لا هما بالظبط واحد في النص واتنين جاين تقريبا علي اليمين شويه يعني مش في النص بالضبط وطبعا هما بعاد عن بعض يعني تحس انهم موزعين علي التاير شبه علامه المرسيدس بالظبط
عرض للطباعة
لا هما بالظبط واحد في النص واتنين جاين تقريبا علي اليمين شويه يعني مش في النص بالضبط وطبعا هما بعاد عن بعض يعني تحس انهم موزعين علي التاير شبه علامه المرسيدس بالظبط
ممكن تشيل الخوابير وتلحم الكاوتش من الداخل انضف واامن انا بعمل كده علطول علشان الخابور بيخلى الكاوتش يفتل بس اعمل علامه بين الجنط والكاوتش علشان متخلفش الترصيص
عاطف فيه كوتش ميشلان بايلوت للسرعات العاليه موجود هنا بحوالى من 1600 ل 1800 للفرده ال190 اللى ورا
بيزيد 100 جنيه لل الفرده ال200 متشغلش بالك يا باشا وتشيل من هناك وشحن وقرف نفس السعر هنا ولو زاد هيزيد حاجات بسيطه
سيب الموضوع ده على ربنا ثم عليا
شكرا ياكبير انا عشمي فيك كده برضه وانا عارف انك كدها وطالما الاسعار كده يبقي خلاص اشتريه من مصر وبلاها قرف الشحن والمشاكل والف شكر ومنتحرمش منك يارب
انا اول مكنة جبتها عملت فيها 23 خابور وكنت بجرى بيها لو فيها 3 خوابير دى مش مشكلة فك الفردة واعمل لحام داخلى بس اقول للراجل بتاع الكاوتش من غير تجليخ او تجليخ على اد اللحام بالظبط
بس يا عاطف الخطوره كلها ف ان الفرده لما بتسخن على السرعات العاليه (ودا حصل معايا مش فتى)
مكونات الخابور نفسها من مواد لاصقه ومكونات اساسيه
بتتاثر بالحراره ونتيجه (الطرد المركزى ) الرهيب اللى بيكون على الخابور نتيجه دوران الفرده
بيتزحلق ويطلع من الخرم (زى الحلاوه ف السكين) ههههههههههههههههههه
وهتلاقى الخابور طار ولزق غ الرفرف والعجله نامت منك ف السكه
( انا عن نفسى ليا مواقف زى الزفت مع موضوع الخوابير)
مبلقيش حد يعملها بضمير
بس مره عملت خابور حقن بجهاز جاى من بره (هحاول اجيب الفيديو بتاعه)
قعد معاي مده كبيره من غير مشاكل
اهااااااا كده انته وضحت ياكبير وتفسيرك منطقي فعلا الحراره والطرد المركزي ممكن يطلع الخابور وبكل سهوله يبقي في الحاله دي زي ما قال ديابلو يعتبر الافضل اللحام الداخلي الف شكر ياجماعه لكل من شرف الموضوع ورد ولو بكلمه
فعلا اللحام من الداخل افضل واامن بكتير زى مابعمله بالضبط بس خل بالك من الترصيص اعمل علامة بين الجنط والكاوتش علشان متخلفش الترصيص وتقريبا الترصيص هيكون جمب البلف علشن الوزن بتاع الجنط