اولا الف مبروك علي العربيه وربنا يباركلك فيها
ثانيا : العربيه حتحتاج مصاريف لان سعرها كده مناسب للحاجات اللي فيها
بس بصراحه انا لو مكانك والموتوور معمول له عمره والفتيس مش عارف ايه
مش حفكر
حروح ادفع 5000جنيه واسقط موتور 1500 بالفتيس بتاعه بحاجته كلها
وكمان حتبقي اجكشن مش كربراتير
وتبقي العربيه واقفه عليك ب42 الف بس بموتور وفتيس 1500 مش 1300 كمان واتفرج بقي عالاداء والتكييف
اما لو عاوز تصلح فان شاء الله الله الاخوه يفيدوك بخصوص الاصلاحات لاني مليش خبره فيها اوي واللي مهم فيها الميكانيكي اللي شغال اكتر منها تكلفه الحاجه
بس اللي مستغربله ازاي الموتور معمول له عمره كامله وبيجيب دخنه سوده
بخصوص الفرش والتنجيد حتلاقي موضوع اعلاني عن جينز كار في المنتدي وده في مدينه نصر في شارع الطيران
حتلاقي عنده اشكال والوان من الفرش وبتكاليف مختلفه ممكن حضرتك تروح لهم وتعمل معاينه كامله وتعرف سعر التنجيد بالفرش حيعمل كام
http://www.nilemotors.net/Nile/133983-a.html
بخصوص الباب والكبوت والرفرفين كنت رحت لواحد اسمه ابو الهنا في الحرفيين عن طريق محمد الجرجاوي عضو معانا هنا في المنتدي
لو تحب ابعتلك رقمه عالخاص تكلمه وتسأل علي الاسعار بتاعت الحاجات دي هوا بيبيع ياباني بس مش تايلاندي ولا ماليزي
ونصيحه حاول تنجز في الشراء عشان بعد موضوع زلزال اليابان وتسونامي ده اسعار الياباني الاصلي حتولع ومش حتلاقيه موجود
فحاول تنجز في الشراء قريبا
الشبكه حتلاقيها في اي حته عند بتوع الاكسسوار او التوفيقيه ب60 جنيه والشبكه السبورت عامله 250 جنيه
بتدي شكل رياضي اكتر
وان شاء الله الاعضاء يفيدوك اكتر