ركبت الخيل بعد أنقطاااع طويل !!

السلام عليكم !!!

يوم الجمعة الي فات .. كان اول تدريب ركوب خيل ليا !!!

مع اني بركب خيل من زماان .. تقريباً من وأنا في 5 أبتدائي !!

لكن عمممممري مجريت بيه !!! الموضوع أبتدى في مطروح ،،أن في واحد صاحب والدي تقريباً كان ليه قرايبه هناك عندهم أسطبلات و كده .. أنا مش فاكر لأنه من زماااان .. احنا كنا زمان كل صيف في مطروح .. مش في غيرها !!

و كان صاحب بابا ده هو بداية حبي للخيل ... أفتكر اول مرة أبتدى يعلمني فيها ... كان بيحاول الأول يدربني على الهيبة بتاعت الخيل ... لني كنت لسه صغير.. اول معلمني علمني على كارته !!! و شويه شويه .. أكرب لحصان أزاي و أتحكم فيه ازاي و كده!! لكني مستغرب اني كل الفترة دي عمري فعلياً مجريت بحصان !!!

بصرحاة كنت بتمزززج اوي أني أمشي بيه براحة كده !! و واحده واحده !!

كنت بستنى الصيف يجي بفروغ الصبر .. علشان أقابل عمو جمال صحاب والدي ..و نركب الخيل !!

لحد مجيت في اولى ثانوي .. حصلتلي أصابه في ظهري من ملعب الباسكت !! منعتني اني ألعب باسكت أو أركب خيل تاني أو أيي حاجة تانية لفترة سنة ... بعد كده .. جت الثانوية الغامة !! مش العامة !! لا .. هي يا غامة !! يا أما لو مصرين تبقى ثانوية عامية !!!
خلصت الثانوية .. و ربنا وفقني و دخلت كلية هندسة !!! ركبت الخيل مرة واحدة فقط من بعد الثانوية و حتى الان و كانت في أعدادي هندسة ..... و من وقتها .. لم امارس اي رياضة خاالص !!! لا جري .. و لا باسكت .. ولا سواقة عجل زي مكنت متعود ... ولا حتى ركوب الخيل الي هيا أكتر كائنات بحبها بجد !!! :((

المهم الحمد لله ... ربنا وفقني و عرفت اخيراً اوجد لنفسي وقت فراغ !! الترم ده .. و ابتديت أركب خيل تبع القوات المسلحة !! :)
المهم لما رحت ركبت .. الأول في حاجة أسمها خانة !! و ده كان أول تدريب فعلي ليا على الحصان !! المهم الخانة دي حظيرة لوحدها !! بيتدرب فيها الناس المبتدئين خالص ... كان معايا صديقي .. هو كان بيتدرب من قبلي ... و عارف اني بعرف أركب خيل .. و وصى المدرب عليا !! المهم المدرب كانت عينيه عليا !! لقاني قاعد من البداية ماشي كويس و الحمد لله .. طلعت على الحصان !! و عدلت نفسي !! قاعد ظهري مفرود .. خفيف على الحصان كده !! ... بمشي بيه براحه ببراعه بجد.. أنا نافسي مكنتش متخيل أني مجرد محركب حصان بعد الفترة دي حلاقي نفسي كويس و لسه عارف احافظ على توازني كده !!!.....

المهم الراجل قالي تمام كويس .. و طلب من سايس من الساسة الموجودين ينقلي للحظيرة التانية !! علشان أتدرب مع صاحبي و كده !! و مجرد مدخلت الحظيرة التانية !! المدرب قالي أدخل في الصف !! دخلت في الصف .. و كان في حصان قائد للصف !! و المدرب قال أبتدي !!!

"و عيينييكمم ماا تشووووف إلا الننننووووووووووووووووووو وور !!!!!!!" :crying2::crying2::crying2::crying2:

أنا فجأة لقيت الحصنة كلها بتجري ورا بعض !!! و أنا حصاني بيجري واراهم .. عادي فيها أيه يعني !! طبعاً الي بيتدرب ركوب خيل ... عارف أن المفروض الخيل و هو بيجري انت بتكون فوقيه عمال تقعد و تقف و تقعد و تقف و هكذا !!!

والله يا جدعان ماكملت 10 خطوات على بعض "10 وقفات و قعدات" و فجاة سمعت صوت "ططكك" من ركبتي !!!

و قعدت ... بدل ماقف !!! و لكم ان تتخيلوا الألم !!! :oops1::crying2::B4_611:

المهم .. استحملت و اجي أرفع نفسي تاني ,, مش عاارف .. أوقف الحصان .. مش عارف .. كانت أعصابي ساابت خلاص !!! ركبي أصلاً وجعتني !! و مش حاسس اني عندس حاجة أسمها فخاد أو سمانة !!! العضلات دي تقريباً سيبتها في العربية قبل مدخل الأسطبلات !!! بججججججد عرفت قد اي انا فقدت ليقاتي !!! و قد ايه الرياضة البسيطة الي كنت بعملها قبل كده دي كانت مفيييدة اوي !! و قد أيه العربية من قلة ما بمشي على رجلي و داااايماً بركبها .. ضييييييييعت لياقتي !!! المهم اكملكم
انا أخدت اول ضربة و عافرت .. و لقيت نفسي مش قادر !! قلت للحصان بسسس .. براحتك !! انا اصلاً جسمي نممل !! ::crying2:
و الدنيا تقريباً أسودت من الألم !!!! :cat06: و فضلت قااعد اتنطط فوق الحصان ..ولا كاني في أجدعها زلزاال !! و خلاص مفيش عصب امسك نفسي على الحصان اصلاً... و رجلي فلتت من الركاب .. و كان منظري نكككككتة !!!! :))))))

فين و فين لما الحصان حس بيا .. لقيته ساب الطابوور !! و نزل في نص الحظيرة ... زي متقولوا .. زهق مني !!! أو صعبت عليه !! الله اعلم !! :)))
المهم أن عذابي أنتهى !!! :))

طبعاً رجعت جسمي مكسر !! و هكذا .. و ده الطبيعي !!! بس بعد كده جالي دور برررررد رخم أوي اوي اوي مش عايز يسيبني بسببه فوت حصه كنت حروحها النهارده !!!

أدعولي بقا ربنا يسهل و أخف قبل يوم الخميس علشان نفسي أروح أركب تاني !!
======================================

نصيحة يا جدعااان .. محدش يستقل بأي تمرين بيعمله أياً كاان تافه من وجهة نظره !!!!! والله بيفيد بس أنت مش بتحس !! و مش حتحس إلا في موقف زي ده :))))) :Ka_che1[1]:

بالمناسبة بقا !! ميين هنا بيحب ركوب الخيل برده !! و بيتمرن .. أو كان بيتمرن !!! و بالمرة يقولنا على المواقف الي مضححكة الي قابلته في التمرين بتاعه ؟؟!!

هههههههههه بتفكرني باول مرة ركبت خيل .. لقيتة جري جامد وكنت هاقع كنت ماسك في رقبة الحسان قافش فيها خايف اقع كان يوم ورجعت البيت جسمي متكسر اسبوع

من غير تمرين أنا وصحابي بنروح نركب خيل فالمريوطيا ومرة الحصان جرحلي رجلي في حتة بنعدي من جنبها في زنقة غبية قوي

ونفس النيلة ده كان مصمم يعض حصان تاني كل مايقرب مني يلف رقبته عليه ولمصيبة إنه بيبقى طاير

وطبعا بعد كل ركوبة كنت بارجع مكسر ومدشدش عالاخر

اقتباس:

---

المشاركة الأصلية كتبت بواسطة nistelrooy

كنت ماسك في رقبة الحسان قافش فيها خايف اقع كان يوم ورجعت البيت جسمي متكسر اسبوع

---

ههههههههههههههههههههههههه هههه .. الحمد لله أنها جت سلييييمة :))

اقتباس:

---

المشاركة الأصلية كتبت بواسطة mailo

من غير تمرين أنا وصحابي بنروح نركب خيل فالمريوطيا ومرة الحصان جرحلي رجلي في حتة بنعدي من جنبها في زنقة غبية قوي

ونفس النيلة ده كان مصمم يعض حصان تاني كل مايقرب مني يلف رقبته عليه ولمصيبة إنه بيبقى طاير

وطبعا بعد كل ركوبة كنت بارجع مكسر ومدشدش عالاخر

---

ده حصان رخخخم أوي !!! و غبي كمان !! =))))

بس وحاشة الموضوع انه فعلاً بيكسر الجسم

ههههههههههههههه بص ركوب الخيل دة متعة بس مغامرة مش سهلة لو أنت بتحب الجرى و السبق بية . الاول فية فرق كبير جدا جدا بين ركوب الاحصنة الى فى نزلة السمان و ركوب الاحصنة المدربة صح بتاعت الرياضة الحصان بتاع نزلة السمان دة حصان بلدى مقطوع نفسة و تعبان و شقيان بجد ربنا يعينة على الشقا و مش بياكل كويس .
الجرى على النجيلة فى تراك حا تحس أنة ناشف شوية عن الجرى فى الصحراء . الحصان بتاع القوات المسلحة او النوادى بمشى بخطوة أسمها ((( تروت ))) أو ال ((( غار ))) يعنى رجل أمامية مع عكسها بالرجل الخلفية طبعا حا تحس أنك بتتنطط فوق ظهر الحصان و لازم تبقى عارف يقعد أزاى فوقة و الا حا تتعب شويتين من المشية بتاعت الحصان دى . الحصان لما بيفتح فى الجرى بيبقى بيحرك رجلية الامامية مع بعض و الرجلين الخلفية مع بعض دة بيريحك و انت راكب و على فكرة الحصان من اول ما بتحط رجلك على الركاب علشان تطلع فوق ظهرة بيقيمك و بحس بيك و بيبقى عارف انت بتعرف تركب و لا لآ . المواقف الكوميدية كتير جدا جدا و حصلت حاجات كتير جدا كذا مرة أنا بصراحة الى أتغابيت على الحصان و الحصان كان حا يقلبنى من فوق ظهره دة غير أنة ساعات بيحاول يعض رجلك و انت راكب و حاجات كتير كدة . أكتر المواقف المضحة لما تركب على الحصان من غير سرج خالص و لا حتى اللباد الى بيتحط فوق ظهرة بعد ما الحصان يعرق و تلاقى جسمة بقى علية عرق زى الصابون طبعا حا تنزل حا تحس أن ريحت هدومك بقت مهببة زى الحصان بالظبط هههههههههههه نفس الريحة . و لو بتتمرن فى نادى أوعى تغامر و تحاول تقفز أى حواجز حا تقع من فوقة دة لة تمرين تانى خالص

طيب انا كنت بركب موتوسيكل تريلا
اعتقد زيه زي الحصان بالظبط
بس ده بنزين مش برسيم
وفيه كلاكس

رياضة تحفة بجد أنا بأركب على خفيف كام مرة في السنة نزلة السمان الغردقة على البحر بيبقى رائع برضه.......مش محترف بس بيبقى الحصان معايا أندر كنترول سواء تمشية أو جري..........أحلى وقت كان الفجر الحصان بيبقى فايق وبصحته والجو بيبقى تحفة في الصيف
على فكرة ياهشام باشا بيبقى فيه خيل جامدة جدا في الهرم بس بتبقى أغلى وعايز تحكم مش أي حد يركبها لأنها بتبقى حساسة قوي للمسة منك
وفيه خيل بترقص كمان .....دماغ
من أشد الأماكن المتخصصة في الخيل في مصر ويمكن على مستوى الشرق الأوسط مزرعة(مدرسة) الزهراء في عين شمس.........أنتاج خيل عربي ومدرسة للتدريب

بجد ممعلومات مفيدة منكم الله يخليكم يا رب !!

و موقف العرق ده تحفففففة :)))

اقتباس:

---

المشاركة الأصلية كتبت بواسطة zago

بس ده بنزين مش برسيم
وفيه كلاكس

---

ههههههههههههههههههههههههه ههههه

اقتباس:

---

المشاركة الأصلية كتبت بواسطة zago

طيب انا كنت بركب موتوسيكل تريلا
اعتقد زيه زي الحصان بالظبط
بس ده بنزين مش برسيم
وفيه كلاكس

---

على فكره مش زيه خااااالص :))))

سؤال كمان لو سمحت !! يعني أيه موتسيكل تريلا ؟؟؟ :))

ههههههههه فكرتني لما مررة دماغي هفتني وحبيت اركب حصان من غير اي تدريب ومكانش في حد واقف غير ابن صاحب الاسطبل الصغير
مجرد ما ركبت وهي مصرة تنزلني وفضلت تحك رجلي في الحيطه وتتنطط وتشب لحد ما وقعت على كومة قش
ومن ساعتها وانا مستحيل اركب الكائنات دي
مع اني في البلد كنت ركيب حمير قديم :grin54:

والله الكائنات دي جميلة جداً بجد و وفيييييية أوي اوي ... بس سبحان الله بقا .. الي حصل ... :))

بس الموقف جامد أوي الصراحة .. الحمد لله أن الوقعة كانت على قش مش على أسفلت او رمله !!! :))

و كمان على رأيك .. مالها الحمييير .. جميلة و قصيرة ... و يوم مالحمار تهفه دماغه و يحب ينزلك .. مد رجليك جامد بس حتلاقي نفسك وصلت للأرض :)))

اقتباس:

---

المشاركة الأصلية كتبت بواسطة otefa

رياضة تحفة بجد أنا بأركب على خفيف كام مرة في السنة نزلة السمان الغردقة على البحر بيبقى رائع برضه.......مش محترف بس بيبقى الحصان معايا أندر كنترول سواء تمشية أو جري..........أحلى وقت كان الفجر الحصان بيبقى فايق وبصحته والجو بيبقى تحفة في الصيف
على فكرة ياهشام باشا بيبقى فيه خيل جامدة جدا في الهرم بس بتبقى أغلى وعايز تحكم مش أي حد يركبها لأنها بتبقى حساسة قوي للمسة منك
وفيه خيل بترقص كمان .....دماغ
من أشد الأماكن المتخصصة في الخيل في مصر ويمكن على مستوى الشرق الأوسط مزرعة(مدرسة) الزهراء في عين شمس.........أنتاج خيل عربي ومدرسة للتدريب

---

عارفها يا باشا طبعا و بص الخيول العربية بيقولو عليها خيل الجمعية هههههههههه
و أشهر العائلات الى بتتاجر فى الموضوع دة عائلة أسمها عائلة الطحاوية ليا منهم واحد صاحبى .
بالنسبة للخيل بتاع نزلة السمان طبعا فية خيل ممتازة بس مش للأيجار و الركوب العادى دى بتتأجر سرقة يعنى يبقى واحد حاطط الحصان بتاعة فى الاسطبل و بيدفع شهرية لصاحب الاسطبل ساعات بيستهبلو و بيخرجو الخيل دى للأيجار بس مش أى حد لان الخيل بتبقى حامية و لازم الى حا يركبها يبقى ركيب مش غشيم بدل ما أولا الحصان يقع و يتعور و بعد كدة الشخص ممكن يقع و يتكسر . أنا كان ليا صديق من عائلة معروفة جدا فى نزلة السمان كنت بركب الحصان بتاعة و هو حصان عربى بس بتوع الجمعية دة بيبتدى من 35 الف جنية على فكرة و أنت طالع . بس ركوبة مختلفى تماما ناعم زى اللبانة و رهوان و شديد جدا جدا بجد بصراحة لما كنت بركبة كنت بطير طيران بية بجد عامل زى العربيات اليابانى ناعم جدا و تسارع رهيب و لا يكل و لا يمل من الجرى و يا سلام لو ركبتة بعد ما يكون محبوس بقالة يومين مثلا ما خرجش من الاسطبل بيطير طيران بجد .
الخيل الانجليزى ركبتة بس حجمة ضخم جدا و وزنة تقيل و تحس أنك راكب قطر

حلووووووووووووووووووووووو وووووووووووو ايه ده انا بعشق حاجة اسمها ركوب خيل :d ممكن حضرتك تديني مواصفات الكورس ده فين تبع القوات المسلحة اللي فين :d فيه في القاهرة منه ولا لا ؟ مواعيده ايه ؟ اسعاره لأنه لو كده والله ها اسجل فيه بكرة ان شاء الله تعالا ..

اقتباس:

---

المشاركة الأصلية كتبت بواسطة Ralliart

ههههههههه فكرتني لما مررة دماغي هفتني وحبيت اركب حصان من غير اي تدريب ومكانش في حد واقف غير ابن صاحب الاسطبل الصغير
مجرد ما ركبت وهي مصرة تنزلني وفضلت تحك رجلي في الحيطه وتتنطط وتشب لحد ما وقعت على كومة قش
ومن ساعتها وانا مستحيل اركب الكائنات دي
مع اني في البلد كنت ركيب حمير قديم :grin54:

---

ههههههه ماهو الحصان لو ملجمتوش بيحس بألي ركبه متمكن ولا أول مرة
فاوالله بيشتغله لازم الواحد ينشف راسه معاه
مايوقع ألا الشاطر:Oc_sun1[1]:

على فكرة فى خيل محترمة كتير فى النزلة لو تعرف حد هناك كويش و هتدفع زيادة شوية بس لازم تكون ركيب علشان تستمتع

الحمد لله أنا بركب بإنتظام بقالى 6 سنين و أما بروح بطلب خيل حسب المزاج ( خيل يرقص , خيل محبوس و هايج , خيل جرى)
وفعلا أى رياضة و لو حتى المشى بتخلى أجسامنا صحية لحد كبير

اقتباس:

---

المشاركة الأصلية كتبت بواسطة sayed911

حلووووووووووووووووووووووو وووووووووووو ايه ده انا بعشق حاجة اسمها ركوب خيل :d ممكن حضرتك تديني مواصفات الكورس ده فين تبع القوات المسلحة اللي فين :d فيه في القاهرة منه ولا لا ؟ مواعيده ايه ؟ اسعاره لأنه لو كده والله ها اسجل فيه بكرة ان شاء الله تعالا ..

---

بص يا سيدي .. لو حضرتك مشترك بالفعل في نادي كبير زي أصحاب الجياد أو كده .. ده بيكون فيه تمرين أصلاً... حتى نوادي زي الزمالك أو كده يعني و ده الي اعرفه !!!

أما عن موضوع القوات المسلحة ... أنا أصلاً ليا قرايبي اعضاء فيه و كمان صديقي عضو فيه.. لما دخلت .. دخلت معاه ... بس دفعت تذكرة ثمنها 3 جنيه فقط .. علشان أنا دخلت الحظيرة نفسها مش النادي !! أما الحضان .. فتاجيره ب 20 جنيه ... و ساعتها بتخدل حاجة أسمها خانة!!! المدرب بيتابع معاك .. ملكش عدد ساعات معين .. بس بالكتير اووي ساعتين .. طالما أنك لسه في الخانة دي !! لأنك أنت نفسك حتتعب أوي !! :)


بالتوفيق أن شاء الله


اه نسيت .. ليا 2 صحابي بيتدربو تبع الشرطة .. في أسطابلات للشرطة و كذلك حظائر للتدريب و كده زي القوات المسلحة !!! بس دي بقا أنا متأكد ان أي حد ممكن يدخلها لأنهم ملهمش اي قرايب في الشرطة و كده !! :)

بالتوفيق :)

[img3]http://sellit4.com/adsimg/c6ab8d5ad7eb3b9a7b960922a4b82f6e1.jpg[/img3]



هو ده التريلا ياباشا
ده بقى بتنزل منه مفيش اي حاجه بتوجعك
لانك مش حاسس بجسمك اصلا

اقتباس:

---

المشاركة الأصلية كتبت بواسطة smsm_nabawy

ههههههههههههههههههههههههه ههههه





على فكره مش زيه خااااالص :))))

سؤال كمان لو سمحت !! يعني أيه موتسيكل تريلا ؟؟؟ :))

---

على فكره انا خالي مدرب بولو في الخياله
اكاديميه الشرطه يعني
تيييييييييييت ههههههههههههه
ايه رايك بقى ؟؟ لا خيل ولا جمل

وعلى فكره الجمل حيوان اليف .... الخ الخ الخ

اقتباس:

---

المشاركة الأصلية كتبت بواسطة zago

على فكره انا خالي مدرب بولو في الخياله
اكاديميه الشرطه يعني
تيييييييييييت ههههههههههههه
ايه رايك بقى ؟؟ لا خيل ولا جمل

وعلى فكره الجمل حيوان اليف .... الخ الخ الخ

---

عرفتو .. ده الموتسيكل ده أول مرة اعرف انه مؤلم كده.. بصراحة معنديس عنه اييي خبرة غير في لعبى جاتا !! لما كنت بركبه و اقعد أجري بيه فوق المباني :)))

نيجي بقا للمهم .. بعد أذنك أنا عارف اني متاقل عليك !!
بس يعني ايه مدرب "بولو" :)

ههههههههههههههههههه
بولو
رياضه البولو
عارف البولو شيرت ؟؟ واخدين اسمه من فين ؟؟

طب شوف اللينك ده
ط§ظ„ط¨ظˆظ„ظˆ .. ظ„ط¹ط¨ط© ط§ظ„ظ…ظ„ظˆظƒ ط§ظ„طھظ‰ ط§ط¨طھط¯ط¹ظ‡ط§ ط§ظ„ظپط±ط³

ااااااااااااااااااااااهاا ااااااااااااااااا !!!

اتااري أنا دايماً أقول .. التشرتات البولو الي عند والدي .. مرسوم عليها حاجة حصان كده و عليه واحد ماسك عصاية جولف ليييييييه !!!

و كلل ده جايه في دماغي أنها المفروض يتكتب عليها ولكس فااجنز بولو !!!

ههههههههههههههههههههه

اما موووووقف !!!! =)))))