المشاركة الأصلية كتبت بواسطة lonedoctor
اخى الكريم حياك الله
شوف بعد تجربة وخبرة فى الحاجات دى
فوجيستو محترم جدا شغل وكفاءة وخامات على اعلى مستوى واهم شئ ال stability صعب اوى يهنج واستجابته اسرع من اى لاب توب تانى فى نفس المواصفات بس فيه عيب واحد صوته ضعيف جدا للاسف الشديد
ولو انت من الناس اللى بستعمل الاب توب زى كاسيت وبتسمع عليه محاضرات صوت ستصاب بخيبة امل وفى الحالة دى لو انت مصمم عليه فيه كارت صوت خارجى usbيشغلك ووفر كبير زى الفل بس طبعا غالى عندنا فى السعودية creative يعمل فوق 300 ريال ووفر على الاقل 150 او 200 جنيه التعبان كمان
فى المقابل كل الانواع التانية توشيبا وسونى واتش بى ............الخ صوتها متوسط
اعلى حاجة ياباشا هو الديل معاه نظام صوتى srs وسماعتين كبار تحت الجهاز صوتهم عالى جدا ورايق على الاخر زى desk top واحسن يمكن بس الانواع الصينى هى الموجودة الان كان زمان بيتصنع فى ايرلندا كان جامد جدا فاحيانا تلاقيه يعلق شوية واحيانا يفصل الوايرلس من غير سبب وتعمل له ريستارت وانا الجهاز اللى معايا الان ديل i5 ورام 3 بس عشان الصوت بصراحة موش مهم العيوب ده بالنسبة لى
انا عندى فى مصر فوجيستو من 7 سنين شغال زى الحمار من ايام pentium 4 لغاية الان بنفس الكفاءة اللى اشتريته بيها بس هى مشكلة الصوت ومن شهر اشتريت فوجيستو لواحد زميل i 5 زى الفل وخاماته حكاية بس للاسف طلع صوته اسوء من القديم اللى عندى فى مصر
فخلى بالك من الموضوع ده وشوف انت احتياجاتك ايه
تقبل تحياتى