل الكلوى بالاضافة لافقاره الشعب و تهدير موارد الدولة و تدمير عقولها و اخلاقها و اتلاف الزراعة و تدمير الصناعة و مساعدة العدو فى ضرب اخواننا فى فلسطين و و ..................
التهم كثيرة و لا تحصى و للاسف لا يوجد لها تشريع و لا قانون يمكن تطبيقه عليه و هل بعد كل ما جناه نتركه يرحل بسلام