مراحل دهان حائط

**شريف** · 11-04-2011 02:39 PM

السلام عليكم

عندي الشقة علي المحارة المفروض ابدء بسيلار بعد كدة كام وش معجون و بعد مخلص تركيب السيراميك كام وش بلاستيك اديه بالظبط و يا تري في افكار للدهانات او حاجات جديدة؟

**M.Hosni** · 11-04-2011 03:24 PM

بعد السيلر الحيطة بتاخد سكينتين معجون و ممكن تحتاج الثالثة حسب حالة المحارة هل خشنة ولا ناعمة و فيها عيوب ولا لأ
و نصيحة لو المحارة خشنة ممكن تحط شوية اسمنت على أول سكينة معجون علشان متاخودش معجون كتير
و بعدين بتاخد وش بطانة ابيض و بعد كدة اما تخلص باقي شغل في الشقة تاخد و شين التشطيب

**شريف** · 12-04-2011 11:54 AM

شكرا يا باشا و ايه رايك في المعجون البلدي امتي بنحتاج نعملة؟ و مش بيبقي في وش سيلر قبل وش البطانه ولا هو بيمزج السيلر مع البلاستيك؟

**شريف** · 19-04-2011 12:17 PM

طب في ناس بتستخدم في الاول حاجه اسمها معجون ممتاز دة اساسة جبس؟
يعني علي المحارة علي طول

**remomemo** · 19-04-2011 11:43 PM

المعجون اللى اساسه جبس ده شائع جدا فى القاهرة لكن اللى مستخدم فى باقى المحافظات هو المعجون البلدى النقاش الممتاز بيستخدم معجون بلدى اكتر من جاهز وطبعا لازم 3 سكاكين معجون وانت بتستلمهم من عند منطقة فتحات الكهربائء اللى بيتحط عليها الوشوش بعد كده لانه بيسيبلك حتت منها وتلاحظ اختلاف درجة لون كل وش عن التانى
بالنسبة للاستلام مهم جدا انك تلمس الحيطة كتير وتشيك على نعومتها واوعى تستلمها فيها اجزاء خشنة طبعا النقاشة الكويسة بتلاقى من تانى وش محارة كانها اخدت وش بوية فى عنعومتها وتبص كويس على كل اجزاء الحيطة عشان ماتبقاش مربية معجون كتير ويعملك طبقة سميكة مع الوقت تشقق
بالنسبة للجديد فى الدهانات
الموضة حاليا انك تدخل ورق حائط معاك فى بعض الحوائط وده سهل لانك بتقول ان الحائط عندك بلاستيك (ورق الحائط يتركب على حائط اخد وش بلاستيك )
والاوان انا فى راى مالهاش موضة (المنتشر حاليا الاوان الغامقة لانها بتليق كتير مع العفش المودرن )لكن دى ترجع لزوقك طبعا والوان العفش
الدهانات مازالت سبونجات خفيفة لكن دى بتحتاج انها تتعمل على حائط متاسس زيت وانت عامل بلاستيك

**شريف** · 19-05-2011 12:27 PM

المشاركة الأصلية كتبت بواسطة شريف

شكرا يا باشا علي الرد بس انا ليه سؤال علي الاسقف لو معموله مصيص اسيبة زي مهو و لا لازم اديلة بلاستيك و ول كدة ايه الخطوات بالظبط يعني سيلار و معجون و كام سكينة مثلا و كام وش بلاستيك واحد و لا اكتر