الموضوع: جهاز المنافسة: فرض وكيل "كيا" رسوم لصيانة السيارات الخليجية قبل التصليح غير مخالف

المشاركة الأصلية كتبت بواسطة salodas

النقطة الأولى:
أنا اشتريت سيراتو خليجة على أساس أنها سعودى وطلعت عمانى بالرغم من موجود اللوحة على القايم الأيسر (طبقا للمواصفات الخليجية السعودية) وده طبعا من سمير ريان. حد يعرفنى الفرق بين العمانى والسعودى.

النقطة الثانية:
أنا شارى ضمان من شركة aaa لمدة ثلاث سنوات ... عاوز أعرف متى استفيد من الضمان ده يعنى فى حالة عيوب الصناعة ولا فقط عمل الصيانات .
هل معنى الكلام الموجود فوق فى الموضوع الرئيسى أننى فى حالة أى عيب صناعة لازم أدفع 4000 جنية علشان يتصلح ..طيب لزمته أيه الضمان الى أنا شاريه

اللون الاحمر مخصص للادارة فقط

مشرف عام الكورى و الماليزى

بص يا باشا

اولا - الضمان اللي انت شارية مالوش علاقة بالتوكيل - دي شركة خاصة بتتحمل اعباء الضمان مقابل مبلغ مادي انت ببتدفعة

النص في الاعلي بيتكلم علي اذا انت شاري خليجي او اي عربية من خارج الوكيل وحصل عيب صناعة - الوكيل في مصر لا يتحمل تغيير القطع المعيبة - انت تتحمل ثمنها

والمبلغ المطلوب من الوكيل 4000 جنية دة مقابل فقط السماح لسيارتك الخليجي بدخول الوكيل والصيانة داخلة - لكن لا يعوضك عن اي عيوب صناعة


يعني انت اشتريت خليجي يبقي :

1- عايز تصون السيارة داخل التوكيل تدفع 4000 جنية

2- طلع عيب صناعة - انت تتحمل تكلفتى بالكامل

3- ضمان aaa - لو انت مشترك حيعوضك عن عيوب الصناعة ( ودة مش مضمون 100% )

4- ممكن تصون عربيتك في اي مركز خدمة بيشتغل في الكيا


يعني من الاخر - انت لو خليجي يبقي مع نفسك تماما

بس الخليجي لية حسنة انا شايف انها تحفة
انك ممكن تركب وتعمل اللي انت عايزه في العربية مش زي حالاتنا - حتي الانذار والكلاكس ممنوع نغيرة الا عندة وبضعف التمن