استفسار عن الفوجات

**ramyworm** · 11-04-2011 09:01 PM

انا موصل الفوجات عندي بسلك من البطارية على طول للفوجات وسلك تاني لغاية التابلوه وبس على كدة من غير كتاوت .
بس بسمع كل الناس بتقول لازم اركب كتاوت للنور خصوصا اني مركب فيهم لمض 100 وات .
فياريت اعرف ايه الضرر من اللي انا عاملو ده وهل ممكن يضر اي اجزاء تانية في العربية
للعلم انا مركب الفوجات من سنة تقريبا وشغالين لغاية النهاردة من غير اي مشاكل بس انا مش بشغلهم بصورة يومية عشان هما عالين وبيضايقوا اللي جاي قدامي فمش بشغلهم كتير ( مش عاوز حد يفتكر انهم زي العالي طبعا اقل بس بيضايقوا شوية اللي قدامي وناس كتير بتقولي اقفلهم )

**abo_kanze** · 22-04-2011 02:53 PM

حضرتك تقسد يعني واخد ارضي من البطاريه مباشر؟ ويعني ايه في سلك رايح ع التابلوه,قصدك يعني رايح علي الدراع بتاع النور؟
لو مش حاطط كتاوت حط فيوز ميكونش محمل قوي,يعني مثلا 25 امبير,عشان لو سخنت الاسلاك او حصل ماس,يطير الفيوز مش الدراع.
ياريت توضيح من حضرتك في موضوع التوصيلات

الكتاوت وظيفته الاولي تقوية الاضائه في حال توصيله علي اللفوانيس,والوظيفه التانيه الحمايه من سخونه الاسلاك علي الدراع(حماسة الدراع)