الانترا زيرو اتوماتيك اول فئه
صني سوبر صالون اتوماتيك زيرو
مع توضيح السبب مين افضل
الانترا زيرو اتوماتيك اول فئه
صني سوبر صالون اتوماتيك زيرو
مع توضيح السبب مين افضل
انزل اتفرج علي الصني لو عاجبك شكلها ككل و تقفيلها و مستعد تدفع في استهلاك البنزين الخوزعبلي توكل علي الله فيها بدون مقارنات غير كده خليك في الالنترا.
من ناحية الامان و الثبات الصنى تكسب و كمان فى شكل جديد للالنترا قريب فيبقى الصنى افضل
من ناحية الثبات والاج الصنى تكسب
بجد و الله يا حسين اللي كان مخوفني اني اشتري الصني من الاول .. كلام الناس عن استهلاك البنزين بتاعها ...
و افترضت ان استهلاكها عالي فعلا .. و عملت حسبة صغيرة كده بين تمنها و تمن الالانترا ... و بعدين حطيت فرق استهلاك البنزين في الحسبة .... الفرق بالتاكيد هيبقى لصالح الصني لحد مثلا 100000 كم او 120000 كم .. بعد كده يبقى الافضلا الانترا ....
مش عاوز اخش في تفاصيل ....
و الله انا قررت اشتريها بعيبها ( وقت ما الناس اقنعتني انه استهلاك البنزين يعيبها )
لكن و الله .. فوجئت ان استهلاكها طبيعي جدا جدا جدا .. و يمكن افضل من سيارات 1600 ,,,
و ان الشيء الوحيد اللي بياثر في استهلاك البنزين هوا طريقة القيادة نفسها ....
يعني انا عن نفسي بعد صيانة الالف ( واخد بالك انها الاف ) حسبت الاستهلاك في تفويلة كانت سواقتي على السريع من 95 الى 110 طلع الرقم اللي انتشر ده ( 256كم / الصفيحة )
و في التفويلة التانية اتعمدت اني اشد شوية .. بعنب من 110 الى 125 او 130 على السريع .. مع تشغيل التكييف تقريبا في اوقات كتير ,,,,
لقيت الاستهلاك زاد .. بقا 249.7 كم / الصفيحة ...
شكرا .....
النترا اتوماتيك
شكل عصرى و انسيابى بالنسبة لشكل الصنى
تكنولوجيا حديثة و متطورة
صالون اكبر و افخم و اشيك
قطع غيار باسعار معقولة سواء جديد و استيراد
سعر اعادة بيع ممتاز
عزل صوت احسن من الصنى
باور متطور
موتور ناعم و قليل الصيانة
يعيبها توكيلها المعفن و الثبات بعد الـ 140 سىء لكن يتم حله بكاوتش اعرض و جنوط
الصاج ضعيف جدا مقارنة بالصنى
لكن و عايز تركب نيسان ارشحلك التيدا لا تقولى النترا ولا بتاع :)
يعني الاغلبيه بترجح الصني
حاول تسوق كل واحده منهم, انا كنت زيك كده و لسه بردوا مقررتش بس جربت الانترا و شلتها من حساباتى خالص هى واسعه و شيك و بتجرى بس حسيت انى راكب ورقه على الصحراوى
الصنى: ميزات: مكونات يابانى من صانع سيارات اشتهر بطول عمر مكوناته وقدرتها على التحمل، كماليات اكثر لنفس السعر، ثبات، قطع غيار منتسرة وخيصة، شبكة صيانة قوية جدا تغطى الجمهورية(ألا صحيح هى لسة جمهورية وللا حاليا اسمها يبقى ايه؟)، تكنولوجيا غير معقدة
عيوب: عزل الصوت الى حد ما قليل وصوت المحرك بيبان فى التسارع، القعدة فى الكنبة الخلفية ضيقة الى حد ما،البعض يصر ان استهلاكها فى البنزين عالى لكن عموما نفس الشكوى من سيارات هيونداى، الجير بوكس غياراته محسوسة الى حد ما، الشكل ينتمى الى عدة سنوات مضت
اللانترا:ميزات:صالون انيق، تسارع جيد، باور ستيرنج كهربائى انعم من الصنى، عزل الصوت افضل من الصنى، قطع غيار منتشرة، جيربوكس ناعم، صالون واسع وخصوصا قعدة الكنبة الخلفية
عيوب: الثبات عليه ملاحظات، السدر الامامى للسيارة بلاستيك ، توكيل زحمة جدا ومعاملة سيئة، عمر افتراضى اقل من الصنى وارتفاع صوت المحرك مع الوقت، سعر اغلى وكماليات اقل
في قانون فزيائي كدة اسمه التربيع العكسي و ده في مجالات كتييير قوي قوي بس خلينا في العربيات
كل لما نزود سرعة العربية مقاومة الهواء للعربية تزيد و بالتالي استهلاك العربية للوقود بيزيد (كلنا عارفينها دي)
عند سرعة معينة مقاومة الهواء تزيد بمربع قيمة سرعة العربية (قانون التربيع العكسي) فاستهلاك البنزيين يزيد بمقدار أكبر بكتيير من المعدل الطبيعي
هذه السرعة متغيرة من وقت لاخر و من عربية لأخرى تبعا للـعلم الـ AiroDynamics في ناس بتقول السرعة دي في حدود 110 كم/س إلى 130 كم/س بس دي قيم تقديرية جدا
بس أكيد سرعة 160 كم/س انت دخلت في مرحلة التربيع العكسي