تركيب غاز للساجا ؟؟

**blackbird** · 11-04-2011 03:07 PM

السلام عليكم

انا بفكر جديا انى اركب غاز للساجا لسببين:
اولا لان الساجا معايا بتسحب بنزين كتير وده بشهادة معظم اعضاء المنتدى والواضح كده ان مفيش امل فى حلها والكل يقول استمتع بالعربية وب موتورها الجامد.
ثانيا لان الغاز بصفة عامة اوفر جدا.

السؤال بقى هل الغاز بياثر على الموتور و على عمره الافتراضى و بيقلل من عزمه ولا لا ؟
و سعر البيع برضه للعربية هل بيتاثر ولا بيزيد ؟
و سعر تركيب الغاز كام تقريبا؟ ومعدل استهلاك الغاز قد ايه برضه ؟

متشكر جدا

**mememsaid** · 11-04-2011 03:36 PM

انا مش عارف بصراحه بس اللي انا اعرفه ان الغاز بيقلل العمر الافتراضي للموتور

**marsguy** · 16-04-2011 11:41 AM

على ما أعتقد الغاز بيقلل العمر اللإفتراضي للموتور لكن مش للدرجه المهوله

كان في أخ عامل دراسه علميه عن الموضوع ده هنا. حضرتك ممكن تدور على الموضوع

بس المشكله الكبرى إن إسطوانة الغاز هاتاكل مساحه كبيره جداً من الشنطه. وكمان تكلفة التحويل للغاز مش قليله وكمان أداء العربيه هايقل عند إستخدام الغاز عشان الغاز بيولد قوه أقل وحتى وانت شغال بالبنزين أداء العربيه هايكون أقل عشان وزن أنبوبة الغاز أكيد هايكون حمل على الموتور. ده غير طبعاً لما حضرتك تبيع العربيه ها تخلي نسبه كبيره من المشترين المحتملين ينفروا من العربيه أصلاً لما يعرفوا إنها محوله غاز.

بصراحه أنا شايف لو حضرتك وصلت لطريق مسدود مع الساجا وعاوز تريح دماغك من البنزين، أحسن حاجه تبيعها وتجيب ياريس.

**sayed911** · 16-04-2011 02:04 PM

هوة ممكن تطلب من التوكيل انه يوفرلك طقم الغاز الخاص بيها من ماليزيا على اساس يبقى عليها شهادة ضمان زي ما بتنزل برة في ماليزيا تبقى عندنا هنا وتبقى تحت عنين التوكيل