زود سرعة النت عندك .. انت ونصيبك بقي كام %

الفكرة كلها في ال DNS
أيه هو ال DNS ده ؟
معناه Domain Name Server
وشرحه وفكرته هنا
Domain Name System - Wikipedia, the free encyclopedia
أو من هنا .. شرح مبسط
ال Dns شرح مبسط (طريقة عملة ومصطلحاتة ) - :: Traidnt.Net ::

طاب دلوقتي عرفنا هو أيه ال DNS
دلوقتي عايزين نخنار واحد سريع
ممكن تكون الشركة بتاعتك مدياك رقم تدخل بيه
وممكن لأ
بس حتي لو معاك .. مش شرط يكون الأسرع
طاب نعرف الأسرع أزاي ؟
هنا بقي الطريقة :)
برنامج من google
اسمه namebench
هتلاقيه هنا
namebench - Open-source DNS Benchmark Utility - Google Project Hosting
الجميل فيه انه موجود لمعظم ال OSs
ده طريقته
namebench runs a fair and thorough benchmark using your web browser history, tcpdump output, or standardized datasets in order to provide an individualized recommendation.
نزل بقي اللي انت عايزه
انا عندي windows يبقي هختار
هتلاقي الأختيارات علي الشمال
Downloads
بعد لما ينزل عند شغله و أعمله Extract
لما يخلص دوس علي Start Benchmark
وسيبه يعيييييش مع نفسه
ممكن ياخد بتاع ربع ساعة
لما يخلص بيفتح صفحة web عادية
بيكون فيها الكلام ده
http://namebench.googlecode.com/file...-1.3-table.jpg

الصورة ده من الموقع مش اللي ظهرتلي
مكتوبلك فيها انت كدة هتزيد كام % بالأخضر علي الشمال
وعلي اليمين هو ده ال DNS اللي هنستخدمه
وهتلاقي ranking ليه
أول واحد (Primary Server ) هو أسرعهم علي جهازك .. مش شرط أجهزة تانية
بس هو الأسرع وهو اللي هيزودك
هنعمل أيه بقي عشان نشغله ؟
في لكل ويندوس طريقته
هنا الطرق

Windows XP: http://www.plus.net/support/domains_and_...s_xp.shtml
Windows Vista / Seven: http://www.sevenforums.com/tutorials/150...s-7-a.html

بأختصار عشان لو في لخبطة
نيجي علي local area network
وندوس right click
Properties
نعلم علي Internet Protocol Version 4 مش تعمل check أو unchecked لأ .. هتعلم عليها عشان لونها يبقي أزرق فقط
وتدوس علي Properties
أعمل check علي use the following DNS server addresses
هتلاقي مكانين للكتابه preferred و alternate
هتكتب في ال preferred أو حاجة اللي هو ال primary
وال alternate هتكتب تاني حاجة اللي هو ال secondary
و أعمل validate settings upon exit
ok
close
أقفل ال router 10 ثواني و أفتحه تاني وجرب بقي :)
انا زادت عندي 30 %
الصراحة في فرق
في ناس زادت عندهم 230 %
أفضل DNS ليا كان google public DNS
وفي كمبيوتر تاني جاب 85 % وكان ال DNS من أيطاليا
جربوا وقولوا الفرق أيه :)
انا جاهز للأستفسارات
يفضل firfox بالتعديل ده http://www.nilemotors.net/Nile/186360-firefox-30-a.html
و IDM لل Download

انا بستعمل نظام الماكينتوش اعمل الموضوع ده ازاي

اقتباس:

---

المشاركة الأصلية كتبت بواسطة amr_tika88

انا بستعمل نظام الماكينتوش اعمل الموضوع ده ازاي

---

البرنامج أهوه
الطريقة نفسها هشوفهالك
معنديش ماك الحقيقة :)

طريقة ماك
Changing DNS Settings in Mac OS X

كدة علي ما أعتقد مش محتاج أعدل حاجة
http://www.nileup.com//uploads/image...e4f37d7a91.jpg

شكرا لك علي هذا الشرح
توضيح صغير ان الاحتياج للDNS سيرفر يكون عند تحويل العناوين من الشكل المكتوب بالحروف www.xxxxxx.xxx الي ip فقط و بعدها تنتهي مهمة السيرفر

و ان فرق السرعة مابين اسرع و ابطأ سيرفر هو 120 ميللي ثانية = 0.12 ثانية
و هي سرعة لا يشعر بها الانسان المستخدم العادي ابدا عند تصفح للانترنت

و عادة ما يتم استخدم جوجل DNS و البعض يستخدم openDNS لما يقدم من خدمات
او DNS الخاص بمزود الخدمة هو احيانا كثيرة يكون الاسرع لانه الاقرب فعليا الي المشترك

اقتباس:

---

المشاركة الأصلية كتبت بواسطة phantom0xx0

كدة علي ما أعتقد مش محتاج أعدل حاجة
http://www.nileup.com//uploads/image...e4f37d7a91.jpg

---

الله ينور :)

اقتباس:

---

المشاركة الأصلية كتبت بواسطة AmAhmed

شكرا لك علي هذا الشرح
توضيح صغير ان الاحتياج للDNS سيرفر يكون عند تحويل العناوين من الشكل المكتوب بالحروف www.xxxxxx.xxx الي ip فقط و بعدها تنتهي مهمة السيرفر

و ان فرق السرعة مابين اسرع و ابطأ سيرفر هو 120 ميللي ثانية = 0.12 ثانية
و هي سرعة لا يشعر بها الانسان المستخدم العادي ابدا عند تصفح للانترنت

و عادة ما يتم استخدم جوجل DNS و البعض يستخدم openDNS لما يقدم من خدمات
او DNS الخاص بمزود الخدمة هو احيانا كثيرة يكون الاسرع لانه الاقرب فعليا الي المشترك

---

كلام زي الفل
هي زي ما قلت كدة بتفرق في ال ping مش كتير بس بيتحس
بس انا حسيتها مع كذا download
بيوصل عندي ل 80 وسرعتي 512
الطبيعي كان 57

اولا متشكره جدا على الموضوع ده لإنى فعلا محتاجاه لإن من اسبوع كده النت سرعتها بقت فى الارض و اكلمهم يقولولى السنترال هو اللى فيه مشكله و اكلم السنترال يقولولى مافيش مشكله و لا حاجه
المهم بعد ما نزلت البرنامج و شغلته قاللى ان الrecommended dns حيسرعلى النت بنسبة 1.5%
و دى حاجه بسيطه جدا جدا و مش شايفه انها تستاهل انى اغير عشانها
انا لسه مجربتش الموضوع بتاع الفايرفوكس على فكره
شكرا مره تانيه

طيب انا عندى نظام broadband connection
هيفيدنى الموضوع دا

اقتباس:

---

المشاركة الأصلية كتبت بواسطة Eng.Geo

الله ينور :)


كلام زي الفل
هي زي ما قلت كدة بتفرق في ال ping مش كتير بس بيتحس
بس انا حسيتها مع كذا download
بيوصل عندي ل 80 وسرعتي 512
الطبيعي كان 57

---

لا علاقة اطلاقا بين سرعة التحميل و ال DNS
طالما حصل التوصيل بين السيرفر و العميل بيبدء تحميل الداتا و لا دور نهائيا ل سيرفر ال DNS
يمكنك التأكد من كلامي بالبحث في جوجل

الفوائد الرئيسية لتغيير سيرفير الDNS
هي الاستفادة بخدمات السيرفر مثل خاصية حجب المواقع الاباحية من openDNS
و ايضا السيرفرات الاجنبية لا يطالها الحجب السياسي و سريعة في تجديد بيانات الموقع التي تغير استضافتها و كذلك هي نادرة الاعطال

اقتباس:

---

المشاركة الأصلية كتبت بواسطة rosebox

اولا متشكره جدا على الموضوع ده لإنى فعلا محتاجاه لإن من اسبوع كده النت سرعتها بقت فى الارض و اكلمهم يقولولى السنترال هو اللى فيه مشكله و اكلم السنترال يقولولى مافيش مشكله و لا حاجه
المهم بعد ما نزلت البرنامج و شغلته قاللى ان الrecommended dns حيسرعلى النت بنسبة 1.5%
و دى حاجه بسيطه جدا جدا و مش شايفه انها تستاهل انى اغير عشانها
انا لسه مجربتش الموضوع بتاع الفايرفوكس على فكره
شكرا مره تانيه

---

العفو
الفرق مش كبير للأسف

اقتباس:

---

المشاركة الأصلية كتبت بواسطة د.أحمد السعيد

طيب انا عندى نظام broadband connection
هيفيدنى الموضوع دا

---

أه تشتغل عادي
بس مش local area network
هتبقي حاجة تانية

اقتباس:

---

المشاركة الأصلية كتبت بواسطة AmAhmed

لا علاقة اطلاقا بين سرعة التحميل و ال DNS
طالما حصل التوصيل بين السيرفر و العميل بيبدء تحميل الداتا و لا دور نهائيا ل سيرفر ال DNS
يمكنك التأكد من كلامي بالبحث في جوجل

الفوائد الرئيسية لتغيير سيرفير الDNS
هي الاستفادة بخدمات السيرفر مثل خاصية حجب المواقع الاباحية من openDNS
و ايضا السيرفرات الاجنبية لا يطالها الحجب السياسي و سريعة في تجديد بيانات الموقع التي تغير استضافتها و كذلك هي نادرة الاعطال

---

تفسر بأيه زيادة السرعة
انا تفسيري ليها هو زياده ال ping للسيرفرات بتاعة مواقع التحميل
مع انها برضه كانت كويسة مع ال direct link زي rapidshare !

http://img191.imageshack.us/img191/5977/capturecn.jpg

اقتباس:

---

11.3%

---

مشكور يا باشمهندس
السرعة زادت فعلا

الموضوع ده يسري على مشتركي الـ usb ؟ انا عملت اول خطوه وقالي ممكن يكون في زياده بنسبة 11.3%

اقتباس:

---

المشاركة الأصلية كتبت بواسطة Eng.Geo

]تفسر بأيه زيادة السرعة
انا تفسيري ليها هو زياده ال ping للسيرفرات بتاعة مواقع التحميل
مع انها برضه كانت كويسة مع ال direct link زي rapidshare !

---

تفسير زيادة السرعة هي انها صدفة لطيفة
و لا علاقة علمية او موضوعية بين الاتنين

انت تقصد قلة البنج للسيرفرات التحميل
و سيناريو التحميل اهو
انت بتضغط علي لينك مثلا www.gogle.com/winrar.rar
بعد الضغط بيتم الاتصال بسيرفر ال DNS لتحويل Google الي ip رقمي
ثم يقوم برنامج التحميل بالاتصال بالرقم اللي استلمه من ال DNS سيرفر و هنا تنتهي مهمة سيرفر ال DNS و تستغرق هذه العملية حوالي 500-600 مللي ثانية
حوالي 0.5 ثانية
و يبدأ سيرفر التحميل في ارسال باكتس بتاعت الداتا و جهازك كل ما بستلم باك يبعت يقول لسيرفر التحميل وصلت ابعت اللي بعدها
و ده بيأكد علي اهمية سرعة ال upload و تأثيرها علي سرعة الدونلوود


اما في عملية التصفح فاثناء تحميلك لصفحة فكل link في الصفحة المتصفح بيخاطب السيرفر بتاع ال DNS علشان يحول الروابط دي الي ip و هنا بتظهر اهمية سرعة استجابة ال DNS سيرفر لان كل ما زادت عدد الروابط زاد عدد مرات الاتصال لطلبات التحويل الي ip رقمي
لكن اذا كانت السرعة قليلة كما في حالتك 512 كيلوبت و الصفحة تقيلة و بتتحمل في 5-10 ثواني لحد المتصفح ما يكتب done اذا تأثير سرعة DNS سيرفر لن يكون ملحوظ وسط بطئ تحميل الصفحة لكن حيظر لمن سرعته اكبر و يستطيع تحميل الصفحة في 1 او 2 علي الاكثر

انا لا اشكك في فائدة استخدام DNS سريع لكن اوضح معلومة بان لا علاقة له بسرعة التحميل لا تورنت و مباشر و لا رابيدشير و لا فلاش جيت
و انا استخدم بدل من سيرفر لينك دوت النت الاسرع بالنسبة لي لانه اقرب لوجوده في الشركة لكني استخدم opendns اساسي و جوجل ثانوي لاني مش عايز اشوف صفحة مكتوب عليها error 404 - Not Found

مزيد من المعلومات من جوجل DNS
Performance Benefits

اقتباس:

---

المشاركة الأصلية كتبت بواسطة AmAhmed

تفسير زيادة السرعة هي انها صدفة لطيفة
و لا علاقة علمية او موضوعية بين الاتنين

انت تقصد قلة البنج للسيرفرات التحميل
و سيناريو التحميل اهو
انت بتضغط علي لينك مثلا www.gogle.com/winrar.rar
بعد الضغط بيتم الاتصال بسيرفر ال DNS لتحويل Google الي ip رقمي
ثم يقوم برنامج التحميل بالاتصال بالرقم اللي استلمه من ال DNS سيرفر و هنا تنتهي مهمة سيرفر ال DNS و تستغرق هذه العملية حوالي 500-600 مللي ثانية
حوالي 0.5 ثانية
و يبدأ سيرفر التحميل في ارسال باكتس بتاعت الداتا و جهازك كل ما بستلم باك يبعت يقول لسيرفر التحميل وصلت ابعت اللي بعدها
و ده بيأكد علي اهمية سرعة ال upload و تأثيرها علي سرعة الدونلوود


اما في عملية التصفح فاثناء تحميلك لصفحة فكل link في الصفحة المتصفح بيخاطب السيرفر بتاع ال DNS علشان يحول الروابط دي الي ip و هنا بتظهر اهمية سرعة استجابة ال DNS سيرفر لان كل ما زادت عدد الروابط زاد عدد مرات الاتصال لطلبات التحويل الي ip رقمي
لكن اذا كانت السرعة قليلة كما في حالتك 512 كيلوبت و الصفحة تقيلة و بتتحمل في 5-10 ثواني لحد المتصفح ما يكتب done اذا تأثير سرعة DNS سيرفر لن يكون ملحوظ وسط بطئ تحميل الصفحة لكن حيظر لمن سرعته اكبر و يستطيع تحميل الصفحة في 1 او 2 علي الاكثر

انا لا اشكك في فائدة استخدام DNS سريع لكن اوضح معلومة بان لا علاقة له بسرعة التحميل لا تورنت و مباشر و لا رابيدشير و لا فلاش جيت
و انا استخدم بدل من سيرفر لينك دوت النت الاسرع بالنسبة لي لانه اقرب لوجوده في الشركة لكني استخدم opendns اساسي و جوجل ثانوي لاني مش عايز اشوف صفحة مكتوب عليها error 404 - Not Found

مزيد من المعلومات من جوجل DNS
Performance Benefits

---

كلام صحيح تماما .. و لو حد حس بفرق فى السرعة يبقى هو من الأول كان عنده مشكلة فى سرعة ال Lookup time اللى هى الوقت عشان يحول ال FQDN ل IP .. و فى الحالة دى الأفضل بدل ما يستخدم DNS خارجى .. انه يتصل بالشركة يقول لهم ان وقت ال Lookup عالى عشان هما يشوفوا المشكلة فين .. مع ان المشكلة دى قليل جدا جدا لما تحصل.

استاذ ورئيس قسم

تحياتى

موضوع رائع واول مره اسمع عنه

انا عندي وصل
123.3%

http://www12.0zz0.com/2011/04/12/20/375490365.jpg

ميه ميه يا باشا , الف شكر يا كبييييير :)

فعلا ال dns مالوش دعوة بسرعة التصفح ولا التحميل.

تسلم يا كبير
ربنا يبارك فيك

اقتباس:

---

المشاركة الأصلية كتبت بواسطة madues

الموضوع ده يسري على مشتركي الـ usb ؟ انا عملت اول خطوه وقالي ممكن يكون في زياده بنسبة 11.3%

---

محدش رد عليا ؟؟؟

مالوش اى علاقه مؤثره بسرعه التصفح