السلام عليكم...

الموضوع ده الي شجعني اعمله الشغل الجامد الي بيعملوا اعضاء المنتدى بنفسهم و المواضيع الي بيساعدوا و يشجعوا بيها اي حد يعمل حاجه في عربيته

انا جبت فانوسين استيراد ب 600 جنيه و ابتديت ادور ازاي افك الباغه و ده موضوع لقيت كذا حد هنا محتاس فيه زي ...المهم بعد البحث لقيت كذا طريقه :

1. الفرن ...ايوه في الفرن بتاع بتجاز البيت D: ..المفروض تفك كل اللمض والاسلاك قبل متعلق على الفانوس تحط الفانوس 10 دقائق في نص الفرن من غير ميلامس جوانب الفرن .. ده هيسيح السيليكون الي لازق الباغه ..تطلع الفانوس و بمفكين عاده تبتدي تفصل الباغه عن الفانوس و بموس تمشي في الفراغ بين الاتنين عشان تقطع السليكون هتكرر الموضوع ده كذا مره من غير استعجال عشان متكسرش الباغه ..... كل ده كلام عالورق D: انا جيت اجربه قلبي مطاوعنيش و مصبرتش اكتر من 5 دقائق عليه في الفرن طبعا ملحقش يسيح السيليكون ... مع ان الطريقه متجربه بس فين الشجاعه D:

2. السشوار ... بتاع الشعر تمشي بيه على الفاصل ما بين الباغه والفانوس بانتظام و برده بالموس والمفك تبتدي تفصلهم براحه و حذر عشان السيليكون مش هيكون سخن بنفس درجه الطريقه الاولى .. الي جربوا الموضوع قالوا متركزش بالسشوار على حته واحده فتره طويله عشان متسيحش الفانوس ( على اساس انوا اسخن من الفرن!!! )

3. دفايه ... الموضوع ده تقريبا شفت استاذ MMDOUH هوا الي عمله في فانوس نوبيرا ..المفروض الطريقه زي السشوار

4. ماء مغلي ... الطريقه دي عضو هنا في المنتدى قال انوا سمع ان بتوع تعديل الفوانيس بيستخدموها بس مكنش جربها فقولت اجرب انا اهوا ارحم من الفرن برضه .. جبت حله كبيره ومليتها ميه سخنه من السخان و حطيتها على النار .. و غطست وش الفانوس فيها و كل 2-4 دقائق بطلع الفانوس و بمشي بالموس و بحاول افصل بالمفك ...طبعا احتاجت اكتر من مره لحد مفصلت الباغه خالص ... المشكله في الطريقه دي ان بخار الميه اثر في لون الفانوس السلفر خلى الدهان مش ثابت فمحتاج حرص ان اثناء الفك متخليش الميه تلامس القلب فتره كبيره و متمسحش القلب بقماشه او تلامسه بايدك لحد متخلص الفصل و تسيبه ينشف و يبرد ... من الاخر الطريقه دي بلاش حد يعملها الا الي ناوي يدهن الفانوس من جوه زي مانا عملت
دي الصور بعد مفكيت الفانوس




Uploaded with ImageShack.us


Uploaded with ImageShack.us

نيجي للخطوه التانيه: الدهان
الادوات: علبه ابراي اسود ميتاليك 6.5 جنيه .... سلك مواعين 5. جنيه .... علبه دهان اسود + فرشه وسط + فرشه قلم (رفيعه) +ازازه تينر 11 جنيه .... حبه جرايد قديمه

الفانوس متكون من فريم بيتفصل و الجزء الي فيه اللمض ... بسلك المواعين شلت الدهان من الفريم و نضفت بقماشه ... هندهن الفريم بالسبراي ... من مسافه 10 -15 سم ابتدي رش الفريم ترش الجزء وش واحد و تسيبه 10 دقائق و تكمل بعدها في الجزء الي مترشش ... عيد الرش لحد متوصل للدرجه الي عيزها ... نصيحه جرب الاول على حاجه تانيه او في جزء مش ظاهر من الفريم .. و سيبه ينشف

اما الجزء التاني فبالدهان العادي خففوا بشويت تنر و بالفرشه ابتدي ادي اول وش ... هيكون خفيف و فاتح ..متقلقش مع ال وش التاني و التالت هيغمق بس المرادي بين الوش والتاني 6-8 ساعات عشان الدهان يمسك كويس ... المهم اثناء الدهان يكون معاك قماشه نضيفه عشان تمسح اي دهان يجي في حته عايز تسيبها سلفر..


Uploaded with ImageShack.us

ده الشكل بعد 4 وشوش بالفرشه و 2 بالسبراي


Uploaded with ImageShack.us

ده الفرق مبين قبل و بعد

Uploaded with ImageShack.us


Uploaded with ImageShack.us


Uploaded with ImageShack.us

وده الشكل النهائي بعد التقفيل بالسيلكون الاسود

Uploaded with ImageShack.us


Uploaded with ImageShack.us

وده في العربيه بعد التركيب والغسيل D:

Uploaded with ImageShack.us


Uploaded with ImageShack.us

يلا مستني ارائكم و مشاركتكم ....