الموضوع: بدون تحيز وبكل موضوعيه (فرامل البروتون)

السلام عليكم ورحمه الله وبركاته

الاخوه الكرام مالكي سيارات بروتون العريقه
من فتره وانا متفرج فقط للمنتدي بدون اي مشاركات ولاحظت في الاونه الاخيره كثره الجدل والحديث عن منظومه عمل الفرامل في سيارات بروتون ولفظ النزاع وتوضيح الامور وقطع الشك بي اليقين احب اوضح بعض الامور التي ممكن تكون غائبه عن اذهاننا لعده اسباب
بعد ملاحظه كثره الحديث عن السيرفو ومثل ما قيل من بعض الاعضاء (طلمبه السيرفو) وللعلم هذا خطا لان وحده السيرفو مش طلمبه ابدا
لان اي نوه من انواع الطلمبات تقوم برفع ضعط اي شيء من ضغط منخفض الي ضغط اعلي ولذلك وللتوضيه السيرفو ليس بطلمبه
1- وحده السيرفو او brake booster وظيفتها
من الاجهزه المساعهد للسائق وتعمل كالاتي بدون الدخول في تفاصيل وحده السيرفوا تقوم بمساعهد السائق في تقليل الجهد الواقع علي القدم اثناء الضغط علي دواسه الفرامل يعني بي البلدي كده بتساعدك انك تدوس فرامل بي القوه الي انتا عايزها وبتقوم بتقليل الجهد بنسبه 60 ال 70%
ودي عباره عن غرفتين منفصلين عن بعض تماما وبينهم غشاء مطاطي وسيلات معينه
الغرفه الخارجيه متصل بها خرطوم ياخذ شفط الهواء من المانفولد يعني بيحدث خلخله للغرقفه الخارجيه وعليه بيحدث شفط للغشاء المطاطي وبيكون في اتجاه مشوار الفرامي عشان كده الفرامل بتكون خفيفه اثناء دوران الموتور وبتكون تقيله ومحجره اثناء عدم دوران المحرك
ومن اعطال السيرفو او عيوبه وجود ثقب في الغشاء المطاطي والي اسمه في السوق طاقيه السيرفو وده بيؤدي الي عدم انتظام دوران الموتور اثناء الضغط علي الفراكل لان الهواء بيهرب من السيرفو وايضا بيحدث تقل في الدواسه لعدم احكام الهواء
فقط لا غير



2- ناس كتير بتشتكي من ان الفرامل ضعيفه وناس تاني بتشتكي من بقايا ونواتج تاكل التيل وكمان الطنابير
طبعا لازم نكون عقلانين وعملين يعمي لازم نعترف ان اي منظومه فرامي ديسكات للاربع عجلات بتكون جوده الفرامل احسن من الديسكات امامي وطنابير خلفي لاكن دواسه الفرامل بتختلف في المنظومتين
لان حجك التيل مختلف في الديسكات عن الطنابير يعني في بروتون هنلاقي ان دواسه الفرامل طريه شويه ومش محجره زي نوبيرا او كيا مثلا وده بيرجع لان جحم التيل الملامس للديسكات اقل منه في التيل المستخدم في الطنابير
وبطريق مبسطه الي بيغير وبيجيب كاوتش عريض بيحس بفرق في الثبات عشان زود المساحه الملامسه للطريق
نفس الكلام في التيل
كلما زادت مساحه التيل الملامسه للطنابير او الديسكات زاده معها قوه الفرمله وارتفاع الدواسه
وطبعا ده ليه دراسات كتير
لاكن جوده الفرامي في منظومه الديسكات للاربع عجلات اامن وبتمتاز بكفاءه اعلي بكتير
غير ال abs , ebd مش هنتكلم عنهم
اما موضوع التيل والتراب بتاع التيل الي بيغطي الحافه الداخليه للجنط وكمان صوت الصفاره بعد تغير التيل الاصلي البوش
فبيرجه الي سبب واحد ان التيل الاصلي ذو خامه اطري من معدن الديسكات وعشان كده مش بيصفر وزرات التراب بتاعت التيل بتسقط علي الجنط من الداخل ولاكن انواع التيل المختلف الموجوده الريمسا والماليزي وغيره خامه التيل انشف من ال التيل الاصلي ووجود زرات الغبار الناتجه عن تاكل التيل بين لقمتين التيل والديسكات بيؤدي الي صوا الصفاره الي كلنا بنسمعه
وحل الموضوع ده عند تركيب اي نوع تيل غير الاصلي هنشوف التيل كوبس ونلاحظ خامه التيل لو لاقينا نقاط ذهبيه اللون في خامه التيل مانشتريهوش اصلا لان النقاط دي نحاس بيتم اضافتها لاطاله عمر التيل لاكن خد عندك مزيكه مش صفاره
لان لو لم يوجد النحاس وقبل تركيب التيل بيتم عمل شق عرضي في التيل بعمق من 2 ال 3 مليمتر وده بيساعد علي تبريد احسن كمان بيكون زي بيت للتراب يعني بيتخزن فيه زرات التراب الناتجه عن تاكل التيل وفي كل مره العجله بتاخد مطب الزرات دي بتسقط علي الارض
ده مش اختراعي لاكن الشق ده موجود في اغلب انواع التيل الموجوده وبيكون شق عرضي او جانبي وبكده تكون مشكله الصفاره خلصت
اما الطنابير
لزم نتفق كلنا ان جوده صناعه السيارات الان لا تقارن بسيارات زمان يعني واحد هيقول ازاي غير طنابير علي 30 او 40 لف كيلو ده التويوتا بتاعت والدي ماشيه 250 الف كيلو بنفس الطنابير
ارد اقوله انا بعت عربيتي القديمه ماشيه 285 الف كيلو والطنابير سليمه بنسبه 85%
كمان طبيعه السواقه وطريقه السواقه بتختلف
كمان دوس فراكل كتير وبقوه = تاكل للتيل والطنابير بنسبه 125% من الاستخدام الاقتصادي
كمان لازم نعرف حاجه ارتفاع درجه حراره اي اجزاء محتكه بيؤدي الي سرعه التاكل


3- موضوع الرجلاش الي قد كنت ذكرته قبل كده من فتره طويله
انا مش جايب الموضوع ده من دماغي
لو احنا شفنا الكتالوج بتاع العربيه هنلاقي فيه الموضوع ده لاكن بدون تفاصيل
الكتالوج بيتكلم عن مشوار الفرامل المسموح والغير مسموح بي الصور وعلي فكره ان شاء الله في اول زياره للتوكيل هقترح الموضوع ده علي المهندس \امر
وادي لينك الموضوع للاختصار

http://www.nilemotors.net/Nile/145484-a.html


4- اما بي النسبه لموضوع الهواء في الفرامل
لازم نعرف ان اي عربيه فيها abs هنلاقي فلتر حرير داخل خزنه زيت الفرامل واي عربيه بدون abs لا يوجد بها هذا الفلتر ووظيفه الفلتر عدم السماح لفقاعات الهواء اثناء اعاده تعبئهزيت الفرامل الدخول الي منظومه الفرامل وايضا تكسير الهواء
عشان كده من الصعب جدا وجود هواء داخل منظومه الفرامل وان وجد بيتم اخذ الهواء وعمال اتشك مره كل 20000 كيلو وايضا لو وجد هواء داخل الفرامل ده بيكون ليه اعراض وبتتمثل في الاتي
1- بنحس ان دواسه الفرامل زي السفنجه او الجيلي يعني مايعه بعض الشئ
2- تكرار الضغط علي الدواسه للحصول علي القدره الفرمليه
3-انخفاض ارتفاع الدواسه وتكاد تكون تلامس ارضيه السياره
كده يبقي في هواء في الفرامل
وعشان محدش يضحط علينا لازم نعرف الموضوع ده بيتعمل ازاي
عند اي ميكانيكي هيفك العجل وهنلاقي علي كل كاليبر مسمار ومتغطي بكفر جلد هو ده الي بيتاخد منه الهواء وبيتم ده عن طريق الضغط نم 10 الي 15 مره علي الدواسه (مشوار كامل) اثناء دوران الموتور وفي الضغطه الاخيره بيتم التحميل علي الدواسه للاخر في نفس الوقت بيقوم الفني بفك المسمار وهنا بيخرج الهواء ان وجد وبيتم تكرار الموضوع ده في الاربع عجلات مع ملاحظه تزويد الزيد
اخير زيت الفرامل له مواصفات حاصه ولزوجه معينه وافضل نوع في السوق لوك هيد الانجليزي الي بيكون في عليه صاج وبيكون لزوجه DOT 4
اسف للطاله


تم دمج المشاركات المكرره و حذف المشاركات المترتبه على التكرار

مشرف القسم 1ب

10-4-2011 10:00pm