انا عندي بيجو 305 موديل 79 و عاوز اشدها جامد

انا عاوز اقول حاجه
بس من غير تريقه
ممكن ؟
انا عندي بيجو 305 موديل 79
و عاوز اشدها جامد
انا بدأت بالموتور لاني مهندس ميكانيكا ظبطه و خلاص الحمد لله ميه ميه
باقيلي حاجتين عاوز اعملهم
1-الشكل الخارجي
2-الصالون
انا عارف العربيه قديمه جدا
بس شفتلها صور علي النت تلحس
بس مجرد اتقان عمل مش فكر و الوان و كده
عاوز كساحات و سبويلر
عاوز ادخل لونين سوا
عاوز لو ينفع العب في الفوانيس
حركات يعني و همتكم معايا
الصالون عاوز اظبطه و اشده علشا يبقي تمام
انا بشد العربيه دي علشاني و تعيش معايا يعني مش موضوع بيع و لا غيره
لان بجد علي الرغم من ان العربيه دي قديمه
بس البيجو تصرف عليه ينعنشك
و اسف للاطاله
و انا بجد مليش عد ربنا غيركم علشان يساعدني

بص اي عربيه مهما كانت ايه بتتظبط ولا تريقه ولا حاجه
انا معايا شاهين وناس كتير قالتلي ياعم هات حاجه كويسه وظبطها بس بردو كل واحد ودماغه:36_1_50[1]: والحمدلله ظبطت فيها كتير اوي اوي يعني انا داخل ف اكتر من 10.000 جنيه
بص انتا لو عايز العربيه تنتطق جنطك مثلا 13 هات جنط 15 ومتكبرش عشان العفشه وكدا وهبطها ورشه نضيفه واكصدامات وعتب بس كدا انتا خلصت في العربيه من برا ومن جوا فرش نضيف كدا مع لون العربيه علي ار بي أم
علي كاسيت كويس وبازوكا كدا:B4_033:
بس كله بعتمد في الاخر علي الميزانيه اللي انتا حاططها ومش لازم تنزل بالحاجات دي كلها مره واحده يعني انا ليا سنتين بظبط الكاشات بتيجي حبه حبه:crying2:
وتقبل مروري

اخي العزيز بارك الله فيك
طب بالتقريب التظبيط يتكلف كام علشان اظبط
بالتقريب علشان نشوف الميزانيه عليها

بص كلامي كله هيكون بالتقريب
جنط انا عندي جنط 14 جبته ب 1300 يعني 15 قول يعمله 1500 بس ال عندي تايلندي يعني السعر بيفرق من نوعيه لنوعيه
4 فرد كاوتش جبتهم ب 1260 185/60 سرعات
تعديل الشكل بقا هيفرق عند ال هشتغل عنده وطبعا من شكل لشكل بس نقول تقريبا اكصدامين وعتب حوالي 800 قابله للزياده
الرش بقا معرفش فيه اوي ومقدرش أديلك كلمه فيه
فرش جوا مش هيعمل كتير يعني ممكن 250 ولو عايز حاجه ب 150 هتلاقيها ف توفيقيه بردو بس كله اختلاف خامات
طقم الصوت بقا دا مزاج مثلا بتحب تسمع صوت بس بتحب تسمع بيز كدا يعني
والباقي ممكن تجيب ديفيل محترم علي أر بي أم او 3 عدادات قايم علي شويه اكسزيورس يعني