الموضوع: استفسار فى الجوازات

يعنى اعمله الاتنين استلمه الاربعاء ولا ايه النظام ده انا اتسوح
وبعدين انا اتصور ان الروتين يخف مش يززيد.... وزمن الخدمة المفروض يقل
انا مش فاهم حاجة

انا مش بهاجم ولا حاجة انا بس نفسى الروتين يخف شوية والامور تبقى احسن باذن الله
نفسى نبقى زى بتوع بلاد برة كده تروح أى هيئة وانت مبسوط وحاسس ان الناس حريصة تقدملك افضل خدمة

المشاركة الأصلية كتبت بواسطة fepsceasar

هو ليه تسليم الجوازات المجددة بعد 3 ايام انا روحت الجوازات عايز اقولكوا المعاملة اسوا من الاول واقولهم انا مش ساكن هنا بس شغلى هنا والمهنة موجودة فى البطاقة والباسبور القديم الظابط ورئيسه مصرين اجيب جواب من الشغل مش يمكن الشغل له مقر تانى بالمناسبة ده كان فى مجمع التحرير، هل ده مقصود علشان اروح قسم تانى ولا ايه الموضوع مقر الاقامة فى الباسبور مش القاهرة ويا ريت حد يقولى على اقصر طريقة واسرع طريقة اجدد بيها الباسبور

ياباشا انا موظف فى الجوازات
المعامله مش اسواء ولاحاجه
طول عمرالجوازات من عاملين مدنيين وظباط بيعاملوا الناس احسن معامله وده فى الغالب مش كل الاماكن طبعا
الجواز بيتطبع كومبيوتر فى مركز اصدار للجوازات ومش يدوى زى زمان علشان كده بياخد يومين يعنى تقدم الاتنين تاخده الاربع هما يومين بس ده انت البطاقه بتاخد اسبوعين وساعات توصل لشهر كمان وموضوع مكان السكن ده تعليمات لازم تتنفذ محدش حيقدريغيرها على مزاجه الا اذا جت تعليمات جديده ليها من الوزاره
وبعدين خليك مكانهم هو كل واحد ييجى يقول انا ساكن هنا او مهنتى كذا ياخدوا بكلامه من غير مستند رسمى طيب تيجى ازاى دية هى الثوره اتعملت علشان الدنيا تبقى فوضى ولا علشان كل واحد ياخد حقه بالقانون وميتظلمشى

المشاركة الأصلية كتبت بواسطة fepsceasar

هو ليه تسليم الجوازات المجددة بعد 3 ايام انا روحت الجوازات عايز اقولكوا المعاملة اسوا من الاول واقولهم انا مش ساكن هنا بس شغلى هنا والمهنة موجودة فى البطاقة والباسبور القديم الظابط ورئيسه مصرين اجيب جواب من الشغل مش يمكن الشغل له مقر تانى بالمناسبة ده كان فى مجمع التحرير، هل ده مقصود علشان اروح قسم تانى ولا ايه الموضوع مقر الاقامة فى الباسبور مش القاهرة ويا ريت حد يقولى على اقصر طريقة واسرع طريقة اجدد بيها الباسبور

فعلا لازم جواب من الشغل للتحرير فقط
مع ان على موقع الوزارة انك تروح تسلم فى اى حتة
لكن لما رحت التحرير قالولى نفس الكلام فكان الحل الاسهل انى اروح المكان اللى انا تابعله فى البطاقة
وخلى بالك مفيش مستعجل
كله بيطلع بعد يومين تقريبا او 3

المشاركة الأصلية كتبت بواسطة moustafa_saad

وبعدين خليك مكانهم هو كل واحد ييجى يقول انا ساكن هنا او مهنتى كذا ياخدوا بكلامه من غير مستند رسمى طيب تيجى ازاى دية هى الثوره اتعملت علشان الدنيا تبقى فوضى ولا علشان كل واحد ياخد حقه بالقانون وميتظلمشى

معلش ياسيدى الفاضل جواب الشغل مش علشان يكتبلى فى الباسبور انى بشتغل فى المكان ده...الجواب مطلوب فقط علشان يرضى يطلعلى الباسبور من المكان ده...يعنى بتاع التحرير بيطلب ورقة تقول انى شغال فى حاجة فى التحرير...لو الجواب من منطقة تانية يبقى مش حيرضى يطلعه

وده اعذرنى منطق ملوش اى معنى...هو باسبور جايلك وخلاص اشتغل فيه..أنت مالك انا ساكن هنا ولا مش هنا ولا بشتغل هنا ولا مش هنا...حتفرق ايه فى الجراءات الباسبور مدام ورقى كامل (انا بتكلم حتى فى التجديد الللى بيجددلى الباسبور بنفس بياناتى القديمة بدون اى ورق جديد)

على فكرة القاعدة المتخلفة دى منتشرة فى غالبية الاماكن الحكومية الموظف اول متدخله وانت مش ساكن فى المنطقة يبصلك بنظرة انتصار وفرحة ويقولك مينفعش روح منطقتك

انا بتعاطف مع الموظف لما يقولى معلش دى اجراءات غصب عنى...لكن لما الموظف يبقى مقتنع ان ده صح وطبيعى تبقى مشكلة كبيرة