اخيرا تم حبس صفوت الشريف ( الشهير بموافي من ايام الــــ .... تيييييت .....) 15 يوم
كدة ناقص الترزي فتحي سرور
...
وبعدين صاحب المحل واولاده ومراته
..
..
اللهم لك الحمد
عرض للطباعة
اخيرا تم حبس صفوت الشريف ( الشهير بموافي من ايام الــــ .... تيييييت .....) 15 يوم
كدة ناقص الترزي فتحي سرور
...
وبعدين صاحب المحل واولاده ومراته
..
..
اللهم لك الحمد
الله خبر 100%
[OVERLINE]عقبال الكبير واسرته[/OVERLINE]
لسه انكروا الخبر و التحقيقات مستمرة
قولوا عقبال الفلوس المنهوبه ترجع مصر و نتستفيد بيها
يا رب نشوف بو طلعه جويه لابس الدرينج الابيض و بعدين الاحمر
[overline]ساعتين وحتلاقيه مع بقيه العصابه في طره لاند[/overline]
الحياة
....
الإثنين, 11 أبريل 2011
القاهرة - يو بي آي - قرر جهاز قضائي مصري حبس صفوت الشريف، احد اركان نظام الرئيس المخلوع حسني مبارك، لمدة 15 يوما على ذمة التحقيقات في اتهامات بقضايا فساد.
وحضر الشريف، رئيس مجلس الشورى (الغرفة الثانية للبرلمان المصري) المنحل، صباح اليوم التحقيقات امام جهاز الكسب غير المشروع في اتهامات بتضخم ثروته بطريقة غير مشروعة.
وكان رئيس الجهاز عاصم الجوهري اصدر في الرابع من ابريل'نيسان الجاري قرار بالتحفظ على اموال الشريف ومنعه من السفر في اطار التحقيقات الجارية حول ثروته.
وكان الشريف احد الاركان القوية لنظام مبارك، فقد شغل ضابط المخابرات السابق منصب الأمين العام للحزب الوطني الديمقراطي الحاكم سابقا من 2002 وحتى اقالته خلال ثورة 25 يناير'كانون الثاني.
وعرف الشريف بقربه من الرئيس السابق، وشغل لفترة من الزمن منصب وزير الاعلام.
:verygood::verygood::verygood::verygood::verygood: :verygood::verygood:
اهو ده لوحدة بـ 3 مبارك
ده من ايام عبد الناصر يا جدعان
بس يا ترى ها يطلعوا منه ايه ولا غيه
يواصل جهاز الكسب غير المشروع بوزارة العدل برئاسة المستشار عاصم الجوهرى، أولى جلسات التحقيق مع صفوت الشريف الأمين العام الأسبق للحزب الوطنى ورئيس مجلس الشورى السابق، فى الاتهامات المنسوبة إليه باستخدام منصبه ونفوذه فى تضخم ثروته.
ومر على بدء التحقيقات 4 ساعات متواصلة، ولا زالت جلسة التحقيق مستمرة، فيما يعطى مؤشراً لسخونتها، خاصة وأن المعلومات الأولية عن التحقيق تفيد بمواجهة الشريف لقائمة كبيرة من ممتلكاته العقارية بداية من الفيلات والقصور والشاليهات والوحدات السكنية بالساحل الشمالى والقاهرة والإسكندرية والإسماعيلية، بالإضافة إلى سيارات مرسيدس وأسهم وسندات بالبورصة المصرية.
وفى الوقت ذاته، تجمع العشرات من المواطنين أمام وزارة العدل، مرددين هتافات ضد الشريف، ومطالبين بالقصاص من أرواح شهداء ثورة 25 يناير.
انا شايف ان الراجل ده اخطر واحد في الشلة دج كلها اعتقد ان هو ده الرأسي المدبر لكافة انواع الفساد والبلطجة المنظمة والثورة المضادة
يارب ينتحر في السجن يارب ... زي ما عملو في البطل سليمان خاطر
:_Alshmokh22[1]:
الحمد لله من احسن الاخبار اللى سمعتها فى الايام دى و ابتديت اتفائل شوية
انا أعتقد انه اهم وأخطر من مبارك نفسه
لان خريج مدرسة مخابرات اسمها استخدام الأساليب القذرة للوصول للغاية
والدليل حرقة غرفة جهنم فى مقر الحزب الوطنى :Oc_sun1[1]: يعنى ماسك على كل واحد زلة فى البلد
لو فاكرين
اخيرااااااااااااااااااااا اااااااااا
شكرا لكل من ضغط حتى يتم محاكمة الفساد
شكرا للقضاء المصرى
شكرا فعلا
أية يا رجالة بالراحة على الراجل دة حتى نسمة ههههههههههههههههههههه
بالشفا أن شاء الله دة خطير جدا بجد و داهية مسيحة فى منتهى الذكاء بجد و ذكاؤة غير طبيعى بس شرير شويتين على الله يثبتو التهم علية و بالشفا و مع ألف سلامة و القلب داعيلة .
بجد الاخبار كدة بقت حاجة تفرح صدقتم لما قولنا فى الاول الشلة كلها حا تكر ورا بعضها دول عصابة بجد من المحترفين
شكرا للثوار و للجيش
ما ضاع حق وراءه مطالب
ما ضاع حق وراءه مطالب
الحمد لله .ده كان المفروض يبقى مكانه من ايام عبد الناصر وشغله مع صلاح نصر فى جهازهم القذر .ربنا يمهل ولا يهمل .
الخبر حتى الأن مش مؤكد وبعد ما اتحط اتحذف من كذا موقع
جميل انه اتقبض عليه ان تأكد و لكن لى رأى قد يغضب بعض الزملاء الاعزاء
و هو لابد الا نبالغ فى الفرحة الان و ننتظر ما ستؤل اليه الامور و دافعى فى ذلك اربعة اسباب
* الاول : هو تأخر التحقيق معه و مع اخرين لمدة قاربت الشهرين و طبعا أكيد فى الشهرين دول هؤلاء البشر لم يكونوا قاعدين حاطين ايديهم على خدهم و مستنيين النهاية السيئة بل تم اتلاف ادلة و تحويل اموال و اخفاء ما قد يستخدم ضدهم
* الثانى : لو كان احد من هؤلاء قد شعر بأن هناك ما قد يدينه كان هرب بره مصر و بالمناسبة لا المجلس العسكرى و لا غيره كان هيقدر يمنعه طالما ليس تحت الحراسة و لنا الامثلة فى شباب مصر التى تقوم بالهروب الى اروبا عبر البحر و كذلك فى هروب معتقلى حماس و حزب الله و اصبحوا فى بلادهم خلال ساعات فما بالك بهؤلاء الاباطرة
* الثالث : هذا الرجل خزينة اسرار و لو وقع هيجر معاه ناس كثير و بالتالى صعب يدان
* الرابع : اخيرا يتم التحقيق و احتجاز هؤلاء الفاسدين بعد اشتداد الضغط على المجلس العسكرى و الذى قام بأتخاذ هذه الخطوات لتهدئة الناس
و بالتالى انا انصح بالانتظار لما سيتم مع هؤلاء
اتنشرت في موقع العربية
الشريف في بورتو طرة
...
اللهم عليك بالظالمين الذين طغوا في البلاد فأكثروا فيها الفساد
تم تكذيب الخبر للاسف علي قناة الحياه الان
هما قالوا بس انه صاحب اطول فترة تحقيق لمدة 8 ساعات متواصله بعد زكروته :untitled 1:
يراعى ان جريدة اليوم السابع غير محايدة لكون صفوت الشريف و نجله شركاء فيها , لذا يتعين عدم الاعتماد عليها فى الاخبار الخاصة بصفوت الشريف.
دول لسه بيحققوا معاه لحد دلوقتي!!
دول كده داخلين على 12 ساعة :Ka_che1[1]:
انا صعبان عليا الناس اللي بتحقق معاه ..... اكيد زهقو ونفسهم يغور في اي داهية بعيد عنهم .... بس يروحو بيوتهم
...
موافي ده عامل زي ضرس العقل ...... مش عاوز يتخلع
..
انا ح اروح انام وأدعي .... ربنا يكتبله السجن الليلة بإذن الله
ربنا يوعدك بالتخشيبة الليلة يا موافي يا ابن حوا وآدم ..... خد من قلبي وصر
تصبحو على خير
وهو يصبح ع البورش
الحمد لله
يا رب يجيبهم وراه واحد واحد
عاجل : خبر مؤكد عن حبس صفوت الشريف 15 يوم على ذمة التحقيق بقضية " تضخم الثروات"
من المصرى اليوم على الفيس بوك
وتم تأكيده على العاشره مساء
لقد خالفت القاعدة رقم (9) بند (أ) من قواعد المنتدى لذا يتوجب حصولك على إنذار
برجاء مراجعة قواعد المنتدى
الف مبروك
عقبال اصحاب العزبة
كان نفسى كمال الشاذلى يبقى معاهم
بس اكيد ربنا عذابه اكبر
باذن الله ومش هايضيع حقنا وحق الشهدا
مع انى مبسوط بخبر القبض عليه لكن قلقان كثر للاسباب الى حضرتك ذكرتها دى بالضبط..
بالاضافه ان اللواء العصار فى لقاء على اون تى فى دلوقتى ذكر حته كانت غايبه عن الجميع..وهى ان مفيش قوانين موجوده اصلا لمحاسبه الفساد السياسى !
طبعا هتتعمل لسه بعدين بس برضه ذكر لا يمكن ساتخدامها بأثر رجعى..
يعنى من الاخر مفيش حد هيتم توجيه له اى تهمه بافساد الحياه السياسيه فى مصر..يعنى امثال صفوت واصدقاءه كدا قلت جدا فرصه ادانتهم وخصوصا بعد ما سابوهم كل الفتره دى الى اكيد ظبطوا نفسهم فى القضايا الماليه وخلافه
انا كان قرب يجرالى حاجة من التكاسل والبطئ في القبض على شلة الحرامية ، بس دلوقت ضغطى وطى شوية وهديت بعد القبض على صفوت الشريف عقبال الباقي