http://img105.herosh.com/2011/04/10/727391893.jpg
النهارده كان فيه ناس بتوزع منشورات بتدعو للمشاركه في مليونيه شرم الشيخ و بيقولو اللي عاوز يروح هيدوله التذكره ..!!! اراااااااهن انه كل اللي هيقع في ايده الاعلان ده هيروح الكلام ده على لسان واحد صاحبنا حد سمع به عشان لو بجد احضر العلم بتاعي والمايوه ومضرب الراكت :glasses08: :Copy of m-s5:
ايوه انا كنت فى التحرير يوم الجمعه وكان فيه كلام انتشر عن الحكايه دى بس مش متأكد انهم هينفذوا ولا لأ
قبل متوصله هناك هيكون هو انتقل مكان اخر ......................
انتشار أمني في شرم الشيخ بعد تهديد المتظاهرين بالتوجه للمدينة لمحاكمة مبارك
أعلن مصدر أمني تكثيف التعزيزات الأمنية فى جنوب سيناء وحول مداخلها ومخارجها، وكذلك تشديد الإجراءات حول مدينة شرم الشيخ حيث يتواجد الرئيس السابق حسني مبارك.
وقال المصدر الذي رفض الكشف عن هويته لوكالة الأنباء الألمانية (د. ب. أ) إنه تم اتخاذ تعزيزات أمنية حول المنتجع الذى يوجد به مبارك، مضيفا: "عقب الدعوات خلال مليونية المحاكمة والتطهير أول أمس الجمعة في ميدان التحرير التي طالبت بالتوجه إلى شرم الشيخ، كثفت الإجراءات الأمنية فى جنوب سيناء وحول مداخلها ومخارجها وكذلك تم تشديد الإجراءات الأمنية حول مدينة شرم الشيخ".
يأتي ذلك وسط تحذيرات بتأثير هذه الإجراءات على حركة السياحة في شرم الشيخ بعد حدوث انتعاشة فيها مع وصول أفواج سياحية أوروبية وخاصة سائحين من بريطانيا بالإضافة إلى سائحين من روسيا .
وقال مصدر وخبير سياحى من جنوب سيناء إن جنوب سيناء وخاصة شرم الشيخ بدأت بالفعل فى استعادة مكانتها الطبيعة كأفضل مدينة سياحية ساحلية فى مصر مع تدفق السياحة الأوروبية والعربية والخليجية والداخلية .
من جانبه أكد المصدر الأمني أن السياحة بدأت بالفعل فى العودة إلى النشاط ولكن بنسبة لا تتعدى 50% بالمقارنة بمثل هذا الوقت من كل عام.
وقال صاحب فندق فى شرم الشيخ لـ (د. ب.أ) إن التعزيزات الأمنية التى بدأت منذ بداية الأسبوع الحالى من شأنها التأثير على السياحة وخاصة الأوروبية حيث يفضل السائح الأوروبى الحرية الكاملة فى التحرك والتصرف. مضيفا: "نخشى أن تؤثر زيادة الإجراءات الأمنية على حركة السياحة فى شرم الشيخ".
على أي أساس هذه التعزيزات الأمنية المشددة للمواطن محمد حسني مبارك؟؟؟؟
لو الخبر ده الصحيح ، يبقى أنا معنديش ذرة شك واحدة بتواطؤ المجلس العسكري مع النظام السابق واحتمالية إعادة مبارك للحكم.... وكل ثورة والشعب المصري بخير وصحة وعافية....
كلام سليماقتباس:
المشاركة الأصلية كتبت بواسطة thedeveloper87
طالما موطن عادي
يجيبوه يقعد ع الدكة قدام ظابط ملازم أول...والكلبوش في إيده
ويقعد قدام أوضة وكيل النيابة لما العسكري يندهله
انا بقترح اللي هيروح شرم يروح بعجلة
ليه بقى
لان السيطرة انك تقنع اصحابك ان شرم .... بالعجل اسرع
طيب نفترض اننا رحنا ونفترض اننا عرفنا ندخل شرم ونفترض اننا عرفنا ندخل الجولف ونفترض ان المخلوع كان جوه ونفترض اننا مسكناه هو والحيزبونة والمحروس حنعمل فيهم ايه ؟
هههه هنحكيلهم حدوتة امنا الغولا وابو رجل مسلوخه
أكيد مش هتوصل لحد مايتمسكاقتباس:
المشاركة الأصلية كتبت بواسطة abou_ruqi
بس الرسالة توصل له..وتوصل للمجلس العسكري
إن الناس هتاخد خقها..بالذوق أو بالعافية
بسسسسسسسسسسسسس
وحشني ياأبورقية
بس انتو امسكوهم
والكمبروسر والبطش والخوابير والسلسيون واي عده لازمه للنفخ واللحامات
عليا
وتقريبا فاضل عندنا 4 جنشات فاضيين مش معلقين عليهم عجل
اهو ينفعوا بدل ركنتهم
حبيبي يا ابو حميداقتباس:
المشاركة الأصلية كتبت بواسطة a7med_pharma
لا بجد اصل مش معقول نسلمهم للأمن ,لإن هما تحت إيديهم اساسا
ومش معقول نسيب الشبيحة يعملوا فيه زي ما عملوا في مأمور قسم الجمرك يوم 28 يناير
فليه نروح ونكلف نفسنا و نبوظ السياحة ونعكنن على اللي لابسين بيكيني ؟؟
ابو جوجو اتوقف على فكره
خير اللهم اجعله خير
ايه الي حصل؟؟؟
اقسم بالله ان الخطة واضحة و مرسومة كويس اوي
قالو زمان اصلهم متواطئين معهم و اذ بنا نجد ( العادلي و جرانة و المغربي و عز ) شرفو في العنبوكة
قالو اصلهم هيعدمو العادلي علشان هيتكلم و يقولو انتحر
و ادينا قاعدين و كل يوم و التاني يخرج و رفاقه لمحاكمتهم و سط الجموع و لسه لم يموتهم الجيش
قالو اصلهم متواطئين مع عزمي و مع سرور و مع فلان و مع علان
اتحبس ( زكريا عومي ) بالقانون و غيره عمال يدخل العنبوكه
و لو المجلس العسكري مداري علي حد كان هربهم من زمان
مبارك مفيش حد بيحميه لو كانو ناويين يحموه كانو هربوه قبل ان يصدرو قرار اعتقال له
مفيش واحد شريف طلع يكذب الاخبار و الشائعات التي كانت منتشرة من ان مبارك راح علي السعودية للعلاج محدش استطاع ان يشهد حق و يقول مازال مبارك موجود مع ان اليوم السابع و غيره طوال كام اسبوع بيتحفونا بأخبار كاذبة هم و قنوات الفجر و الخزي الفضائية و قناة عم ساويرس اللي عاوزها تشعلل نار و هوه اول من كان مستفيد من نظام مبارك
نفسي نفكر شوية
ما الذي منع مبارك من الهروب زيه زي غيره
من الذي منعه من ان يدور يقتل في الشعب بالجيش
ايوه اقف كده لحظة مع نفسك
هترد تقول الجيش لم يرضي يضرب الشعب
اجاوب انا و اقول طب الحمد لله يعني هوه قال لهم اضربو و هم لم يرضو و لما حدث ذلك اجبروه علي الانعزال و استولو علي الحكم
يبقي هما وطنيين
و احد هيرد و يقول لا هما اجبرو علي كده
هقول طيب هما لو اجبرو علي خلعه
طيب ليه لم يدعوه يهرب حينما احسو بأصرار الشعب
واحد هيقول مهما دلوقتي خايفين علي نفسهم
يبقي هرد و اقول يبقي هما كمان عارفين ان الدور عليهم
يبقي الغلط مش فيهم يا حلوين الغلط في اللي عمال يتحامي فيهم من الاول و يخدعهم و يقول لهم احنا و انتم ايد واحدة
ثم حينما يملك يقول لهم لا لا لا
راحت عليكم احنا هنضرب قيادتكم في مقتل
علشان عاوزين الجيش كمان يبقي فيه شوية اعتصامات علي شوية اضرابات علي شوية مطالب فئوية
و ايه المشكلة لما شوية ضباط يعترضو كمان علي رؤسائهم و يجرو علي التحرير و يحتمو بكام واحد
اصحو يا قوم
هذه فرصة الاعداء
و الله احنا بنحلم لو عاوزين ناخد بلد ( من الجنة )
فيه من شباب الثورة الحرامي زي بالضبط ما فيه وزير من الحكومة السابقة شيخ منصر
و فيه من شباب التحرير الزاني زي ما فيه وزير سابق منحرف
و فيه زي ما فيه
و احنا عاوزين نجتمع قبل ان يحدث لنا هلاك الفرقة
م.حاتم السباعي
الله ينور عليك ياباشمهندس
والله الجيش لو متواطئ كان زماننا ليبيا
الجيش لما وقف مع الرئيس اهي البلد ضاعت وبيقتلوا الشعب
يارب احمي مصر
فين بس يا أ.صبحياقتباس:
المشاركة الأصلية كتبت بواسطة funnymickey
الجيش وقف معاه فين
هوه لازم يعتقل يعني علشان يبقي مش واقف معاه
يا اخي الكريم احنا نسينا خلاص شعارات الناس اللي راحت التحرير
( ارحل ) و لما رقص وائل غنيم و شرح ان ارحل يعني امشي
دلوقتي بقت ( ارحل يعني اعدم )
يعني احنا طبعا لن نقول انه صاحب قلب و حقن الدماء
و لكن يجب ان نكون صادقين و نقول ان الجيش متمثلا في المجلس العسكري امن بلدنا و شبابنا و شعبنا من ان يحدث فينا مثل
ليبيا و البحرين و اليمن و اخيرا سوريا
نيجي الان و نقول انهم خانو العهد و بيحمو الرئيس
اظن دي تحتاج دليل
م.حاتم السباعي
+999999999999999999اقتباس:
المشاركة الأصلية كتبت بواسطة hagan
ياباشمهنس حاتم
فيه ناس معتقدة ان مبارك سبب فساد البلاد وسبب الغلاء وسبب عدم وجود تعليم وصحة وداخلية وكل حاجة
وعلشان كدة لازم يتعدم علشان يرتاحوا
ولازم الجيش يضرب فى بعضه علشان الثورة تنجح
الفساد كان فساد شعب وحكومة
مش حكومة بس
وبالمناسبة
الاخوة اللى هيدفعوا للناس تمن التذاكر
تمويلهم ده جاى منين اصلا
فعلا مبارك غلبان و طيب و احنا اللى نستاهل ضرب النار:beatdeadhorse5:اقتباس:
المشاركة الأصلية كتبت بواسطة A.Saad
مش كفاية اننا بناكل و عايشين ؟!!
بالتأكيد من القاعدة فى أفغانستان و اسرائيل و إيراناقتباس:
المشاركة الأصلية كتبت بواسطة A.Saad
لقد خالفت القاعدة رقم (9) بند (أ) من قواعد المنتدى لذا يتوجب حصولك على تحذير
يرجى مراجعة قواعد المنتدى
تم التعديل بمعرفتي
مشرف ب2