تم بحمد الله وضع زيت فيسكو 5000 فالعربية و يا مسهل يطلع أحسن من موبايل 1 أحسن موبايل 1 باءة زفت خالص و بالمرة ألت اغسل موتور العربية بس كنت مقلق و هؤ بيغسل بس الحمدالله مفش خساير
عرض للطباعة
تم بحمد الله وضع زيت فيسكو 5000 فالعربية و يا مسهل يطلع أحسن من موبايل 1 أحسن موبايل 1 باءة زفت خالص و بالمرة ألت اغسل موتور العربية بس كنت مقلق و هؤ بيغسل بس الحمدالله مفش خساير
بكام؟ ولغاية كام ألف كم؟
انا كنت جايبه من كارجاس ب 220 جنيه 4 لتر
بتحط الجركن كله وتسيب ربع لتر متحطوش علشان بوظ عندي الجوان بتاع غطاء التكيهات بتاع وتغير الفلتر لانك غيرت نوع الزيت
هو في الاول بيبقي مش ليه لون خالص وتقريبا لزوجته مفيش
بس بعد كدا بيشد نفسه
عموما برده في نسبه بخر لا يستهان بها
هو فيه مهندس هنا علي المنتدي قالي انه بيعمل لحد 25 الف
بس انا هغيره علي 15 الف
هو حت كلو 4 لتر عشان أنا مغير كمان فلتر الزيت معاها هو دة الشغال هناك اقلي عليه و أنا إس هبئة أنزل على 15000 و هاشوف بعد كدة هل يستحمل أكتر ولا لأ
كان فيه موضوع هنا عن الزيت ده فالعام تقريبا وناس بتقول كويس وناس بتقول وحش وعملهم مشاكل
بصوا كده عالموضوع ده الاول
بصراحه انا احترت من حكاية الزيت ديه
فى اراء كتيرة بالنسبة لنوع الزيت
وانا دلوقتى داخل على ميعاد تيغر الزيت وبصراحه محتار اغير لنوع ايه علما انى هغير الزيت كل 5000 كيلو
فيسكو 5000 زيت تخليقي بالكامل , وتعبأه خارج مصر , وهو زيت كويس وشغال تمام مع ناس كتير , ولكن من رأيي انه ينزل على 10 الاف كم زي الموبيل
و نصيحه وعن تجربه ابعدوا تماما عن زيت فيسكو 2000 و 3000 لانه معدني وبيهلك المكنه وبيعلي صوتها , وده عن تجربه
لاني جربته مره من فتره وفي البدايه حسيت انه لذيذ وصوت المكنه هادي جدا والدنيا تمام , وبعدها بدأت الاحظ عليه نسبة البخر العاليه , الاسوأ من كده هو ان صوت المكنه اصبح عالى , وحتى لما رجعت تاني لموبيل1 حسيت ان المكنه صوتها علي جداااااا عن الاول , وبقا فيه صوت تكتكه عاليه , وعلى ما اتذكر الميكانيكي كان قالى ان التكتكه دي بسبب الكستبانات ولازم تتغير لانها خفت , وكمان لان الكستبانات دي روحها في الزيت , ده حسب كلامه
ملحوظه : زيت فيسكو 2000 او 3000 يصلح للمكن القديم , بس لا انصح بيه للمكن الجديد
وبالنسبه لزيت فيسكو 5000 اظن ان الاستاذ محمد ممدوح كان بيستخدمه وهو ممكن يحكم عليه افضل مني لاني مجربتهوش
انا مجرب ال5000 بقالى كذا سنة و شغال زى الفل
و حاليا انا حاطت فيسكو 3000 فى عربية الوالد عشان مبتعملش كيلومترات كتير فى السنة و الزيت التخليقى حيبقى مكلف جدا لانى حتضر اغيرة بعد سنتين و العربية ممكن متكونش عاملة 5000 كيلو
انا حاليا حاطت شل هيلكس الترا للتجربة فى عربيتى
MMamdouh
أنا بقالى فترة بستخدمة و الحمد الله كويس و مفيش مشاكل
اخبارك ايه يا باشا ومختفى بقالك مده وايه اخبار الجواز قريب ولا لسه ربنا يوفقك ان شاء الله لكل خير
والله انت كدا خوفتنى يا باشا انا بستخدم فيسكو 3000 بس مش قادر احكم عليه اوى بصراحه بس المره القادمه هجرب ال 5000 حسب كلامك ونصيحه محمد ممدوح وربنا يسهل يا باشا
عن تجربة من اجود الزيوت الموجودة زيوت شل
انا بحط شل الاصفر ابو 105 جنية
صوت المكنة معاه اهدى كتير من اي زيت تاني وبحس ان الموتور فايق معاه